HOSEA 4:1 - PATHIEN LEKHABU THIENGTHO (BSI)

¹ Israel mite haw, Lalpa thu hi ngaitha tiem u: gamsung ahin thutak leh lungsietna leh Pathien hetna a um loh ziekin, Lalpa chun zie gam luohte hi thiemmawh hun chansak ding ahi.

HOSEA 4:1 ပူးပေါင်းရင်းမြစ်များ

JEREMIA 4:22

Ka mite chuh a ngawl bêk u a, ei he ngâl puou a; naupang ngawl hetna neilo bang mai ahiu hi. Thil gilo hih a thiem u a, thilpha hih dân vang a thiem puou hi.

MIKA 6:2

Nang haw, kumlekhuo a leisiet kingakna tângte haw, Lalpa hêkna thu chuh ngaithau in! Lalpa’n a mite do in, hêkna thu a nei hi. Israel te a hêkna thu chuh hun puodawk ina.

1 KORINTH 15:34

Hetna chîm takin um unla; gilo ta kiu in; khenkhat in Pathien hetna him him na neih loh ziekun, na zahchâkna dingun ziehi ka gen ahi.

ROME 1:28

Chun, a lungthim u a Pathien het a nawp loh ziekun, thil kilawmlo tak hih dinga a deihloh lam lungthim neih phalsak in, Pathien in a nungngat ta a.

HOSEA 12:2

Lalpa chun Juda chungah ngawh ding a nei a, Jakob chuh a umdan bang zelin gawt intin; a thilhih dân bang zelin dinthuk in a.

JEREMIA 25:31

A gi chun kâwl mawng tâwp chan thawng ina! Lalpa’n namte chuh a kilanpih a, mi chengcheng chungah vaihawm intin, mi nunsiete chuh chemzâm kawmah pie’n a,’ tih hi Lalpa kamsuok ahi.”

JEREMIA 5:4

Chun, kei chun, ziehaw hi mi gimthei ahiu a, a ngawl ahiu. Lalpa dân lampi chuh a he puou a, a Pathien uh vaihawm dân chuh a he puou hi.

ISAI 34:1

Nang haw, namtina mite haw, hung khawm un! Hung khawm unla, ngaithau un! aw mipite haw ngaithau un. Lei leh a sunga um chengcheng te hung khawm unla, ngaithau un!

ISAI 1:18

Lalpa chun, “Hung tiem u, ngaihtuoh khawm hitiu; na gitloh nau chuh sandup bangin san mahleh, vuk bang in hung vam in tin; san au bangin san ta mahleh belam mul guol in hung vam ina.

THUPHUON 2:29

“Thagau in sapchuom haw lawite kawma thu a gen hi, bil nei chun zau hen! a ti ie,” ti’n.

THUPHUON 2:11

“Thagau in sapchuom haw lawite kawma thu a gen hi, bil nei chun zau hen. “A zo ta cheng chuh, thih nihna chun bangmah lawh thei puo’n a, a ti ie, ti’n.

JOHAN 8:55

Nangun amah na he kha puou a, himahleh, ken ka hêi. Amah chuh ka he kha puoi, ti leng, nang haw guol mah a lepchieh hi ding ka hi. Himahleh, amah chuh ka he a, a thu le ka zawp ahi.

AMOS 7:16

Khutichun, tuhin, Lalpa thu hi ngaiin, ‘Nangin Israel te kalh in thugen ki’n la, Isak inkawte kalh in thu gen diek ki’n,’ na ti a.

HOSEA 5:1

“Aw nanguh thiempute haw, ziehi ngaithau inla, nang haw Israel inkawte haw, na bil uh dawh un. Aw nanguh leng insung mite na bil u dawh un. Vaihawmna chuh nang uh a ding ahi ngâla. Mizpah a dinga thang leh Tabor tânga lên kizak na hi ngâl u a.

JEREMIA 34:4

Amahvang chuh, Aw Zedekiah Juda leng, Lalpa thu hi a na ngaitha kit tie, na chung châng thu achun Lalpa chun hiti hin a tii; chemzâm in thi puo’n na tin,

JEREMIA 19:3

Hiti hin gen in, “Juda lengte leh Jerusalem a cheng te haw, Lalpa thu hi ngaithau un, Israel Pathien, Sepaihte Lalpa chun hiti hin a tii. Ngaitiem u, zie mun ahin a za taphawtte bilngêk na hiel dingin thil phalo hun tunsak ing ka.

JEREMIA 9:20

“Nanguh numeihaw Lalpa thu hi a na ngaithau inla; A kama thu hung pawt hi a na ngaithau in. Na chanuteu chuh kah dân sinsak unla, mitin in a inveng nu kawmah sun dân hilh hen.

JEREMIA 7:28

Chun, a kawm u ah, ‘Zie nam hi Lalpa a Pathien uh aw ngaitha lo leh thununna dâwnglo nam ahiu hi,’ ti’n na tin. Thudik a mangthai ta a, a kam u apat paihmang ahi tai.

JEREMIA 6:13

A neupen apat a lienpen tieng in mitin chuh lawkna diklo in a huoiham u a; thiemgaute leh thiempute nasan chule, mitin in diklo takin a hih tau hi.

JEREMIA 4:28

Zieziekchun lei in sun intin, chunglam van haw le thim ina. Thu ka gen ta a, tup ka neih ziekin kisik puo’ng ka ting, kinungzuk diek puo’ng ka.

JEREMIA 2:4

Aw Jakob inkuon leh Israel inkuon chengcheng te haw, Lalpa thu hi ngaithau un.

ISAI 66:5

Nang haw, amah kihcha a, a thu zawpte haw, Lalpa thugen hi a na ngaithau in: Na suohpih teu nanguh hun hawte leh ka min zieka hun nawhdawkte chun hiti hin a tiu a “Lalpa chuh pahchak in um hen” a tiu a. Himahleh, amau haw chuh hung muolpho ding ahiu hi!

ISAI 34:8

Zie chuh Lalpa’n, Zion hukdawk a, a melmate chunga phuba a lâkna ni chuh hi ding ahi.

ISAI 28:14

Zieziekchun, mi musitte haw, zie mi Jerusalem a umte, vaihawm sakte haw, Lalpa thu hi ngaithau in:

ISAI 5:3

Tuhin, Aw Jerusalem leh Juda mite haw kei leh ka grep huon kal thu hih ei ngaihtuoh sak tiem u!

ISAI 1:10

Sodom vaihawmte haw, Lalpa thu ngaithau inla; Gomorra mite haw I Pathien uh dân thu ahin bil dawh un.

1 LENGTE 22:19

Chun, Mikaiah chun, “Zieziekchun Lalpa thu hi ngaitha tie, Lalpa chu a lalchutphah a chu ka mu a, van a mipi chengcheng, a changlam leh a veilam a ding te tawh.

ISAI 59:4

Thutanna mun achun kuoma’n thudik a dinpih puoh a, dân chuh kuoma’n diktak in a chieh pih puou a. Amau chuh lepchieh ah a kingau a; theplethuol in thil a hih u a, gitlohna ngen a hing sek ui.

ISAI 59:8

Thamuonna lampi a he puou a, chun, a lampiu achun thudik a um puoi, A lampiteu chuh a kâwi in a siem u a, zie a chieh taphawt chuh kuomah a bit a um puou hi.

JEREMIA 9:3

A lei u chuh thalchang bangin lepchieh in, lepchieh leh thu diklo chun a mang u a, gam ah a khanglien u a, thutak a khang lo in. Gitloh apat gitlohna lam ah a khang zel u a, kei ei helo in, tih hi Lalpa kamsuok ahi.

JEREMIA 51:5

Israel leh Juda chuh a Pathien uh, Sepaihte Lalpa chun a taihsan puoh ngâla, A gam u achun Israel Mi thiengtho chunga gitloh na dim mahleh.

JOEL 1:2

Nang haw teksiepute haw, ziehi heu in, Juda gama um cheng chengte haw, bil dawh un! Zie bang thil hi nanguh hun lai leh nanguh hun suonte hun lai in a na um kha ta a ahim?

SAM LEHKHABU THE PSALMS 81:9

Gamdang pathien mawng mawng chu na lak u a a um ding le ahi puoi; Gamdang pathien mawng mawng chu na ho ding u le ahi diek puoi.

JEREMIA 2:9

Zieziekchun, hun kilanpih ing ka ting, na chateu chate le kilanpih zing ing ka,” tih hi Lalpa kamsuok ahi.

JEREMIA 9:7

Zieziekchun Sepaihte Lalpa chun hiti hin a tii, “Ngaitie, amau chuh sutui ing ka ting, patep ding ka hi. Ka mi, ka chanu ziek chun bang danga ka hih naklai ding le?

JEREMIA 11:7

Nanguh hun suonte Aigupta gam apat a ka puihdawk ni apat tuni tieng hin ka pau kamsuok zawp un, ti’n zingpi a tho in amau haw chuh phachuomngai takin ka hilh seka.

EZEKIEL 16:35

“Zieziekchun, Aw nawhchizuok nu, Lalpa thu hi ngaiin!

HOSEA 5:4

A thil gilo hihteu chun, a Pathien kawmuh a a vaihkitna dinguh a dal a. Nawhchizuok lungthim a pu zing uh a, Lalpa chuh a he puou ui.

HOSEA 12:3

Sûl a khan le a suohpihpa khawtalzum a hun tuzui a, a hung pitin phetin Pathien a hun suol a.

AMOS 3:1

Aw Israel chate haw, Aigupta gam apat ka puih dawk inkawte haw! Lalpa’n nanguh kalhna thu a gen hi ngaithau un: