HOSEA 2:8 - PATHIEN LEKHABU THIENGTHO (BSI)

⁸ Buhte, uain te, thau te, sana leh dangka ka hihpun sakte hi, sana, Baal a ding a a mat haw tawh kei piek ahi tih a he puoh ngâl a.

HOSEA 2:8 ပူးပေါင်းရင်းမြစ်များ

ISAI 1:3

Bâwngchal in a pu a he a, sabiltung inle a pu an piekna a he a; himahleh, Israel te hin vang chuh a he puou a, ka mite hin chuh a helo himhim uh ahi,” a ti a.

HOSEA 13:2

Tichun, tuhin gitlohna a bawl beh beh nalai u a, milim pathiente a kisun kawm u a; a dangkaguo teu chuh khutthiemte chun milim in a sung u a, a bawnin khutthiemte nasep vek ahi a; “Amah kawm ahin kithawi un,” a tiu a. Mite chun bâwngno lim chuh a châwp u a.

HOSEA 8:4

“Kei guot sak hilo in, amau in leng a kisiem uh a. Pha ka sakpih loh in lawiupa ding a kisiem uh a. A manthaina dingun, dangkaguote leh a sanateu in milim a kisiem u a.

HOSEA 4:11

“Nawhchizawkte, Uain te, uain thakte chun lunggil a lamang sek hi.

ROME 1:28

Chun, a lungthim u a Pathien het a nawp loh ziekun, thil kilawmlo tak hih dinga a deihloh lam lungthim neih phalsak in, Pathien in a nungngat ta a.

LUKE 15:13

Chun, ni sawtlo cha nung chun, a neu zaw pa chun, a chansik cheng chuh a lakhawm suok kêi a, khuol gamla tak ah a chieh ta a, tak achun nawp chin helo in a um a, a sum chuh a peimang maimai ta a.

HABAKKUK 1:16

A lenteu chun thilpha pie a ngaiin, kithawihnate a lân u a, ho le a ho hiel tau ahi!

HOSEA 2:5

A nuu chun nawhchi a zuok a; amau haw vawpnu chuh zahchâk-um takin a um a, “Ka an leh ka tui te, ka samul leh ka pat te, ka sathau leh ka dâwn dingte ei pie sek ka deihchakte chuh delhzui zel ing ka,” a ti sek a.

DANIEL 5:23

Van Lalpa chung achun na kikawihsang zaw ta a; a Ho-In a umlebelte chuh na masangah a hun chawi u a, zie chuh nang leh na miliente leh na ziteu leh na meiteu tawh uain dawnna’n na mang u a, dangkaguote, sanate, sumeng te, thikte, thingte, leh suonghaw a siem pathien, mu theilo, za theilo leh ngaitha thei lote chuh na limbawl zaw tau a. Pathien, na hin leh thih ding hun guonggalh sakpa leh na thilhih chengchenga hun enkawlpa chuh na zah ta puoh a.

JEREMIA 7:18

Naupang ten thing a chawm u a, a pateu in mei a tik u a numei te’n vanlengnu kawma lat ding chângthâk a mêk u a, pathien dang te a dingin dâwn ding thillat a sung dawk u a, ei suklungnat na ding chauh un.

ISAI 46:6

Mite chun a dangka dipteu hawng in, sanate a bun dawk sek uh a; a dangkaguoteu chuh a tehdawk sek uh a, tichun, pathien siem dingin dangkaguo sêkte a guoi sek uh a; chun, a masanga khupbawk in a ho sek u a!

VAIHAWMTE 9:27

Chun, Sekem khuo mite chuh lo lam ah a va chieh u a, grep haw chuh a lo u a, a chil u a, guolvak a bawl u a, a pathien teu In ah a lut u a, a neu in a dâwn u a, Abimelek chuh musit takin a bawl tau a.

HOSEA 10:1

Israel chuh grep bawk phatak, gahsuoh tak tawbang ahi a, himahleh, a gah suoh dungzui in maichâmte a supung zel ta a. A gam gahsuoh dungzui zelin, dawikhuom suongte a hihpung zel u a.

DAN NIHNA 8:18

Tu a a det guola na pileputeu kawma kihâksiela thuthun chuh a sukdetna dingin, Lalpa na Pathien u chuh hezing un, hauhsak na hun pie thei chuh amah chuh ahi ngâla.

EZEKIEL 23:41

Zalkhun hawihtak chungah a chuu a, zie masang achun dawhkân a guonggalh u a, ka gimlim leh ka olive thau haw chuh zie chun a luidawk sek ui.

DANIEL 3:1

Leng Nebuknezar chun sana milim, a san lam tawng sawmgup, a vai lam tawng gup a lien a siem a, Babulon gamsung a Dura phaizawl ah a kawih a.

HOSEA 13:1

Ephraim in thu a gen tieng leh mite chuh a kithing u a, amah chuh Israel chunga chawihsân a um ahi. Himahleh, Baal ho a thil gilo a bawl ziekun a thih lawh tai.

1 KHANGTHUBU 29:16

Aw Lalpa ka Pathien uh, na min thiengtho limbawlna dinga Ho-In ka sakna dingun, zie hauhsakna thilte hi ka hun chawi khawm ui. Ziehaw hile nangmah apat vek ahi a, nanga vek ahi.

JOB LEHKHABU THE BOOK OF JOB 19:8

Amah chun ka lampi ah dai a kai a, ka chieh pai thei puoi, Ka lampite chuh thimlak ah a chieh saka.