ISAI 1:13 - PATHIEN LEKHABU THIENGTHO (BSI)

¹³ “Na thilpiek hun chawih teu leh na thil gimlim chuh kei dingin kihdak-um ahi. Tha thakte, sabbath te, gilo kawma khawmpi guntak neih a kisapkhawm haw maimai chuh ka thuok thei ta puoi.

ISAI 1:13 ပူးပေါင်းရင်းမြစ်များ

ISAI 66:3

Bâwngchal that chuh mihing that tawbang ahi a; belam no a kithawi chuh ui gawl âttan tawh kibang ahi a, an thillat lânte chule vawk thisan a kithawi tawbang ahi; gimlim lân chule milim pathien vangsak tawbang ahi. Ahi, amau lampi a tel zawu a; thil tenum hih teu achun a lungthim uh a kipâk sek u a.

MALAKI 1:10

“A thâwn mai a ka maichâm a chuh mei a kidet lohna dingin, na lak u a khat hin, Ho-In kawtkhak hi khâk zaw mai leh ka ut hi. Na chung u ah kipahna himhim ka nei puoh a, na khut u apat in thillat chule pawm diek puo’ng ka, Lalpa Bangkim hihthei chun a tii. Na chungu ah ka kipâk puoh a, ka kawma na thillat teu le pawm lo ding ka hi, Lalpa’n a tii.

MATTHAI 15:9

Bang hitalele, a mi sinsaknau ah mihiem thupiek a a hilh ziekun, Ei ho sek u hi mawk mai ahi,’ ti’n,” a ti a, a dâwng a.

EZEKIEL 20:39

Nang u chuh na hih u leh, Aw Israel insung mite haw, Lalpa Pathien chun hiti hin a tii: “Chieh unla, na milim hawu na chuh sem chiet mai tau u! Ahihziekin, tunung leh ka thu hun ngaitha ta’n na tin un, ka min thiengtho chuh na thilpiek hawu leh na milim hawu chun subuok ta puo’n lau.

LUKE 11:42

“Na chunguh a gik hi! Nanguh Pharisaite haw, Pudina bang, pathikhawm ngat bang leh, thai tin chengte Pathien kawmah sawma-khat na pie sek u a, himahleh, vaihawm dikna leh Pathien hehpih ding chuh na ngaihsak ngâl puou a. Ziehaw chuh apuo, na sin ding u chuh, a dangte hih chuh haihsan diek lo in,

JOEL 2:15

Zion achun pengkun mût un la; Anngawlh hun mang thiengtho unla, kikhawppi guntak siem un.

SUNNA LA 2:6

Amah I honau Ho-In ngêi chule hiemngam takin huon guolin a susie a: Lalpa chun Zion ah kikhawppi hunbi neite leh Chawlhni te chule hetngilh in a um saka. Lungna takin lengte leh thiempute chu a paih tha tai.

EPHESI 4:30

Chun, Pathien Thagau Thiengtho chuh sulungkham kiu in, tatna ni tienga dingin amah a chuh mawhuol kinam na hi ngâl u a.

1 KORINTH 11:17

Amahvang chuh, zie thu ka hun piekna a hin, nang haw ka hun pakcha thei puoi; Pathien ho dinga na kikhawp khawmnau chuh, phat zawkna ding lam hilo in, siet zawksemna ding lama, na kikhawp sek ziekun.

JOEL 1:14

An ngawlh hun mang thiengtho unla; kikhawppi guntak siem unla, Lalpa Pathien In achun teksiepute leh, zie gama chêngte cheng chuh puikhawm un la, Lalpa chuh sam un.

THUCHINGTE 21:27

Migilo kithawihna chuh Lalpa a dingin kihdak-um ahi a, ngaihtuohna gilo taka a piek vang chuh kihdak a um zaw diek hi.

SAM LEHKHABU THE PSALMS 78:40

Gamgaw akhan amah chungah a kiphin zing u a, Gamgaw achun amah chuh a sulungkham u a!

1 KHANGTHUBU 23:31

Chawlhni te, tha thak te, kut hunbi haw a, a hih ding u a guot bang zela, Lalpa kawma hâlmang thillat te chengcheng Lalpa kawma lat zingte tawh;

PAWTDAWKNA 12:16

A ni khat ni chun kikhawpna thiengtho nei un na tin, chun, a ni sagih ni chun kikhawpna thiengtho um kit in a; zie nihaw chun na himhim na sep ding uh ahi puoi; mitin in nek ding guonggalh tih loh chuh zie sung chun na himhim na sep loh dinguh ahi a, na nek ding u chuh nanguh kisiem ngêi hiding ahi.

PHILIPPI 1:15

Mi khenkhat in vang, kiguol-en leh kinielna ziekin Krista thu a tângsappih sek ui; lawikhat chun Chanchin Pha humbitna thu gen dinga guot ka hi tih kihet in,

KISIMNA 10:2

“Dangkaguo’n pengkun nih siem inla, a seka sek thawh in siem in; mipite sap khawmna ding leh, giehbuk chawnna dinga na mat ding ahi.

ISAI 66:23

Chun, hiti hi hi’n tin, tha thak apat tha thak kit tiengin, chun, Sabbath apat Sabbath kit tiengin, mi cheng cheng chuh kei ei ho dingin ka masang ahin hung khawm zung zung un au,” Lalpa’n a tii.

HOSEA 2:11

A lawpna chengte, a kut hunbi te, tha thakte, a chawlhni te leh a guol vak hunbi umsate chu suktawp sak ding ka hi.

THIEMPUDANTE 26:31

Na khawpiteu chuh suhawm ing ka ting, na pathien hona mun teu hihsie’ng ka ting, na kithawihnateu chuh pawm ta puo’ng ka.

2 LENGTE 4:23

A pasal chun, “Bangati a, tuni khela a kawma chieh guo na hi? Tha thak la ahi nai puoh a, chawlhni Kut le ahi nai diek puoh ngâl a,” a ti a. Amahnu chun, “A khawk puoi,” a ti a.

THUCHINGTE 7:14

“Chamna kithawihna lân ding ka hi a, tuni hin ka thutiem ka hih zo ta a;