HOSEA 2:7 - PATHIEN LEKHABU THIENGTHO (BSI)

⁷ Chun, a deihchakte chuh delh intin, delhpha diek puo’n a. Amau haw hawl intin mu diek puo’n a. Tichun, “Ka pasal masa kawmah vaikit mai ing ka, tu sang hin tumasang kha kei dingin a phazaw ngâl a,” ti’n a.

HOSEA 2:7 ပူးပေါင်းရင်းမြစ်များ

JEREMIA 2:2

Chieh inla, Jerusalem zak in kiko inla, Lalpa’n hiti hin a tii, ti’n: “Na khangdawng laia na nunnem zie te; kihuol laia nei hehpih ziete khah ka hezing hi. Gamgaw muntin ale nei zui a, bangmah chin khâk loh na gam haw ale nei zui sek kha.

HOSEA 5:13

Ephraim in a damlohnate mu a, Juda chun a liemnate a muhdawk tieng chu leh, Ephraim chuh Asuria gam vaipawpa kawmah panpihna ngên in chieh intin, himahleh a natna ahim, a liemna ahim chuh sudam thei diek puo’n a.

HOSEA 13:6

Himahleh, gam phatak chuh na lut phet un, ne vah in na lungkim mah mah tau a; tichun na hung chapo tau a, nei hengilh tau hi.

EZEKIEL 23:4

A upazaw nu min chuh Oholah ahi a, a naunu min chuh Oholibah ahi a; keia a hung hi tau a, chapate leh chanute a nei u a. Chun, a min u chuh ahihleh, Oholah chuh Samari ahi a, Oholibah chuh Jerusalem ahi.

JEREMIA 14:22

Nam dangte pathien lak ah guoh zuk sak thei a um u? Ahihleh, van in guohpi a zuk sak thei hi? Zie thil haw chengcheng hi nang hih hilo ahi? Nang achun ka kinepnau ka nga ngâl u a.

HOSEA 14:1

Aw Israel, Lalpa na Pathien uh lam ah hung vaikit un! Na manlohna ziekin na kisui a, na puk ta ngâla.

HOSEA 5:15

“Ka mite chun a gitlohna ziek u a a thuok khawp kei u a, kei lam a hun hawl kit macheng un, limsak lo in um ing ka. A thuok gimnau ziekin ei hun hawl kit vak ding ahiu hi,” ti’n.

DANIEL 5:21

Tichun, mihingte lak apat in nawhdawk in a um a; a lungthim chuh gamsate a banga siem in a um a, a chênna chuh gam sabiltungte lak a hi ta a; bâwngchal guolin hampa a pet a, tichun gamlak achun a taksa lieh ding um lo in dâitui lak achun a kuol ta a. A tâwp chun, Pathien Chungnung pên pa chun mihingte lalna gam ahin vai a hawm a, a deihsak taphawt a luoh sak sek hi tih a hun he dawk ta a.

DANIEL 4:32

Mihing lak apat a nawhdawk hin na tin, gamsate lak ah um in na tin, bâwngchal guolin hampa pet ding na hi a, na chungah hun sagih bei ina. Chungnung pên pa chun mihingte lalna gam ah vai a hawm a, a deihsak taphawtte kawmah a pie sek ahi tih na het ma cheng chun,” ti’n.

DANIEL 4:25

Chungnung pên pa chun mihingte lalna gam ah thu a nei a, a deihsak taphawtte a pie sek hi tih na het ma chengin, mihingte lak apat nawhdawkin um in na tin, gamsate lak ah um inla. Tichun, kum sagih sung bâwngchal banga hampa peh sak in um na tin, van daitui in hun chap chek ding ahi.

DANIEL 4:17

Ziehi vânsâwlchâk, kigingsa leh kiguozo sa a hungsuk pa thutanna chuh ahi. Chungnung pên pa chun mihingte lalna gam chungah thu a nei a, a deihsak taphawt a pie a, mi nuoinung pente le gam chuh a luoh sak sek hi tih mihingte’n a hetna dinguh ahi,’ ti’n a kiko a.

EZEKIEL 23:22

Zieziekchun, Aw Oholibah, Lalpa Pathien chun hiti hin a tii: Ngaiin, a hun kingaihpih, khawp kisa a na kiheimangsan zieng haw khan nang hun kilanpih dingin châwk tho ing ka ting, muntin apat hun puikhawm ding ka hi.

EZEKIEL 20:32

Na lungthim u a, Jentel te leh gam danga mite guolin thing leh suong ho leuhing, na tih u hi, tung ngei puo’n a.

EZEKIEL 16:18

Na kicheina puon khuih hawih haw chuh na la a, ziehaw chuh na khuh a, ka thau leh ka gimlim haw chuh a masang u ah na lui a.

EZEKIEL 16:8

“Chun na kawma ka hunga ka hun et in, deihchak kham na hung hi ta a, ka puon ka hun kikawppih a, ngawnchang a na um chuh ka hun khuh ta a. Ahi, na kawmah ka kihâksiela, thuthun ah ka hun lut pih ta a, chun, keia na hung hi ta a.” Lalpa Pathien chun a tii.

JEREMIA 31:32

A suonteu, Aigupta gam apat a puidawk dinga a khut uh a ka tuk ni a ka thugawlh bang kha hilo in, amau haw dinga a pasal uh tawbang himahleng, ka thugawlh a bawhsie ngâl uh a!

JEREMIA 31:18

“Ephraim te haw’n, ‘Lalpa, bâwngchal sawih nem loh tawbang ka hiu a, himahleh, nangin thu-awih dân nei sinsak a, nei kaihei kit tai, Lalpa ka Pathien uh na hi ngâl a,’ ti a lungkham taka a gen u chuh ka za ngei tai!

JEREMIA 2:36

Bangti dana baihlam taka na umdan theng viel zung zung sek na hi? Asuria’n a hun sukzahchak bangin Aigupta’n le hun suzakcha ding ahi.

JEREMIA 2:28

Na pathien siem te kha khawitak ah a um tau hi? Amau chuh tho u henla, na buoi na ah a hun hukdam thei kha mawh ding u? Aw Juda, na pathiente chuh Juda khawpite zah zet ahiu hila.

ISAI 30:16

“Nang u chun la, hilo e, sakawl chunga chu’n taimang ung kau,” na ti zaw ngâl u a, zieziekchun, zie chun taimang ngêi un na tin; chun, “Thil hattak chungah chu’ng kau,” na tiu a; zieziekchun, a hun delh dingte chu, nang haw sanga hât zaw hi’nau.

SAM LEHKHABU THE PSALMS 116:7

Aw ka hinna, na chawlhna achun vaikit in; Lalpa chun na chungah phatak in a hih ta ngâl a.

JEREMIA 3:1

“Mi’n a zi ma hen la, amah taihsan in pasal dang nei leh; a pasal masa chun a na pawm kit dem? A gam chuh buok lawh hiel lo ding ahim? Nang chuh tamtak kawmah nawhchizuok bangin na khawsa a; khutisa chun ka kawmah na hung vaikit die? tih hi Lalpa kamsuok ahi.

HOSEA 2:16

Lalpa chun hiti hin a tii: Zie ni chu leh hiti hi hi’n tin, “Ishi” ei ti’n na tin, “Baal” ei ti ta puon la.

2 KHANGTHUBU 28:23

Amah melma Damaska te pathien kawm poh ah a kithawi a; “Suria lengte pathien chun amau chuh a panpih ziekin ei panpih theihna dingin a kawm u ah kithawi ding ka hi,” a ti vangvei a. Himahleh amah leh Israel mi chengcheng te chunga sietna ahi ta a.

JEREMIA 44:17

Himahleh, kei u leh ei suonteu leh ka leng teu ka milien teu in Juda khawpi haw leh Jerusalem kawtthêl haw a a hih guol u khan, van lengnu kawma gimlim hâl, a kawma thilpiek sung dawkte, ka kamsuok bang zel u khan hih ngêi ung kau; zie lai khan a lamzang u a, nek le châk a kiting a, sietna himhim ka mu puou hi.

EZEKIEL 23:12

Asuria mite, lengte, sepaih hotute, tangval deihum tak ngencha, sakawl chung chuong mi, thupi taka kichei haw chuh a utcha a.

HOSEA 1:2

Hosea manga Lalpa’n thu a gen pat chun hiti hin Hosea kawmah thu a gen a, “Chieh inla, nawhchizuok zi’n va nei in la; nawhchizuok apat chun cha hing in, hitibang hin ka mite’n ei nungsawn un, zawl ei saih san tau hi,” ti’n.