HOSEA 13:2 - PATHIEN LEKHABU THIENGTHO (BSI)

² Tichun, tuhin gitlohna a bawl beh beh nalai u a, milim pathiente a kisun kawm u a; a dangkaguo teu chuh khutthiemte chun milim in a sung u a, a bawnin khutthiemte nasep vek ahi a; “Amah kawm ahin kithawi un,” a tiu a. Mite chun bâwngno lim chuh a châwp u a.

HOSEA 13:2 ပူးပေါင်းရင်းမြစ်များ

HOSEA 2:8

Buhte, uain te, thau te, sana leh dangka ka hihpun sakte hi, sana, Baal a ding a a mat haw tawh kei piek ahi tih a he puoh ngâl a.

ISAI 46:6

Mite chun a dangka dipteu hawng in, sanate a bun dawk sek uh a; a dangkaguoteu chuh a tehdawk sek uh a, tichun, pathien siem dingin dangkaguo sêkte a guoi sek uh a; chun, a masanga khupbawk in a ho sek u a!

1 LENGTE 19:18

Himahlele Israel gam ahin Baal maa khupdin ngeilo leh, a lim uh châwp ngeilo mi sangsagih kei a dingin ka kawih nalai hi,” a ti a.

JEREMIA 10:4

Dangkaguo leh sana’n a zem u a, a tawih loh na dingin thingkilh na’n sek in a khên den u a.

ROME 11:4

Himahlele, Pathien in bangti’n a a dâwn khah? “Baal maa khupdin ngeilo mi sang sagih keimah adingin ka kawih zing hi,” ti’n a dâwng a.

2 TIMOTHE 3:13

Migilo leh mi thep hatte vang chuh, mi thep bawl leh thepthak a um in, hung sie zaw deuh deuh un au.

ROME 2:5

Himahleh, na lochal leh na lungchang phat ziekin, lungnatna leh Pathien vaihawmna diktak hung kilat ni a ding chun, na chungah lungnatna na kikhawlkhawm ahi.

HOSEA 11:6

A khawpiteu achun kidona um intin, khawpi hawih takte chuh suksiet in um in a. Amau haw ngaih a dika a hetteu chauh chuh a hih ziekun ka mipite chuh sukmangthai in um un au.

HOSEA 10:1

Israel chuh grep bawk phatak, gahsuoh tak tawbang ahi a, himahleh, a gah suoh dungzui in maichâmte a supung zel ta a. A gam gahsuoh dungzui zelin, dawikhuom suongte a hihpung zel u a.

HOSEA 8:6

Israel mi, khutthiemte chun milimte a siem uh a, himahleh, zie chuh Pathien a hi hiel puoh ngâl a. Samari khawpi a bâwngno limte chuh tuol a khetnel in um un au!

HOSEA 8:4

“Kei guot sak hilo in, amau in leng a kisiem uh a. Pha ka sakpih loh in lawiupa ding a kisiem uh a. A manthaina dingun, dangkaguote leh a sanateu in milim a kisiem u a.

ISAI 46:8

Nang haw mi gilote haw, ziehi hezing unla ngaihtuoh unla, Ka thilhihte hi geldawk un.

ISAI 45:20

Namtin laka suokcha sunte haw, hung khawm unla, ei hun naih tiem u! a suokcha sunte haw, nangmau haw chiet ki-enchien dingin hung khawm un! Thing milim siemkawm kichawih a, hukdam theilo hiel pathien kawma paucham te chun bangmah a he puou ui!

ISAI 30:1

Lalpa chun, “Cha, helchîngte chung chuh a gik hi! Ziete chun mi thu a dawng u a, kei chu vang ei dawng puou a; a gitlohna chung u a gitlohna behlapna dingin khuhna’n a khuh u a, ka thagau thu’n vang a khuh puoh ngâl u a.

ISAI 1:5

Bang zieka zêpa um a, kiphin nalai ding na him? Luchang chuh a pum in a na a, lunggil chule a pum in a chau zo tai.

SAM LEHKHABU THE PSALMS 2:12

Chapa chuh châwp u uo, khutilochun lungna kha’n tin, lamkal ah beimang kha’n lau; kintaka lungna phut ding ahi ngâla A mah a ginna nga chengcheng chuh a hamphau hi.

2 KHANGTHUBU 33:23

Himahleh a pa banglo tak in, kingainiem in Lalpa lam a nga kit nuom puoh a; a pa sangin a gilo zaw ta a.

2 KHANGTHUBU 28:13

A kawm u ah, “Zie sala matte chu hun puilut kiu in, Lalpa deihloh lam hih in na na gilo tau a, ei gawt dingin ka sulungna tawk tau hi. Tuhin, ka thiemmawhnau behlap dingin bang ahim khat ei hih beh sak guo na hiu hi,” a tiu a.

1 SAMUEL 10:1

Khutichun, Samuel in sathau um chu a ladawk a, a luchang ah a sung a; a chawpa, chun, “Lalpa chun a gochan Israel te chunga lawiupa hi dingin sathau a hun nuh hilo ahim?

KISIMNA 32:14

Israel te chunga Lalpa lungnatna lauh-um tak behlap in, nang haw suon gilo hin na puteu tha na sang tau a.

JEREMIA 10:8

Amau chuh mi mawl leh mingawl ahiu a, milim pathien teu apat chun ngawlna a sinsak u a.

HOSEA 4:17

Ephraim chun milimte a kizawppih ta a, a um um in um hen.

HOSEA 8:5

Aw Samari! na sana bâwngno lim ho chuh ka haw a; a chungu ah ka lungna mah mah hi. Bangtik taphet leh a thiengtho kit ta dei mawh?

HOSEA 10:5

Samari khawpi a chêngte chuh lau untin, Bethel a bâwngno lim um tâk loh ziek chun nasa takin lungkham un au. Amau haw leh thiempu, milim nasemte chuh kap un au. A sanateu, a lopinateu chuh paihthaka a um tieng chu leh lungkham in mau un au.

HOSEA 14:3

Asuria te chun ei hukdam thei ta puou a, kidona sakawlte chun le ei hukbit thei diek puoi. Ka khutsuok teu kawm achun, ‘Ka pathien uh na hiu,’ ti kit ngêi ta puo’ng kau. Nauchagahte chun nang ah zahngaihna a mu sek ngâl u a,” ti’n.

ISAI 44:11

Ngaitie, kuole a ho taphawt chun muolphona tuok un tin; a siemte chule mihing mai ahiu a, bangmahlo ahiu hi. Hung u hen la, patep in um leu, suklauh in um untin, zahhuoina tuok vek ding ahiu ui.

JEREMIA 8:5

“Bang zieka zie mipite hi kumlekhuo a nungchawn dinga kipuk den ahi tau hi? Thepna a tuchak kêi u a, vaihkit a nuom puou hi,

HOSEA 11:2

Himahleh, ka hah sap phawt leh, kei apat in a taimang gamla zaw deuh a. Baal kawmah a kithawi u a, milim siemkawmte kawmah gimlimte a hâl u a.