HOSEA 11:3 - PATHIEN LEKHABU THIENGTHO (BSI)

³ Ephraim chuh ka bân a dawm in chieh ka sinsak a; Himahleh, amau haw enkawl ka hi tih a he puou hi.

HOSEA 11:3 ပူးပေါင်းရင်းမြစ်များ

JEREMIA 30:17

Hun sudam kit ing ka ting, na liemna apat chuh hun sudam ing ka, Lalpa’n a tii: ‘Na melmateu in nawhdawk a um, kuomah ngaihsak loh Zion ahi,’ hun ti mahleu le.”

DAN NIHNA 1:31

mi’n a cha a puok guola gamthip a le Lalpa na Pathien un zie mun na tun chan u a, lam tungtawna, a hun puok dân kha na mu tau khala,’ ka ti a.

PAWTDAWKNA 15:26

“Lalpa na Pathien u aw hi guntaka na ngaihthak u a, a mitmuha pha a sak dante na hih u a, a thupiekte na ngaihsan u a, a thuguot chengcheng na zawp u chun, Aigupta mite chunga hipi ka len sak haw bang khah nang haw chung ahin lênsak hiel puo’ng ka: kei Jehovah Rafa ka hi ngâla,” a ti a.

HOSEA 7:15

Ken chuh ka puidawk a, ka hihhat a, mahleh ka chungah thil phalo a lunggel u a.

NASEPTE 13:18

Chun, kum sawmli sung chuh thalek gam akhan a enkawl zing a.

HOSEA 14:4

“A nungchawn nau chuh hih dam ing ka ting, amau apat a ka lungnatna a kithiel dawk tâk ziekin; ka lungthim pumpi’n ka lungsiet ngâl a: a chung uh ale lungna ta puo’ng ka.

HOSEA 7:1

“Israel sukdam ka guot lai in Ephraim sietna a hung lang a. Samari nunsietna thilhih tawh, diklo takin thil ahih u a; a sung ah gucha a lut a, pawlam ah suommang te’n ana suom ngâl u a.

HOSEA 2:8

Buhte, uain te, thau te, sana leh dangka ka hihpun sakte hi, sana, Baal a ding a a mat haw tawh kei piek ahi tih a he puoh ngâl a.

ISAI 63:9

A lungkhamna chengcheng u achun amah chule a lungzîng seka, a masanga um Vânsâwlchâk chun amau chuh a hukdawk seka; a hehpihna leh a zahngaihna chun a tandawk ta a, a masang hun lai cheng khan amau chuh a puoh a, a pawm sek hi.

ISAI 46:3

Aw Jakob insung mite leh Israel insung a nutsieh a um tawmchah te, gilpi apat a ka puok a, sûl apat a ka kipawlpihte haw, ka thu hi ngaithau in!

ISAI 30:26

Zielo chun le, Lalpa’n a mite liemna a tuom sak ni, a liemmateu a sukdam ni chun, tha chuh nisa guolin vak ta’ntin, nisa chuh a leh sagih in, ni sagih a kigawm bang hielin vak ta’n a.

PAWTDAWKNA 23:25

Chun, Lalpa na Pathien u hi nei ho u chun, na chângthâk u leh na tuiteu chuh vangsak ing ka ting; chun, na lak u apat in natna lamang kêi ing ka.

JEREMIA 8:22

Gilead achun thingnai damdawi umlo ahim? Zie tak achun hihdampa umlo ahim? Bang zieka ka mi, ka chanu chuh sukdam hilo ahim?

ISAI 1:2

“Aw vante, ngaithau un la, aw leichung na bil dawh in! Lalpa chun thu a gen hi. Chate chuh ka vaka, ka seilet saka, himahleh ka chungah a kiphin tau ui.

DAN NIHNA 8:2

Chun, a thupiek haw chuh zui ding na hiu em na hi puou em, na lungthim uh hetna dinga hun patep ding leh hun sugimthei dinga gamthip a kum sawmli a hun puihna lampi chengcheng kha hezing un.

PAWTDAWKNA 19:4

Aigupta te chunga ka thilhih danhaw leh, mupi’n a note a tha chunga a puok banga ka hun puok a, ka kawma ka hun puihtung dân hi na muu a.

SAM LEHKHABU THE PSALMS 107:20

A thu chuh a sawldawk a, amau chu a hihdam sek a, A manthaina ding u a pan chun a humbit sek hi.

DAN NIHNA 33:27

Kumsawt Pathien chuh na kisêlna ahi a, Nuoi lam ah kumsawt bân haw chuh a um, Melmate chuh a hun nawhmang saka, ‘Sumangthai in,’ a tii.