HOSEA 5:5 - PATHIEN LEKHABU THIENGTHO (BSI)

⁵ Israel mipite chapona chu a maikawk ngêi u ah hetsak in a um u a. Ephraim chuh a gitlohna chun a kipalpaih sak a, a puk uh a, tichun, Juda chule amau haw tawh a pukkhawm tau hi.

HOSEA 5:5 ပူးပေါင်းရင်းမြစ်များ

HOSEA 7:10

Israel mite chapona chun amau mah a do a. Himahleh, khutisa chun le Kei, Lalpa a Pathien uh lam hi a hun nga diek puou a, amah chuh a hawl diek puou hi.

AMOS 5:2

Israel, nungak thiengtho a puk tai; dingdawk kit ta puon a: a gam chungah paih thak ahi tai; amah tungdawk dingin kuomah a um puou hi.

LUKE 19:22

Chun, amah chun a kawmah, ‘Suok gilo! nangmah kamsuok ngêi apat in mawh hun chan sak ding ka hi! migilo tak ka hi tih na he a, keia lo pi le ka la sek a, ka tuh loh pile ka ât sek hi.

MATTHAI 23:31

Khutichun, nangmau ngêi chuh, thiemgau haw thatte cha na hih uh na kihetsak uh ahi.

HOSEA 14:1

Aw Israel, Lalpa na Pathien uh lam ah hung vaikit un! Na manlohna ziekin na kisui a, na puk ta ngâla.

HOSEA 8:14

“Israel chun a Siempa a hengilh a, tichun, leng In haw a kisak a, chun, Juda chun khawpi kulh nei tampi a sa a; himahleh, a khawpite chung achun mei sawl ing ka ting, a leng inteu chuh mei in katum zo ina”. ti’n.

HOSEA 5:14

Ephraim a ding chun sakeibaknei tawbang, Juda a ding chun sakeibaknei vanglai tawbang hiding ka hi ngâla; keimah, keimah ngêi in bawtthêk ing ka ting, chieh ing ka ting, chiehmang pih ing ka ting, kuoma’n hukdawk puo’n a.

HOSEA 4:5

Sun lai takin kisuipai in na tin, nang ngêi le thiempute tawh zan leh kipuk khawm unlau. Na nu Israel chu le sumangthai ding ka hi.

JEREMIA 14:7

Ka manlohnau chun ei phawlchil mahleh, na min ziekin Aw Lalpa, hung sem in; ka nungchawnnau a tam ta ngâl a; na chung ngêi ah thil ka hihkhiel ui, a tiu a.

ISAI 59:12

“Ka gitloh nau hi na masangah a pung ta a, ka gitlohnau mah in mawh ei chansak a! ka gitlohna teu chuh ka kawm u ah a um zinga; ka manlohna teu chuh ka he tau hi.

ISAI 44:9

Milim pathien siemkawm te chuh bangmahlo ahiu a; a thil deihlam teu chuh phatchuomna um diek puo’n a. Zie tawbang pathien hote chuh mitdûk leh bangmah helo ahiu a, hung muolpho tei ding ahiu hi.

ISAI 3:9

A langkaihnau in amau haw a hêk kawm ngâl a, a gitlohnau chuh Sodom guol zetin a latsak uh a, a sel puou hi. A chung uh a gik hi, thil phalo in a kidinthuk kawm ngâl u a.

THUCHINGTE 30:13

Mi, lopi kisa mah mah zieng a um u a, ahi, a khawhei u chuh bang tienga sang ahi ta’m?

THUCHINGTE 24:16

Mi diktat chuh sagih vei puk mahlele a tho kit zel sek; mi gilote vang chuh sietna’n a sumangthai sek hi.

THUCHINGTE 14:32

Migilo chuh a thil hihkhelh achun paih lut in um intin, himahleh mipha chun vang a thihna achun kinepna a nei sek hi.

THUCHINGTE 11:21

Migilo chuh gawt loh in suokcha puo’n tin; himahleh, mi diktat chuh suokcha’n a.

THUCHINGTE 11:5

Mi diktat kitûpna chun a lampi ding kâwkmuh intin; himahleh mi dukdaklo chun amah sietna tun in a.

JEREMIA 2:19

Na gitloh na ngêi chun hun thawk sak intin, na nungchawn sek na haw chun hun hilhgaih ina; ei kihchak na neilo a Lalpa na Pathien na taihsan hih thil gilo tak leh kha tak ahi, tih hi hun hedawk in muchien inla tih hi, Lalpa Sepaihte Lalpa kamsuok ahi.

ISAI 3:8

A lopina mit tunsak dingin, a kamsuok u leh a thilhih u chuh Lalpa deihloh lam ahih ziekin Jerusalem chuh a sie zo a, Judate chuh a puk zo ta ngâl a.

HOSEA 14:2

Lalpa kawm lam achun vaikit unla, ziehi pauchamna na lat ding dân u chuh hi hen: “Ka gitlohnateu cheng ei ngaidam inla, ka hihphat taphawt u chuh pawm in; tichun, ka mûk hawu gahte chuh bâwngchal sik in hun pie’ng kau.