HOSEA 4:8 - PATHIEN LEKHABU THIENGTHO (BSI)

⁸ Ka mite thil diklo hih apat chun na kisuhausau a, a gitlohnau a chun a lungthim uh a kawih zinga.

HOSEA 4:8 ပူးပေါင်းရင်းမြစ်များ

ISAI 56:11

Ahi, uicha chuh a gawlsan a, ahun tai tih himhim a nei puou a; zie chuh belampu hetna neilote chuh ahiu a. amau lampi chiet ah a kihei u a; abawn un, amau lawkna ding chiet a kingaihtuoh ui.

TITA 1:11

Ziehaw kam chuh hup sak ding ahi, lepna diklo deih ziekin, thu sinsak loh ding pi sinsak in, mi a inkuon kuon un a chawk chavai sek ngâl u a.

MIKA 3:11

Khawpi a lawiupate chuh gawlhgukna kinem in vai a hawm tau a. Thiempute chun lawh kinem in dân a sinsak u a; thiemgaute chun, dangka muh kinem in kilâkna thu a gen u a, a bawn u chun, Ka kawmah Lalpa a um hi, a ti chiet u a. “Ka chunga ah thil phalo hungtung puo’n a, Lalpa chuh ka kawm u ah a um ngâl a,” a ti tei tei u a.

1 SAMUEL 2:29

Bang zieka ka umna mun a piek dinga ka guot, kei kawma kithawihna leh ka chanvo ding thilpiek chu na tawhden u a, kei sanga na chate na limbawl zawk a, nangmau kisukthauna dinga ka mi Israel te kithawihna a apha pha na mat uh ahim?” a ti a.

THIEMPUDANTE 6:26

Gitloh thawihna siem thiempu chun zie sa chuh a nek ding ahi a, kihona puon-In huongsung a mun thiengtho a chuh a nek ding ahi.

ROME 16:18

Khutibang mite chuh, I Lalpau Krista nasem ahi puou a, amau haw gilpi ding sem ahi zaw sek ui. Tichun, a kamphatnau leh, a kam thiem un mi chinglote lungthim chuh a thempai sek u a.

MALAKI 1:10

“A thâwn mai a ka maichâm a chuh mei a kidet lohna dingin, na lak u a khat hin, Ho-In kawtkhak hi khâk zaw mai leh ka ut hi. Na chung u ah kipahna himhim ka nei puoh a, na khut u apat in thillat chule pawm diek puo’ng ka, Lalpa Bangkim hihthei chun a tii. Na chungu ah ka kipâk puoh a, ka kawma na thillat teu le pawm lo ding ka hi, Lalpa’n a tii.

SAM LEHKHABU THE PSALMS 24:4

Khut ngim leh lunggil thiengtho nei a, A lungthim bangmah lo maimai a kawih ngei lo a, Diklo taka kihâksiel kha lo mi chuh.

EZEKIEL 14:7

“Israel inkuon laka kuole, malzin Israel gama chêngte le, kei apat kikawihchuoma, a lungthim u a milim la luta, a masang u a gitlohna a pukna kawih zing kawma a chungthuu ei dawng dinga thiemgau kawma hung taphawt chuh kei, Lalpa, keimah ngêi hin dâwng ing ka.

EZEKIEL 14:3

“Mihing chapa, ziete haw hin a lungthim u ah milim a la lut u a, a gitlohnau chuh a kisuih pukna ding un a masang u ah a kawih u a; amau chuh ka dâwn ding a gingchau-a ahim?

SAM LEHKHABU THE PSALMS 25:1

Aw Lalpa ka lungthim hi na kawmah ka kawih chak kêi sek hi.

2 PETER 2:3

Chun, sumduh ziekin, lepchieh thu’n sumkawlveina’n hun mang un tin; himahlele, masang apat a a chungthuu tanna ding chuh guot zawhsa ahi ta a, amau haw hihsie ding pa chu le a ipmu diek puoi!

HOSEA 10:13

Himahleh, manlohna lei na let u a, diklohna na ât u a, lepchieh gah na nêk uh ahi.

HOSEA 12:8

Ephraim chun, ‘Ka hausa tai! keia dingin neihzawhna ka kisiem tai. Kuoma’n diklo taka hausa na hi tin ei ngawh thei diek puo’n au,’ a ti a.

HOSEA 14:1

Aw Israel, Lalpa na Pathien uh lam ah hung vaikit un! Na manlohna ziekin na kisui a, na puk ta ngâla.

THIEMPUDANTE 6:22

Chun, Aron chapate laka amah thasanga thau nuh thiempu chun la’n intin; kumkhuo a dân dingin Lalpa hâlmang a meikhu a zam mang sak ding ahi.

2 LENGTE 12:16

Bawhsiet kithawihna thillat te leh, gitloh thawihna dangkate chu thingkuong achun a kawih puou ui, thiempute chanvo a hih ziekin.