HOSEA 4:3 - PATHIEN LEKHABU THIENGTHO (BSI)

³ Zieziekchun, gam sungin a su’na: a sunga cheng te cheng le a lungkham zo tau hi. Gamsate, chung leng vachate leh tuisuohgiet a ngate chanin lak mang hi’n au.

HOSEA 4:3 ပူးပေါင်းရင်းမြစ်များ

ZEPHANIA 1:3

Mihing leh ganhingte chuh sumangthai ing ka ting, vanthamzawl a vachate leh tuipi a ngate le sumangthai vek ing ka ting. Minunsie te puksietna ding chuh hih ding ka hi. Mihing chengcheng chuh sumangthai ing ka, Lalpa’n a tii.

NAHUM 1:4

Tuipi chuh kang dingin thu a pie a! luipite chuh a luon kang sak a. Bashan gama lote chuh a chultha ta a, Karmel tângte chuh a ngui zo ta a; Lebanon tânga pakchate chuh a vuoi zo hi.

AMOS 5:16

Zieziekchun, Lalpa, Sepaihte Pathien, Lalpa chun hiti hin a tii: “Khawlai mun âwng chengcheng ah kah vengvung na um intin; kawtthêl chengah, A khawk na e! tiu intin; lungkham dingin lo nei mite leh, kap dingin kahla sa thiemte sam un au.

EZEKIEL 38:20

Khutichun, tuisuohgiet a ngate, chung leng vachate, gamsate, lei chunga vak ganhing chengcheng, lei chunga mihing chengcheng te ka ma ah kithing intin un, tâng haw chuh sukniem in um intin un, kenliengte chuh chim intin un, kulh bâng chengcheng chim tha vek ina, ti’n ka gen ta a.

JEREMIA 12:4

Gam chun bang chan a a sun ding? A sunga chêngte gitloh zieka gamsung a thaichi te chuh vuoi mai ding maw? Gamsate chuh a mangthai zo u a, chung leng vachate le; mite chun I hun nunung lam u chuh mu puo’n au, a tih ziekun.

JEREMIA 4:25

Ka vak en a, chun ngaitie, mihing a um puoh a; chung leng vachate chengcheng le a leng mang zo tau hi.

AMOS 8:8

Zieziek hin gam chuh kilîng in, a sunga cheng taphawtte chuh lungkham lo ding ahiu em? Ahi, lui bangin hung lien vek intin; Aigupta gama Nile luipi bangin hung lien in, hung kiem ina.

AMOS 1:2

Amos chun, “Lalpa chuh Zion tâng apat chun kiko intin, Jerusalem apat in a aw chu gi dawk intin; gancha tatna munte chuh gaw zo intin, tichun, Karmel tânga hampa haw chuh vuoi zo ina,” a ti a.

ISAI 33:9

Gam chuh a kap in a chul zo ta a; Lebanon gammâng chuh zakcha’n a vuoi ta a, Sharon phaicham chuh gamgaw a suok ta a, Bashan leh Karmel chun a nah hing cheng a thingtha zo tai!

JEREMIA 9:10

“Tang te chuh sun ing ka ting, gamthip a hampa phatna mun te ziek chun kap ing ka. Kuomah hawh loh dinga a siet tâk ziekin; gan hawn thawm kuoma’n za ta puou in tin; chung leng vacha leh gamsate le a taisieu a; a chieh mang tau hi,” ti’n.

JEREMIA 23:10

Gam chuh zawlsaite’n a dim ta a, hansie ziekin zie gam chun a sûn a. Gamthip gam hingte chuh a gaw zo ta a! A lampiu chuh a pha puoh a, a hetnateu chule a dik puoi.

JOEL 1:18

Ganguol haw chuh a mau nasa nau e! Bâwng hawnte chuh a lînglau u a, hampa pehna mun ding a um loh ziekin; belam hawn chun le a thuok lah tau hi.

ZEKARIA 5:4

Sawl dawk ing ka ting, guchate leh ka min a lepchieh a kipautiem te In achun lut in tin, chun um zing intin, a sidar thingte leh a suongte pum in sumang vek ina,” tih hi bangkim hihthei Lalpa kamsuok ahi.

JEREMIA 9:9

Zie thil haw ziek chun amau chuh gawt lo ding ka him, tih hi Lalpa kamsuok ahi. Hiti bang namte chung ahin phuba la lo ding ka him?”