HOSEA 4:7 - PATHIEN LEKHABU THIENGTHO (BSI)

⁷ “A pun phawt u leh, ka chungah a gilo deuh deuh u a, a lopinau chuh zahchâkna suoh sak ing ka.

HOSEA 4:7 ပူးပေါင်းရင်းမြစ်များ

HOSEA 13:6

Himahleh, gam phatak chuh na lut phet un, ne vah in na lungkim mah mah tau a; tichun na hung chapo tau a, nei hengilh tau hi.

PHILIPPI 3:19

Ziehaw tawpna chuh gawtmun a hi a, a pathien u chuh a gilpiu ahi. A lopina hawu chule a zahhuoinau a hi a, zie khawvel thilte mai hi a lunggulh sek ngâl ui.

1 SAMUEL 2:30

Zieziekchun, Lalpa Israel te Pathien chun, “Ken na inkawte leh na pa inkawte chu kumkhuo’n ka masang ah um inlau ka na ti ngut a,” a ti a; himahlele, tuhin Lalpa chun, “Um hiel puo’n lau; ei limbawlte chu limbawl ing ka ting ei musitte chu ka ngaihnepte hiding ahi ngâl u a.

MALAKI 2:9

Zieziekchun, ka lampite hawh na umloh bang u leh, na sinsak nau a khenchuom na neih bang zel un, mi chengcheng muhsit leh niem taka hun siem ding ka hi,” ti’n.

HOSEA 10:1

Israel chuh grep bawk phatak, gahsuoh tak tawbang ahi a, himahleh, a gah suoh dungzui in maichâmte a supung zel ta a. A gam gahsuoh dungzui zelin, dawikhuom suongte a hihpung zel u a.

HOSEA 4:10

Ne mahleu le, a tai dek puou a, Nawhchizuok chîng mahleu le pung diek puo’n au, Lalpa khawksakna na neih loh ziekun,” ti’n.

HABAKKUK 2:16

Lopina hilo in zahchâkna’n a hun khuh a, nang ngêi inle hun dâwn in na tin, chun, na sangawnna chuh kilang ina. Lalpa khut changlam a khawn chuh nang lam ah hung kihei intin; tichun, na chungah zahchâkna hungtung ina.

HOSEA 6:9

Suomhat te’n lampi a mi suom gu dinga chan sek bangun thiempu lawite chun Sekem lampi ah mi a that sek u a, ahi, thil gilo ahih tau hi.

HOSEA 5:1

“Aw nanguh thiempute haw, ziehi ngaithau inla, nang haw Israel inkawte haw, na bil uh dawh un. Aw nanguh leng insung mite na bil u dawh un. Vaihawmna chuh nang uh a ding ahi ngâla. Mizpah a dinga thang leh Tabor tânga lên kizak na hi ngâl u a.

EZRA 9:7

Ka pileputeu hun apat a tuni tieng hin ka gitloh nau chuh a nasa mah mah hi. Ka gitloh ziek un ka leng teu leh ka thiemputeu pum in gamdang mite khuta piek ka hiu a, chemzâma satlup leh sala puih leh gâllâk a lak leh zahhuoi na ka tuok tau hi, tunia ka um bang u hin.

HOSEA 13:14

Zie mite hi thihna khawvel apat in ka hukdawk dinga ahim? Thihna apat in amau chuh ka hukdawk dinga ahim? Aw thihna na gute chuh khawia um ahi ta’m? Aw Sheol, na sietna chuh khawia um ahi ta’m? Zie mite hi lungsiet lo hiel ding ka hi, lunghei leu le, bengkhawn puo’ng ka.

HOSEA 9:11

Ephraim chuh a lopina chuh vacha bangin lengmang intin: Nausen pieng thak leh, numei nauvawp leh naupang pieng himhim um beh ta puo’n a.

HOSEA 10:6

Amah ngêi chule lengpa Jareb kawma piek dingin Asuria gama chiehmang pih hi’n a: Ephraim chuh sukzahchak hi’n tin, Israel chun amah thu pun ngêi chuh zahpih ina.

DAN NIHNA 32:15

Ahihziekin, Jeshurun te chuh a hung thau u a, ahi lawk lawk u a; Na hung thau a, na hung mûm a, na hung zawl ta a; Khutichun, a siempa Pathien chuh a nusieh ta a, A hukdamna suongpi chuh a ngaidau hi.