HOSEA 3:4 - PATHIEN LEKHABU THIENGTHO (BSI)

⁴ Zie tawbang chun Israel chate chuh ni tamtak leng neilo leh vaihawmtu beiin um un tin, kithawihna ahim, suong phuh ahim, milim ahim dawikhuom phut lo in, thiempu puonâk Ephod leh Terafim le nei puo’n au.

HOSEA 3:4 ပူးပေါင်းရင်းမြစ်များ

VAIHAWMTE 17:5

Chun, Mika chun pathien In haw a nei a, Ephod leh teraphim a siem a, thiempu dingin a chapa khat chuh a kawihchuom ta a.

2 KHANGTHUBU 15:2

Asa muok ding in a chieh dawka, A kawmah, “Asa leh Juda mi chengcheng leh Benjamin mite, ka thu hi ngaitha tiem u: A mah lama na pan sung cheng un Lalpa chu nang u lam ah a panga, a mah na hawl u chun mun na tin uh, a mah na nungngatsan u chun a man le hun nungngatsan in a.

THILSIEMBUL 31:19

Chun, Laban chuh a belam mul met dingin a chieh ta a: chun, Rachel in a pa milim haw chuh a gu a.

HEBRAI 10:26

Thutak hetna bukim chuh I chan nung uh a, I hetsa sau a I gitloh u chun, gilote dinga kithawihna um ta hiel puo’n tin,

DANIEL 12:11

Chun, kithawihnate suktawp a hih a, kihdak-um, luoksuok-um tak dindawk apat chun, ni sangkhat leh zanih leh sawmkuo bei in a.

DANIEL 9:27

Zie leng, thilhih thei tak chun nam tam takte tawh hapta khat sunga dingin thugawlh dettak siem untin, zie hun kimkhat a beih tieng chu leh kithawihnate leh thillat te chuh hihtawp in a. Mun thiengtho ah, Thil kihdak-um, Luoksuok-um tak kawih in um intin, zie chuh a kawihpa ngêi tawpna dinga Pathien in a guotsa chuh a hungtun macheng chuh zie tak achun um zing in a,” ti’n.

1 SAMUEL 23:9

Chun, David chun, Saul in a chungah thil phalo a ngaihtuoh hi tih a na he a, thiempu Abiathar kawm achun, “Thiempu puonâk kha hun la tie,” a ti a.

VAIHAWMTE 8:27

Tichun, Gideon in ziehaw apat chun Ephod a siem a, a chênna Ophrah khuo a chun a kawih ta a; tichun, Israel chate chengcheng chun a Pathien uh taihsan in zie milim chuh a ho tau a; tichun, Gideon leh a inkawte a ding chun zie chuh thâng a hung hita a.

PAWTDAWKNA 28:4

A silhlechen a a siem ding hawu chuh awmphaw, thiempu puonâk, puonâk chuol, puonâk pawl chitchet tawh, thiempu dielkawp leh kâwnggak tawh hiding ahi. Na suohpihpa Aron leh a chapate chuh thiempu na kei a dinga a sep theihna ding un silhlechen thiengtho a siem sak ding uh ahi.

JOHAN 19:15

Amau haw chuh a kiko u a, “Sumangthai ah, sumangthai ah; kross ah khêndên ah!” a tiu a. Pilate in a kawm u ah, “Na leng u hi kross a ka khetdên ding maw?” a ti a. Thiempu Liente’n, “Kaisar tih loh leng dang ka nei puou,” ti’n a dâwng u a.

LUKE 21:24

Khenkhatte chuh chemzâma thah in um un na tin uh, khenkhatte chuh, namtin kawma sala puih in um in tin uh; tichun, Jentel te ni a bukim masang sieh, Jerusalem chuh Jentel te tawh den in um ina.

ZEKARIA 13:2

Chun, zie ni chuleh milim pathiente chuh gamsung apat chun lamang ka ting; kuoma’n hezing ta puo’n au! Thiemgau ka hi tite leh thagau buok chu nawhmang ka ting, milim ho utnate chu lamang ding ka hi, Lalpa’n a tii.

HOSEA 13:11

Lungkim lo kawmin leng ka hun pie a, lungna takin ka hun lâksak kit ta ahi.

HOSEA 2:11

A lawpna chengte, a kut hunbi te, tha thakte, a chawlhni te leh a guol vak hunbi umsate chu suktawp sak ding ka hi.

DANIEL 11:31

chun, a sepaihte laka khenkhatte chun Ho-In chuh subuok un au. Ni chenga kithawihnate chuh sutawp untin, zie tak achun Thil tenum, Luoksuok-um tak chuh dindawk sak un au.

EZEKIEL 21:21

Phunsân dingin Babulon lengpa chuh lamkathuom tak achun a dinga, lampi te nih kisuktuohna tak achun; thalchang haw chun phun a sana, a milim haw a dawng a, sathin chuh a en a.

EZEKIEL 20:32

Na lungthim u a, Jentel te leh gam danga mite guolin thing leh suong ho leuhing, na tih u hi, tung ngei puo’n a.

2 LENGTE 23:24

Chun, thiempu lien Hilkia’n, Ho-In a lehkhabu a muh sunga dân kizikte sukpitinna dingin, leng Josia chun Jerusalem leh, Juda gam khuo danga, thitha phunsânte, aisânthiemte, In bîk pathiente, milim te leh, Judia gam leh Jerusalem a thil kihdak-um kimu sek haw chengcheng chu Josia chun a sumang vek a.

2 SAMUEL 6:14

Chun, David chu Lalpa masangah a theihtawp in a lam a, David chun patngatpuon thiempu puonâk a âk a.

1 SAMUEL 30:7

Chun, David chun Ahimelek chapa, thiempu Abiathar kawm achun, “Thiempu puonâk hun la tie,” a ti a. Khutichun Abiathar chun thiempu puonâk chu David kawmah a hun chawi a.

1 SAMUEL 23:6

Chun, hiti hi ahi a, Ahimelek chapa Abiathar Keilah khuo a David kawma a taih lai khan thiempu puonâk kenga chieh a hi a.

1 SAMUEL 22:18

Chun, lengpa chun Doeg kawm achun, “Nang kihei inla, thiempute chu that ah,” a ti a. Chun, Edom mi Deog chu a kiheia, thiempute chu a that ta a, zie ni chun patngat puon thiempu puonâk âk mi sawmgiet leh nga a that a.

1 SAMUEL 21:9

Chun, thiempu chun, “Philistia mi, Goliath, Elah guoma na thahpa chemzâm kha, ngaitie, zie hin thiempu puonâk chuol sik ahin, puo’n a kituom in a um zing hi, zie chu na lak nawp leh la’n, zie tihloh chu adang aum puoi,” a ti a. Chun, David chun, “Zie kheltha chu bang a um dem; ei hun pien,” a ti a.

1 SAMUEL 14:3

Shiloh a Lalpa thiempu Eli chapa Phinehas chapa Ikabod suohpihpa, Ahitub chapa Ahijah chule thiempu puonâk âk in zie chun a um a. Chun, Jonathan chieh lam himhim chu kuoma’n a he puou hi.

1 SAMUEL 2:18

Chun, Samuel chuh, naupang cha himahleh, puon malngât thiempu puonâk âk in, Lalpa ma ah na a sem a.

THIEMPUDANTE 8:7

Tichun, puonâk leh thiempu van chuh a âk sak a, kâwnggak in a kâwng uh a gâk sak a.

THILSIEMBUL 49:10

Leng mawlh chuh Juda apat chun mang puo’n tin, Vaihawmna mawlh chule a kengkal apat in mang diek puo’n a; Shiloh hung masangsieh chun; chun, namtin in amah thu awi un au.

THILSIEMBUL 31:34

Rachel chun milim haw chuh a na la a, sangawngsau van haw lak achun ana kawih a, a na chutphah tai. Tichun, Laban chun a puon-In sung chengcheng chuh a hawl suok kêi a, himahleh a mu puoh a.

VAIHAWMTE 18:14

Khutichun, Laish gam entha dinga mi nga a sawl teu chun a suohpih teu kawm achun, “Zie In haw ahin Ephod te, milim te, milim siem kawm te leh milim kisung te chuh a um hi tih na heu hi? Khutichun, bang lawh ding ahim tih tuhin ngaihtuoh un,” a tiu a.

1 SAMUEL 15:23

Helna hi phunsan a gitlohna tawh a kibanga, lochalna hi milim ho leh manlohna tawh kibang ahi. Lalpa thu na deihloh ziekin ama’n le leng dingin a hun deih diek ta puoi,” a ti a.

SUNNA LA 2:9

A kawtkhakte chu leia tumin, a kamnate chu suksiet vek ahi tai. Tuhin, leng leh a milienteu chu salin a um tau a. Dante kihilhna a um ta puoh a, thiemgaute chun Lalpa apat thilmuh a nei ta puou hi.

HOSEA 13:10

Na khawpi haw chenga hukbit thei ding na lengpa chuh tuhin khawia um ahi? Leng leh puitu ding na ngên u a; himahleh bangti’n a namte a hukdawk ding uh?

ZEKARIA 10:2

Milim pathien chun bangmah lo mai a gen a, phunsân thiemte thil muh chu lepchieh ahi ngâl a. Mang diklote a gen u a, mi a lungmuon thâwn u a; zieziekchun, mipite chuh belam guolin a vakvai u a, belampu a neih loh ziekun gimtheih a thuok tau hi.

PAWTDAWKNA 28:6

“Chun, amau chun thiempu puonâk chuh sana khau te, patdum te, sandupte, sandângte, patngat puonkawp te manga thiemnel taka a siem ding uh ahi.

EZEKIEL 19:14

A bâk lak apat mei a hung pawt a, A bâkte leh a gah cheng chuh a katum zo a, tichun, a kungpi khauh tak chule a sit puoh a; lal tienga vaihawm ding le a sit puoi. Ziehi sûnna la ahi ie, sûnna a mat ding ahi.

EZEKIEL 21:31

Na chungah ka hachangthakna sungtha’ng ka ting, ka lungnatna meia hun mût ding ka hi; mi huham, mi sukmangthai thiem haw kawma chuh hun pie dawk ding ka hi.