HOSEA 9:4 - PATHIEN LEKHABU THIENGTHO (BSI)

⁴ Zie a gamdang mite gama chun Lalpa kawmah dâwn ding thillat te lân thei puou untin, kithawihna le a kawmah siem thei diek puo’n au. Mi thi vuihna a an nek guolin, a nek taphawtteu chun amau haw subuok intin, a gilkiel uh sukvahna chauh a mat hi’n tin, khatchale Lalpa In a thillat guola chawih theih hi puo’n a.

HOSEA 9:4 ပူးပေါင်းရင်းမြစ်များ

HOSEA 8:13

Gancha’n kithawi u henla, a sa ne mahleu, ziehaw chuh ka kipahpih puoh ngâl a. A manlohnau ka hezing a, gawt ing ka ting, Aigupta lam ah vaikit un au.

JEREMIA 6:20

Bang ding a Sheba apat begaw te, gam gamla tak akipat in gilimte chuh ka kawma a hun chawih sek uh ahi? Na hâlmang kithawihnateu chuh pawmtâk ahi puoh a; na kithawihna hawu chun le ei sukipak diek puoi.

DAN NIHNA 26:14

Ka lusûn lai un thil zek haw chuh ka ne puou a, ka buok lai un le ka dawm chawn viel viel puou a, mithite le zie laka chuh ka pie diek puou hi; Lalpa ka Pathien u thu chuh ka nung u a, nei thupiek chengcheng guolin ka hih vek uh ahi.

JOEL 2:14

Khutichun, Lalpa na Pathien u chun a lunggil theng in, buh tamtak a hun vangsak in, changbuong thillat leh uain thillat lân thei un lau.

HOSEA 3:4

Zie tawbang chun Israel chate chuh ni tamtak leng neilo leh vaihawmtu beiin um un tin, kithawihna ahim, suong phuh ahim, milim ahim dawikhuom phut lo in, thiempu puonâk Ephod leh Terafim le nei puo’n au.

EZEKIEL 24:17

Agukcha’n mau inla, mithi sûnna himhim chuh nei ki’n; na diel kawp inla, na kengtawbek but inla, na mûk tuom ki’n la, lusûnte an le ne ki’n,” a ti a.

JOHAN 6:51

Kei hi, van apana chângthâk hing hung suk chuh ka hi, kuo’n le zie chângthâk hi a nek chun, kumsawt in hing zing in a, khawvel hinna dinga chângthâk ka piek ding chuh, ka phehlevo hih ahi.” a ti a.

MALAKI 2:13

Chun ziehi le na hih zel uh a, Lalpa maichâm chuh mitthi leh kahna leh mauna’n na buokkhum u a, a ziek chuh, a kawma na thillat teu a ngaihsak ta puoh a, deih tak a, a pawm takloh ziek in.

AMOS 5:22

Ahi, na hâlmang thillat teu leh, na an thillat teu ei pie leu chin le, a na pawm puo’ng ka ting; na kichamna gan thau thillat teu chule ngaihsak diek puo’ng ka.

JOEL 1:13

Nang haw thiempute haw, kawlladip puon cheng unla kap un! Pathien Ho-In achun chieh unla, zan khuo vakin sûn un; Na Pathien u In apat chun changbuong lat leh dâwn ding lat chuh khap ahi ta ngâla!

EZEKIEL 24:22

Ka hih tawbang hin hih inlau; na mûk uh tuom puo’n na tin un, ahun lusûnpih te an le ne hiel puo’n lau.

ISAI 66:3

Bâwngchal that chuh mihing that tawbang ahi a; belam no a kithawi chuh ui gawl âttan tawh kibang ahi a, an thillat lânte chule vawk thisan a kithawi tawbang ahi; gimlim lân chule milim pathien vangsak tawbang ahi. Ahi, amau lampi a tel zawu a; thil tenum hih teu achun a lungthim uh a kipâk sek u a.

ISAI 57:6

Phaicham a suong zawl deuh chuh na kilak u a, ziehaw chun vang na en sek u a; amau a ding chun dâwn ding thillat te na sung u a; na thillat teu chuh na hun puok sak u a. Ziehaw achun kipahna nei dingin nei gingchau em?

KISIMNA 28:2

Israel chate thu pie’n la, a kawm u ah, mei a ka An thillat, dinga gimlim thillat chuh a hunbi zela na lat dinguh ahi, ti’n la.

THIEMPUDANTE 21:21

Thiempu Aron suona demkai taphawt chun, mei a thillat lân dinga ka kawm ahun naih dinguh ahi puoi, demkai ahiu a, a Pathien uh sieh la’n dingin ahun naih loh hiel dinguh ahi.

THIEMPUDANTE 21:17

“Aron kawmah, a khang uh chieh zel ale, a suonteu laka demkai taphawt chun Pathien masangah ansieh lân dingin hun naih kiu hen.

THIEMPUDANTE 21:8

Mipite chun thiempute chuh mi thiengtho a a ngaih dinguh ahi a, a ziek chuh, ka kawma an thillat te lân sek a hih ziekun. Kei Lalpa chuh ka thiengtho ngâl a; ka mite le ka hih thiengtho ahi.

THIEMPUDANTE 21:6

Pathien a dinga mi thiengtho a hih dinguh ahi a, a Pathien min uh a suksiet loh dinguh ahi; Lalpa dinga meia thillat te, a Pathien u a ding nek ding sieh te a lat sek uh ahi a; zieziekchun, a thientho dinguh ahi.

THIEMPUDANTE 17:11

Phehlevo nei hinna chuh thisan a um ahi ngâla, na hinnau a dinga kichamna siemna chuh thisan ngêi chuh ahi ngâla.

PAWTDAWKNA 40:23

Chun, dawhkhâng achun Lalpa umna ah chângthâk piekte chuh a kizawm in a kawih a; Lalpa’n thu a piek bang khan.

KISIMNA 19:11

Chun, kuo hitaleh mithi luong khawihkha taphawt chuh ni sagih thienglo hi’n a.

KISIMNA 4:7

Chun, etsakna chângthâk dawhkhâng chungah puon dum phah untin, zie tak achun gimlim kawihna kuonghaw, thikkhe haw, belhbu haw leh khawnhaw a sunthâk na ding a kawih dinguh ahi; zie tak a chângthâk sieh kikawih chuh a um zing ding ahi.

PAWTDAWKNA 29:40

Belamno khat lat na ding achun changbuong nêl tak epha mun sawma khena mun khat olive thau kithawk hin mun li a khena mun khat tawh kichawkhel na tel sak ding ahi; dâwn ding thillat dingin uain hin mun li a khena mun khat tawh.

JEREMIA 16:7

Lusûnte chuh a mithi ngaih uh lungmuon dingin kuoma’n nek ding luih sak puou untin; a nuu ahim a pau ahim ziekin le lungmuonna khawn dâwn ding kuoma’n luihsak puo’n au.

DANIEL 1:8

Himahleh, Daniel chun a lunggil in lengpa an leh a uain dâwn sekte a chuh kisukbuok loh a guo chak kêi a; khutia chu a kisukbuok lohna dingin leng miliente lawiupa kawm achun a ngên a.

JOEL 1:9

An thillat dingte, uain thillat dingte chuh Lalpa Ho-In apat sukmang a hi ta a; thiempute chuh Lalpa Ho-In a thillat ding um tâk loh ziek chun a lungkham tau a.

HOSEA 7:16

A kilehhei kit u a, Chungnung pên pa kawmah hilo in, Thalpi kâwi banga mattakloh ahiu a, a vaihawm teu chuh huoisie taka thah in um untin, a muh u a heksietna ziekin a lengteu chuh chemzâm a thah in un tin; Aigupta te chun nuihsan un au,” tin.