HOSEA 5:4 - PATHIEN LEKHABU THIENGTHO (BSI)

⁴ A thil gilo hihteu chun, a Pathien kawmuh a a vaihkitna dinguh a dal a. Nawhchizuok lungthim a pu zing uh a, Lalpa chuh a he puou ui.

HOSEA 5:4 ပူးပေါင်းရင်းမြစ်များ

HOSEA 4:12

Ka mite chun thing milimte apat in kilâkna a hawl sek u a, a phunsân na mawlhteu chun le thu hilh zel dân in a ngai u a; nawhchizawkna lungthim chun a puimang a, a Pathien uh apat chun a puimang sek hi.

JOHAN 16:3

Zie thil haw chuh hih un au, Kei leh Pa ei het loh ziekun.

JOHAN 8:55

Nangun amah na he kha puou a, himahleh, ken ka hêi. Amah chuh ka he kha puoi, ti leng, nang haw guol mah a lepchieh hi ding ka hi. Himahleh, amah chuh ka he a, a thu le ka zawp ahi.

HOSEA 4:6

Ka mite chuh hetna tâksap zieka sukmangthai ahiu a, hetna na deih loh ziekin ken le ka thiempu nasem dingin ka hun deih ta puoi. Na Pathien dân na hengilh viela, ken le na chate hengilh ing ka.

HOSEA 4:1

Israel mite haw, Lalpa thu hi ngaitha tiem u: gamsung ahin thutak leh lungsietna leh Pathien hetna a um loh ziekin, Lalpa chun zie gam luohte hi thiemmawh hun chansak ding ahi.

JEREMIA 50:38

A tui haw chuh kang in a gaw zo ta a, milim haw gam ahi ngâla, milim haw chuh a ngawl lawh u a.

JEREMIA 24:7

Tichun, Lalpa ka hi tih ei hetna dingun lungthim pie’ng ka ting, tichun, ka mite hiu intin, Kei a Pathien uh hi’ng ka ting; a lunggil tak tak uh pum in ka kawma hung vaikit ding ahi ngâl uh a.”

JEREMIA 9:24

A suong ta chengin zie hi suong hen, ‘Kei Lalpa hi,’ Hehpihnate, vaihawm diknate, diktatna te lei chunga mang sek ka hi tih ei het u a, a hetthiem nau chuh ka kipahpih lam ahi ngâla tih hi Lalpa kamsuok ahi.”

JEREMIA 9:6

Na chênna chuh kithepna lak ahi a, kithepna ziekin ka mite’n kei ei he nuom puou hi, tih hi Lalpa kamsuok ahi.

SAM LEHKHABU THE PSALMS 78:8

A suonteu banga, Suon genhak leh kiphin hât; Suon lunggil detlo, Pathien kawma lunggil muon umlo pu a a um loh na dingun.

SAM LEHKHABU THE PSALMS 9:10

Khutichun na min hete chun a ginnau chuh nang ah a ngau a, Nang vangin chuh, Lalpa, nangmah hawlte chuh na taihsan puoh ngâl a.

1 SAMUEL 2:12

Chun, Eli chapate chu Belial chapate ahiu a; Lalpa chuh a he puou a.

HOSEA 4:14

Na chanuteu in nawhchi a zuok u a, na moteu in zawl a saih un le gawt diek puo’ng ka. Nang haw ngêi le amau haw tawh nawhchizuok in na kipieu a, kithawihnate na lân khawm ngâl u a. Zieziekchun, ‘Hetna nei lote chuh mangthai ngêi ngêi ding ahiu hi.’

HOSEA 7:11

Ephraim chuh vakhu lungmawl, hetthiemna neilo tawbang ahi a, a mite chuh Aigupta kawmah panpihna ngên in a chieh u a, a zawhin Asuria te kawmah a tai kit u a.

HOSEA 13:13

Israel chun hinna ding hunlemchang tak a nei a, himahleh nausen, a nu sûl apat a hung pawt ding ut lo a um guolin a ngawl a, a pawm nuom lo ahi.

HOSEA 4:11

“Nawhchizawkte, Uain te, uain thakte chun lunggil a lamang sek hi.

HOSEA 8:11

“Ephraim chun gitlohna dingin maichâmte a hihpung a, amau haw dingin maichâmte chuh gitlohna chauh ahi.