HOSEA 5:9 - PATHIEN LEKHABU THIENGTHO (BSI)

⁹ Ephraim chuh gawtna ni achun suk hawm hi’n tin, Israel chuh suksiet in um ina. Israel mipite haw, ziehi hung tung ngêi ding a hi!

HOSEA 5:9 ပူးပေါင်းရင်းမြစ်များ

ZEKARIA 1:6

Himahleh, ka thute leh ka thuguot te ka suok thiemgaute kawma ka piek kha, nanguh hun suonte chun a ngaihsak puou a, a thih lawh tau a. Tichun, a kisik u a, Bangkim hihthei Lalpa chun I chungchâng u a hih a guot sek bangin, I umdan bang zel u leh, I thilhih teu bang zelin, I chungu ah a hih a hita hi, a tiu kha,’ ” ti’n.

ISAI 46:10

A bul apat a tâwp tienga thil hung um dingte ka na genlawk a; tuma apat in thil hungtung dingte ka na genlawk tai! Ka thil guonggalh te chuh lawhsam ngei puo’n tin, Ka thilhih guotte le hih buting ngêi ing ka, ka ti a.

JOHAN 16:4

Zie thu haw hi na kawm u a ka gen sa ei tai, a hun chuh a hung tun tieng leh, ka hun na hilh sa ahi tih na het dawk kitna dingun. “Zie thil haw hi atûng apat ka hun na hilh loh him a hii, na kawm u a ka na um tâkdih ziekin.

AMOS 7:17

Zieziekchun, Lalpa chun hiti hin a tii: ‘Na zi chuh khawpi a nawhchizuok hi’n tin; na chapate leh na chanute chuh chemzâm in puk un tin; na gam chuh tehna gui in hawm un tin; chun, nangmah ngêi le gam thienglo sunga chun thi ding na hi a, matheilo in, Israel chuh a gam u apat in sala puih mang in um un au,’ a tii,” ti’n a dâwng a.

AMOS 7:9

Chun, Isak munsangte chuh hung hawm intin, Israel mun thiengthote chuh suksiet hung hi’n tin; chun, Jeroboam inkawte chuh chemzâm in do ing ka,” a ti a.

AMOS 3:7

Bangakai chunga Lalpa chun, a suok thiemgaute kawma a thuguk phuong lo in bangmah a hih ngei puoi.

HOSEA 8:8

Israel te chuh valh zawh a um ahiu hi; bel, a sunga kipahna umlo bangin tuhin nam dang lak ah a um ui.

HOSEA 5:14

Ephraim a ding chun sakeibaknei tawbang, Juda a ding chun sakeibaknei vanglai tawbang hiding ka hi ngâla; keimah, keimah ngêi in bawtthêk ing ka ting, chieh ing ka ting, chiehmang pih ing ka ting, kuoma’n hukdawk puo’n a.

HOSEA 5:12

Zieziekchun, Ephraim chunga chun manthaina tunsak ing ka ting, Judate chung achun sietna tunsak ing ka.

ISAI 48:5

Zieziekchun, tuma lam apat in na masang uh a, thil hungtung dingte ka na genlawk a; na milim pathienteu leh, milimte hih a hi na tih lohna dingun, a hungtun ma pek apat in ka gen ta khah!

ISAI 48:3

Lalpa chun Israel te kawmah, “Tuma lam apat in thil hungtung dingte ka na genlawk a, tichun, thakhat in ka tunsak a.

ISAI 37:3

Chun, Hezekia chun hiti hin a thuthak a, “Tuni hi, gimtheih thawkna ni ahi a, gawt leh sukzahchak in ka um u a. Numei nau neih phat hita a, himahleh, nau nei dinga hatna neilo tawbang ka hiu.

JOB LEHKHABU THE BOOK OF JOB 12:14

Ngaitie, ama’n a phiet chun, kuoma’n a sakit thei puou hi. Mi a khakkhum chun, kuoma’n a hawng thei puou hi.

ISAI 7:16

Naupang chuh thil phalo lam deihlohna dân a hun heta thilpha lam telna dân a hun het masang in, leng nih, a hun sulaute gam chuh nutsieh a um ding ahi,” a ti a.

HOSEA 7:12

Himahleh, a chieh lai u chun, len a vacha khuh guolin a chung u ah lên zak in man ing ka ting. Chuleh, thil gilo a hihteu chengcheng ziekin gawt ding ka hi.

HOSEA 9:7

Gawtna ni a hungtung ta a, mipite chun ditthukna chuh mun au. Zie chuh a hungtun tieng leh Israel te chun he ta’n au. “Zie thiemgau pa hi a ngawl ahi; thagau hatkhum a um mi hi a ngawl ahi!” na tiu a. Na gitlohnau chuh a nasat bêk ziekin nei haw zawu ahi.

MIKA 6:13

Zieziekchun, ken le na taka liem in ka hun zêp ta a, na gitloh na teu ziekin ka hun sugam ta a!