ISAI 1:1 - PATHIEN LEKHABU THIENGTHO (BSI)

¹ Amoz chapa Isai in Juda leng Uzziah, Jotham, Ahaz leh Hezekia te vaihawm laia, Judate leh Jerusalem chungchâng thu a kilâkna a muh chuh:

ISAI 1:1 ပူးပေါင်းရင်းမြစ်များ

2 LENGTE 15:1

Israel leng, Jeroboam nihna’n kum sawmnih leh kum sagih vai a hawm kum chun, Juda leng Amaziah chapa Uzziah chun vai a hawm pan a.

2 LENGTE 15:13

Juda leng Uzziah chun, kum sawmthum leh kum kuo vai a hawm kum chun, Jabesh chapa Shallum chun vai a hawm pan a; Samari khuo ah tha khat sung vai a hawm hi.

2 LENGTE 15:32

Israel leng, Remalia chapa Pekah chun kum nih vai a hawm kum chun, Juda leng Uzziah chapa Jotham chun vai a hawm pan a.

2 LENGTE 15:7

Chun, Azariah chu a pilepute kawm achun a ipmu ta a; chun a pilepute laka David khawpi ah a vui u a; a chapa Jotham chun a thasang in vai a hawm ta a.

2 LENGTE 18:1

Chun, Israel leng, Elah chapa Hosea’n kum thum vai a hawm kum chun, Juda leng, Ahaz chapa Hezekia chun vai a hawm pan a.

2 LENGTE 19:2

Chun, insung lam lawiupa, Eliakim leh, lehkhazikpa Shebna leh, thiempu upate chu saidippuon kisilh in, Amoz chapa, thiemgau Isai kawm achun a sawl a.

2 KHANGTHUBU 26:1

Chun, Juda mipi te cheng chun Amaziah chapa kum sawmlegup a upa Uzziah chu a pa thasang in leng dingin a siem tau a.

2 KHANGTHUBU 26:22

Chun, Leng Uzziah vaihawm lai a a thilhih cheng, abul apat a tâwp tiengin Amoz chapa thiemgau Isai in a zik hi.

2 KHANGTHUBU 27:1

Chun, Jotham chu a lal pat tûngin kum sawmnih leh nga a upa ahi. Jerusalem ah kum sawmlegup vai a hawm a, a nu min chu Jerushah, Zadok chanu ahi.

2 KHANGTHUBU 28:1

Chun, Ahaz chu kum sawmnih a hih in leng in a pang a, Jerusalem ah kum sawmlegup vai a hawm hi.

2 KHANGTHUBU 29:33

Thillat chengcheng chu bâwngchal zagup, belamchal sangthum ahi.

SAM LEHKHABU THE PSALMS 89:19

Malai in mi ginumte kawm achun vaulam in thu na gen a, “Mi khat hattak chung a chun panpihna ka ngên a; Mihat haw laka teldawk chu ka limbawl ta a.

ISAI 13:1

Babulon khuo puokgik, Amoz chapa Isai in a muh chuh:

ISAI 2:1

Amos chapa Isai in Judate leh Jerusalem chungchâng thu a muh chuh ziehi ahi:

ISAI 20:2

Zie masang kum thum chun, Lalpa’n Amoz chapa Isai kawm achun, “Chieh inla, na kâwng a kawlladip puon kha phel tha’n la, na kenga kengtawbek kha sut ah,” ti’n a gen a. Tichun, khutibang chun a hih ta a, sangawn leh, kengtawbek butlo chun a chieh a chieh mai ta a.

ISAI 21:2

Kilâkna lungkham um tak ka kawma het sak ahi tai; lepchieh taka hihpa chun, lepchieh takin a hih a, hihsie sekte chun a hihsieu hi. Elam sepaihte chun a do u a! Media sepaihte chun khawpi chuh a sim tau a! Babulon te’n gimtheihna a bawlteu chengcheng chuh ka suhai vek tai.

ISAI 37:2

A insung a lawiupa Eliakim leh lehkhazikpa Shebnah leh, thiempute upahaw chuh kawlladip puon kikhuh in, Amoz chapa thiemgau Isai kawmah a sawl ta a.

ISAI 38:1

Zielai chun Hezekia chuh thih ngam in a na a. Tichun, Amoz chapa, thiemgau Isai chuh a kawmah a hung a, a kawmah, “Lalpa chun hiti hin a tii, ‘Na insung hih tup in, thi ding na hi ta a, dam dawk talo ding na hi,’ a tii ti’n ava hilh a” a ti a.

ISAI 40:9

“Aw Zion, tâng sangte achun va kalto inla, Chanchin Pha hi va gen in! Aw Jerusalem, Chanchin Pha chuh phuong in ngeih tak in kiko in la! Lau ki’n. Juda khawpite kawm achun, Na Pathien chuh zie hin a um hi,” ti’n hilh in.

ISAI 6:1

Leng Uzziah a thih kum chun Lalpa chuh Lalchutphah sangtak leh lopi taka chawihsâna chu’n ka mu a, chun, a puonsilh mawng chuol chun Ho-In chuh a hihdim vek a.

ISAI 7:1

Chun, Juda leng Uzziah chapa, Jotham chapa Ahaz lal lai chun, kidona a hung um a. Suria leng Rezin leh Israel leng Remalia chapa Pekah chun Jerusalem a do u a, himahlele, a zo thei puou hi.

JEREMIA 23:16

Sepaihte Lalpa chun hiti hin a tii: “Thiemgau, na kawm uh a thugente chuh ngaitha kiu in, amau haw chun thil thâwn maimai a hun sinsak uh ahi! Lalpa kawm apat hilo in, amau haw lungthim suongtuoh a gen sek ui.

EZEKIEL 1:1

Kum sawmthum na tha lina, ni ngana ni chun hiti hi a hung hi a, Kebar lui panga saltâng haw laka ka um lai chun van a hung kihawng a, Pathien kilâkna haw ka mu ta a.

HOSEA 1:1

Juda leng Uzziah te, Jotham te, Ahaz te leh Hezekia te, Jehoash chapa Jeroboam Israel te chunga leng ahih laia Beeri chapa Hosea kawma Lalpa thu hungtung chuh ziehi ahi.

AMOS 1:1

Juda Leng Uzia vaihawm lai leh, Israel Leng Joash chapa Jeroboam vaihawm laia, leiling um ma kum nihna a chun, Tekoa muna ganguol vengte laka Amos in Israel te chungchâng thu a muh chuh:

AMOS 4:5

Chun, kipah thugenna kithawihnate chuh lân unla, nawp thu a thillat te chuh gen unla, phuong un: Aw Israel chate haw, ziehi na bawl nuom ngâl u a,” Lalpa Pathien chun a tii.

MIKA 1:1

Juda leng Jotham leh Ahaz leh Hezekia te lal lai a Moresheth khawpi a um Mika kawm achun Lalpa’n Samari leh Jerusalem chungchang thu chuh a phuong ta a.

NAHUM 1:1

Zie hi Ninevi chungchâng a hilhlawkna, Elkos mi, Nahum in kilâkna a muh chuh ahi:

HABAKKUK 2:2

Tichun, Lalpa’n ei dâwng a: “Kilâkna chuh zik in la, taih kawm ale sim theih dingin, kichien takin suongpek chungah zik in.

KISIMNA 12:6

Lalpa’n a kawm u ah, “Ka thu hi ngaiun, na lak u ahin thiemgau na um u chun, amah kawm achun kei Lalpa hi kilak na’n kihetsak ing ka ting, mang lam in hopih ing ka.

KISIMNA 24:16

Pathien thugen he theipa thugen leh, Chungnung pên pa apat a hetna mu pa thugen chuh. Mit vak tak puon-In apat, Pathien Bangakai hihtheipa apat a kilâkna ka mu ta a.

KISIMNA 24:4

Pathien thugen he theipa thu gen chuh. Mit vak tak chun, puon-In achun, Pathien apat a kilâkna ka mu ta a.

MATTHAI 17:9

Chun, tâng apat chuh a hung suk lai un, Isu’n a kawm u ah, “Mihiem chapa hi mithi lak apat a thawhkit masang sieh na thil muh u kha kuomah hilh kiu,” tin thu a pie a.

NASEPTE 10:17

Chun, Peter in, vaulam a a thil muh chuh a ngaihna he lo a, a lungzîn lai in, Kornelias mi sawlte chun Simon In chuh a na dawng dawk tau a; kawtkhak bul ah a na ding u a.

NASEPTE 26:19

“Zieziekchun, aw leng Agrippa, van apat a vau lam thil ka muh chuh ka niel puoh a,

2 KORINTH 12:1

Phatna bangmah um kilele, ka suon himhim ding ahi. Tuhin, Lalpa’n ka kawma kilâkna thilmuh leh. kilâkna ei piek thu chuh gen ing ka.

2 PETER 1:21

Hilhlawkna thu himhim hi, mihiemte deihna a pawt ahi puoh a, Pathien mi thiengtho te’n Thagau Thiengtho puihhuoi bang zela ahun gen sek uh ahi zawi.