HOSEA 9:3 - PATHIEN LEKHABU THIENGTHO (BSI)

³ Israel mipite chuh Lalpa gam ah cheng den puou untin, Aigupta lam ah vaikit untin; Asuria gama chun an thienglo ne’n au.

HOSEA 9:3 ပူးပေါင်းရင်းမြစ်များ

EZEKIEL 4:13

Chun, Lalpa chun, “Zie tawbanga an buok chuh Israel chate chun ka nawhmangna ding Jentel te lak achun nen au” a ti a,

HOSEA 8:13

Gancha’n kithawi u henla, a sa ne mahleu, ziehaw chuh ka kipahpih puoh ngâl a. A manlohnau ka hezing a, gawt ing ka ting, Aigupta lam ah vaikit un au.

THIEMPUDANTE 25:23

Gam chuh na zawk mang den loh dinguh ahi, nang haw a ahi puoh a; gam chuh keia ahi ngâla; malzin leh khawpem ka kawma khawsa maimai na hi ngâl u a.

JEREMIA 2:7

Gam phatak agah leh aphatna chen dingin ka hun puilut a, himahleh, na lut phet un ka gam chuh na subuok u a; ka go chan chuh thil ten um na suok sak tau hi.

HOSEA 7:11

Ephraim chuh vakhu lungmawl, hetthiemna neilo tawbang ahi a, a mite chuh Aigupta kawmah panpihna ngên in a chieh u a, a zawhin Asuria te kawmah a tai kit u a.

DANIEL 1:8

Himahleh, Daniel chun a lunggil in lengpa an leh a uain dâwn sekte a chuh kisukbuok loh a guo chak kêi a; khutia chu a kisukbuok lohna dingin leng miliente lawiupa kawm achun a ngên a.

JEREMIA 16:18

Tichun, a luong uh kihdak-um thil haw chun ka gam a subuok u a ka gochan chuh manlohna a a sukdim tâk ziekun, a gitlohnau chuh a lehnih in dinthuk ing ka, tih hi Lalpa kamsuok ahi.

2 LENGTE 17:6

Chun, Hosea’n kum kuo vai a hawm kum, Asuria leng in a do, kum thumna achun Samari khuo chu a la ta a, Israel te haw chu Asuria gam ah salin a pui a, khenkhatte chu Halah khawpi ah, Gozan gambung khen sunga Habor lui pang ah a um u a, khenkhat chu Media te khawpi ah a umsak ta a.

1 LENGTE 9:7

Israel te haw hi gam ka piek apat chun hih mangthai ing ka ting; zie ka min a dinga ka hih thiengtho sa hi ka mitmuh ngêi in paih ing ka. Tichun Israel te hi namtin chengte lak ah muhsit leh thupil a gensiet mai hung hi’n a.

DAN NIHNA 28:63

Na chungu a thilpha bawla hun sukpun hi Lalpa thalawp lam tak ahih guol mah khan na chungu a sietna tun sak a hun sukmangthai chuh Lalpa thalawp lam tak hung hi’n tin, luoh dinga na lutnau gam apat hin bawhdawk hung hin lau.

DAN NIHNA 4:26

Jordan gâlkai a, na va luoh dinguh gam apat chuh beimang pai zieng ding na hiu hi tih na chungchâng thuu a ei hetpih dingin tuhin lei leh van ka sam hi; cheng sawt puo’n na tin un, beimang vek zieng inlau.

NASEPTE 10:14

Himahleh, Peter chun, “Lalpa, hilo e; thienglo leh a buok himhim ka ne ngei puoi,” a ti a.

MIKA 2:10

Tho un la, chieh mang un! zie tak ahin bitna a um diek puoi. Na gitlohna ziekun, zie mun hi sietna lauh-um tak tunna mun in na siem tau hi!

HOSEA 11:11

Aigupta apat in vacha bangin kin takin hungtung untin, Asuria apat in vakhu bangin tha zap gi sieu sieu in hung un au. ‘A In lam uh a puikit ding ka hi’ tin Kei, Lalpa hin ka gen ta ngâl a.” ti’n.

HOSEA 11:5

“Himahleh, a kihei kit nawp loh ziekun, Aigupta lam ah vaikit untin; Asuria te chun a chung u ah vaihawm un au.

HOSEA 9:6

Sietna a tun a, mipite a taih zak tieng u leh, Aigupta gam ah tai khawm untin, zie tak a chun Memphis khuo a vuiha um dinga tai khawm chauh hi’n au! A hauhsaknau, dangkaguote leh a In mun teu chuh hamlingnei in khuh khum in a.

JOSHUA 23:15

Chun, hiti hi hung hi’n tin, Lalpa na Pathien un thilpha na kawm u a a gen chengcheng khah na chunguh a a hung tun suok mah bangin, Lalpa na Pathien un zie gam phatak a hun piek uh apat a hih a hun sukmangthai macheng, Lalpa’n thil phalote na chungu ah hun tun sak in a.

DAN NIHNA 28:68

Mu kit ta puo’n lau, ti a ka hun na tiemsa Aigupta lampi achun Lalpa’n lawng in hun puikit intin, chun, zie chun na melma teu kawmah suokpa leh suoknu dingin va kizuok in na tin un, ahih ziekin, kuomah ahun chaw ding um ta puo’n a,” ti’n thu a pie tau a.

THIEMPUDANTE 20:22

“Khutichun, ka thupiek chengcheng leh ka vaihawmna cheng chengte na pawm u a, na zuih dinguh ahi; ka hun puih lutna ding gama mite chun a hun nawlh lohna dingun.

THIEMPUDANTE 18:28

Khutichun, gam chun nanguh hun haw ta puo’n tin, na masang u a chêngte bang khan hun bawl ta puo’ng ka.

SUNNA LA 5:6

Ka hin zawm theihna ding un. Aigupta leh Suria te kawmah khutdawh in ka vak tau hi.

HOSEA 7:16

A kilehhei kit u a, Chungnung pên pa kawmah hilo in, Thalpi kâwi banga mattakloh ahiu a, a vaihawm teu chuh huoisie taka thah in um untin, a muh u a heksietna ziekin a lengteu chuh chemzâm a thah in un tin; Aigupta te chun nuihsan un au,” tin.

AMOS 7:17

Zieziekchun, Lalpa chun hiti hin a tii: ‘Na zi chuh khawpi a nawhchizuok hi’n tin; na chapate leh na chanute chuh chemzâm in puk un tin; na gam chuh tehna gui in hawm un tin; chun, nangmah ngêi le gam thienglo sunga chun thi ding na hi a, matheilo in, Israel chuh a gam u apat in sala puih mang in um un au,’ a tii,” ti’n a dâwng a.