HOSEA 12:3 - PATHIEN LEKHABU THIENGTHO (BSI)

³ Sûl a khan le a suohpihpa khawtalzum a hun tuzui a, a hung pitin phetin Pathien a hun suol a.

HOSEA 12:3 ပူးပေါင်းရင်းမြစ်များ

THILSIEMBUL 25:26

Zie zawh chun a suohpihpa chuh a hung pawt kit a, a khut in Esau khawtalzum chuh a tu zing a; tichun amah min ding chun Jakob a sau a: Rebekah chun amau chuh a hinlai chun Isak chuh kum sawmgup mi ahi tai.

ROME 9:11

Thilhih ziek hilo in, a sampa deih lam zawk in, tel a hihna lam thu a Pathien thuguot chuh a det theihna’n a kawmah,

2 LENGTE 17:18

Zieziekchun, Lalpa chuh Israel te chungah a lungna ta mah mah a, a mitmuh apat in a chawn mang kêi ta a, Juda lenggam chauh chu a hâwi ta a.

2 LENGTE 17:20

Chun, Lalpa’n Israel chate cheng chu deih lo in, a gawt ta a, a mitmuh apat a a delh mang macheng chun, melma gilo takte khut ah a pie ta a.

2 LENGTE 17:23

Khutichun, a suok thiemgaute manga ana gen tâksa guolin, Israel chate chu a mitmuh a Lalpa’n a bawhdawk masang sieh chu zie tak achun a um den tau hi.

JEREMIA 2:9

Zieziekchun, hun kilanpih ing ka ting, na chateu chate le kilanpih zing ing ka,” tih hi Lalpa kamsuok ahi.

EZEKIEL 7:3

“Tuhi nang dingin tawpna chuh ahi, na chungah ka lungnatna chuh hun tunsak ing ka ting, na umdan bang zelin na chungah vaihawm ing ka ting, na tenumna cheng chuh hun dit ding ka hi.

EZEKIEL 7:8

Tuhin ka lungnatna chuh na chunga hun buntha vak ding ka hi ta a, na chunga ka lungnatna mang ding ka hi; na umdan bang zelin na chunga vaihawm ding ka hi; na tenumna chengcheng chuh hun dit vek ding ka hi.

HOSEA 4:1

Israel mite haw, Lalpa thu hi ngaitha tiem u: gamsung ahin thutak leh lungsietna leh Pathien hetna a um loh ziekin, Lalpa chun zie gam luohte hi thiemmawh hun chansak ding ahi.

HOSEA 4:9

Zieziekchun, mipite tawh kibanga gawt hi ding na hiu hi. A um danteu ziek chun amau chuh gawt ing ka ting, a thilhih teu chuh ditthuk ding ka hi.

AMOS 2:4

Lalpa chun hiti hin a tii, “Juda bawhsietna thum ziekin ahi, li ziekin, a gawtna chuh suhai puo’ng ka. Ka thuhilhte a musita, ka thupiekte a zawp puoh ngâl a. A pileputeu pathien diklo mah khan a puih mang ziekin.

MIKA 6:2

Nang haw, kumlekhuo a leisiet kingakna tângte haw, Lalpa hêkna thu chuh ngaithau in! Lalpa’n a mite do in, hêkna thu a nei hi. Israel te a hêkna thu chuh hun puodawk ina.