HOSEA 4:6 - PATHIEN LEKHABU THIENGTHO (BSI)

⁶ Ka mite chuh hetna tâksap zieka sukmangthai ahiu a, hetna na deih loh ziekin ken le ka thiempu nasem dingin ka hun deih ta puoi. Na Pathien dân na hengilh viela, ken le na chate hengilh ing ka.

HOSEA 4:6 ပူးပေါင်းရင်းမြစ်များ

ISAI 5:13

Zieziekchun, ka mite chuh hetna a neih loh ziekun sala puih in a um tau a. A mi zahumteu chuh a gil uh a kiel a, a mipiteu chuh dangchâk in a dang uh a gaw zo tai.

THUCHINGTE 19:2

Hetna beia duhthusam mai chuh a pha puoh a, kalsuon kinawh takluot chuh chieh khelhna ahi.

HOSEA 6:6

Kithawihna deihlo in lungsietna ka deih ngâla; hâlmang thillat haw sang chun Pathien hetna ka deih zawi.

HOSEA 4:1

Israel mite haw, Lalpa thu hi ngaitha tiem u: gamsung ahin thutak leh lungsietna leh Pathien hetna a um loh ziekin, Lalpa chun zie gam luohte hi thiemmawh hun chansak ding ahi.

MATTHAI 15:8

‘Ziete haw hin a mûk un ei limbawl un, A lunggil unla ei gamlat ngâl un.

HOSEA 8:14

“Israel chun a Siempa a hengilh a, tichun, leng In haw a kisak a, chun, Juda chun khawpi kulh nei tampi a sa a; himahleh, a khawpite chung achun mei sawl ing ka ting, a leng inteu chuh mei in katum zo ina”. ti’n.

ISAI 17:10

Israel Pathien, nang hun hukdawkpa leh, suongpi dettak guola nang hun vengbitpa chuh na hengilh ta a. A thasang in, gamdang pathien hona dingin huon thiengtho poh na kisiem zaw ta a.

JEREMIA 2:8

Thiempu te’n la, ‘Lalpa chuh khawia um ahi,’ le a ti diek puou a, dân enkawl te’n le ei he diek puou a; vaihawm te chuh ka chung ah a hel u a, thiemgau te’n le Baal min in thu a gen u a, thilpha chuom lo a delh tau hi.

2 KHANGTHUBU 15:3

Chun, Hun sawttak Israel mite chun, Pathien tak neilo leh sinsaktu leh thiempu neilo leh dân neilo in a um u a;

HOSEA 13:6

Himahleh, gam phatak chuh na lut phet un, ne vah in na lungkim mah mah tau a; tichun na hung chapo tau a, nei hengilh tau hi.

ISAI 1:3

Bâwngchal in a pu a he a, sabiltung inle a pu an piekna a he a; himahleh, Israel te hin vang chuh a he puou a, ka mite hin chuh a helo himhim uh ahi,” a ti a.

JEREMIA 4:22

Ka mite chuh a ngawl bêk u a, ei he ngâl puou a; naupang ngawl hetna neilo bang mai ahiu hi. Thil gilo hih a thiem u a, thilpha hih dân vang a thiem puou hi.

JOB LEHKHABU THE BOOK OF JOB 36:12

Himahleh, a khawksak loh u le chuh chemzâm in mangthai untin, Hetna nei lo in thi’n au.

JEREMIA 5:21

Aw hetthiemna neilo, mingawlte haw, mit nei ngâla mulote; bil nei ngâla za lote haw, zie thu hih ngaitha tiem u.

ISAI 3:12

Ka mipite haw, a sugimtheite chuh naupang te ahiu a, a chung u a vaihawmte chuh numeite ahiu hi. Aw ka mipite haw na lawiupateu chun a hun puikhiel tau a, na chiehna ding u lampi na he thei ta puou hi.

SAM LEHKHABU THE PSALMS 119:139

Ka phatchuomngaihna hin ei sumangthai ta a, Ei dote’n na thu a hetngilh tâk ziek un.

SAM LEHKHABU THE PSALMS 119:61

Minunsiete khauhuolhaw chun ei zemchal zing a; Himahlele na dân chuh ka hengilh puoi.

MATTHAI 15:14

Amau haw chuh limsak kiu in, mitdûk lamkai ahiu hi. Zieziekchun, mitdûk in mitdûk mah a puih chun kawkhûk ah kie khawm un au.” ti’n a dâwng a.

HOSEA 8:12

Ka dante chuh sang sawm hiel zik mahleng, het khâk loh guol mai in a ngai ui!

HOSEA 8:1

Kigalginna pengkun chuh mût in, Melmate chuh meipi bangin ka gam chungah a chu tai. Ka mite chun a kawm uh a ka thugawlh chuh a bawhsie tau a.

HOSEA 4:12

Ka mite chun thing milimte apat in kilâkna a hawl sek u a, a phunsân na mawlhteu chun le thu hilh zel dân in a ngai u a; nawhchizawkna lungthim chun a puimang a, a Pathien uh apat chun a puimang sek hi.

HOSEA 2:13

Kei ei hengilh a, Baal kawma gimlim a hâl ziek leh, sana kicheinate a kithuoma a deihchakte a zuih zawk ziek chun gawt ding ka hi, tih hi Lalpa kamsuok ahi.

1 SAMUEL 2:12

Chun, Eli chapate chu Belial chapate ahiu a; Lalpa chuh a he puou a.

ISAI 45:20

Namtin laka suokcha sunte haw, hung khawm unla, ei hun naih tiem u! a suokcha sunte haw, nangmau haw chiet ki-enchien dingin hung khawm un! Thing milim siemkawm kichawih a, hukdam theilo hiel pathien kawma paucham te chun bangmah a he puou ui!

ISAI 27:11

Thing bawkte chuh hung vuoi tha’n tin, bawng intin, tichun, numeite’n meia tih dingin chawm khawm un au. Mipite chun bangmah het theihna mawng mawng a nei puou a, a siempau Pathien in lungsietna leh a chung u a zahngaihna himhim latsak ta puo’n a.

ISAI 28:7

Himahlele, amau haw chun uain ziekin a sukhiel tau a, khamtheih ziekin a lawn chui chui u a, thiempu te leh thiemgaute chule zukham in a lawn duoi duoi u a, uain valh zawhin a um u a, zu ziekin a hâwi duoi-duoi u a, kilâkna chuh a he thei ta puou hi; vaihawmna thu ale a kipalpai tau hi.

MATTHAI 1:6

Jessai in leng David a hing a; chuleh, David in Uria zi apat in Solomon a hing a.

SAM LEHKHABU THE PSALMS 119:153

Ka gimtheih zie hi ngaihtuoh inla, ei humbit in; Na dân chuh ka hengilh ngei puoh ngâl a.

THUCHINGTE 10:21

Mifel mûk chun mi tamtak a vak a, himahleh, mingawl vang chuh hetna tâksap ziekin a thii.

EZEKIEL 44:23

“Ka mite chuh thil thiengtho leh, mipi thilte a kibatloh dân a sinsak dinguh ahi a, sakhuo dana thil thieng leh thil thienglo a khenchuom sak dinguh ahi.

HOSEA 4:14

Na chanuteu in nawhchi a zuok u a, na moteu in zawl a saih un le gawt diek puo’ng ka. Nang haw ngêi le amau haw tawh nawhchizuok in na kipieu a, kithawihnate na lân khawm ngâl u a. Zieziekchun, ‘Hetna nei lote chuh mangthai ngêi ngêi ding ahiu hi.’

HOSEA 5:4

A thil gilo hihteu chun, a Pathien kawmuh a a vaihkitna dinguh a dal a. Nawhchizuok lungthim a pu zing uh a, Lalpa chuh a he puou ui.

HOSEA 7:9

Gamdang mite chunga a kinepnau chun a hâtnau a lâksak ahi tai tih a he puou ui.

HOSEA 7:11

Ephraim chuh vakhu lungmawl, hetthiemna neilo tawbang ahi a, a mite chuh Aigupta kawmah panpihna ngên in a chieh u a, a zawhin Asuria te kawmah a tai kit u a.

SAM LEHKHABU THE PSALMS 18:27

Kingainiem te chuh hukdam ding na hi ngâla; Himahleh, mi chapo haw vang chuh hihniem in na tin.

ISAI 29:12

Chuleh, a sim thei lote chule pieu inla, a kawmah, “Lungsiet takin ziehi sim in,” ti’n pie lele, amah chun, “Ka sim thei puou,” ti zel ina.

HOSEA 9:17

Ka Pathien chun a mite chuh nawlh intin; amah a bengkhawn loh ziekun. Tichun, amau haw chuh nam dangte laka chun vakchavai un au.