HOSEA 5:3 - PATHIEN LEKHABU THIENGTHO (BSI)

³ Ephraim chuh bang tawbang a hih ka he a, Israel chuh kei apat sel ahi puoi. Tuhin, aw Ephraim, nawhchizawk na chîn ziekin, Israel chuh suk buok ahi tai,” ti’n.

HOSEA 5:3 ပူးပေါင်းရင်းမြစ်များ

AMOS 3:2

“Nang haw mai hi khawvel a nam chengcheng laka ka het na hiu a: zieziekchun, na manlohna teu chengcheng ziekin hun gawt ding ka hi,” ti’n.

THUPHUON 3:15

Na thilhih ziete ka hêi, vawt la na vawt puo’n, lum la na lum puo’n; na vawt ahim, na lum ahim ka deih ahi!

HEBRAI 4:13

Thil kisiem, amah mitmuh a kilanglo bangmah a um puoi; I chanchin uh I tutna ding pau mitmuh achun, bangakai hi, ngawnchang leh kihawngsa a um ahi ngâl a.

AMOS 5:12

Na bawhsietna hawu tam dân leh, na gitlohnau a nasat dân ka he ngâl a: mi diktatte na sugimthei u a, gawlhgukna na lau a, kulhkawtkhak a mi gimtheite chanvo ngêi le pie phal lo te haw.

HOSEA 13:1

Ephraim in thu a gen tieng leh mite chuh a kithing u a, amah chuh Israel chunga chawihsân a um ahi. Himahleh, Baal ho a thil gilo a bawl ziekun a thih lawh tai.

HOSEA 12:1

“Ephraim chun huih kivâk na’n a manga, suohlam huih chuh a zui seka: zuou thu leh kipumbawlna thu ahih pung hiei hiei a, Asuria tawh thu a thun u a, Aigupta lam ah thau a paw lut hi.”

HOSEA 8:11

“Ephraim chun gitlohna dingin maichâmte a hihpung a, amau haw dingin maichâmte chuh gitlohna chauh ahi.

HOSEA 6:4

Himahleh Lalpa chun, “Aw Ephraim, bang ka hun lawh die? Aw Juda, bang ka hun lawh ta die? Nei lungsietnau chuh zingkala tuimei leh dâitui mang pai zieng sek bang hi a hi ngâl a.

HOSEA 5:13

Ephraim in a damlohnate mu a, Juda chun a liemnate a muhdawk tieng chu leh, Ephraim chuh Asuria gam vaipawpa kawmah panpihna ngên in chieh intin, himahleh a natna ahim, a liemna ahim chuh sudam thei diek puo’n a.

HOSEA 5:11

Ephraim chun tawhden a chîng a, dikna a palzut a; bangmahlo a delh a.

HOSEA 5:9

Ephraim chuh gawtna ni achun suk hawm hi’n tin, Israel chuh suksiet in um ina. Israel mipite haw, ziehi hung tung ngêi ding a hi!

ISAI 7:17

Ephraim in Juda a taihsan ni apat a thil tung ngeilo nite chuh, Lalpa’n na chunga leh, na khuo leh tuite chunga leh, na pa inkawte chunga chun tunsak in a, Suria Leng ngêi chuh hun pui ding ahi.

ISAI 7:5

Suria chuh Israel te tawh pangkhawm in, a lengteu tawh hun phielgukna a siem u a.

DAN NIHNA 33:17

A lopina chuh bâwngchal suok masa lopina tawbang ahi a, A kihaw chuh zangsiel ki tawbang ahiu; zie chun namtin si’na kâwlmawng chanin; A kihaw chuh Ephraim te sangsawm haw chuh ahiu, Manasseh asâng asâng a sim haw chuh ahiu,” a ti a.

ISAI 7:16

Naupang chuh thil phalo lam deihlohna dân a hun heta thilpha lam telna dân a hun het masang in, leng nih, a hun sulaute gam chuh nutsieh a um ding ahi,” a ti a.

HOSEA 1:2

Hosea manga Lalpa’n thu a gen pat chun hiti hin Hosea kawmah thu a gen a, “Chieh inla, nawhchizuok zi’n va nei in la; nawhchizuok apat chun cha hing in, hitibang hin ka mite’n ei nungsawn un, zawl ei saih san tau hi,” ti’n.

HOSEA 6:10

Israel gam achun thil tizat-um tak mai ka mu a; Ephraim achun nawhchizawkna a um a, Israel chuh a buok ahi.

HOSEA 13:5

Thalek gamgaw nasa tak muna hun kitawnpihpa kha ka hi.