HOSEA 11:2 - PATHIEN LEKHABU THIENGTHO (BSI)

² Himahleh, ka hah sap phawt leh, kei apat in a taimang gamla zaw deuh a. Baal kawmah a kithawi u a, milim siemkawmte kawmah gimlimte a hâl u a.

HOSEA 11:2 ပူးပေါင်းရင်းမြစ်များ

HOSEA 2:13

Kei ei hengilh a, Baal kawma gimlim a hâl ziek leh, sana kicheinate a kithuoma a deihchakte a zuih zawk ziek chun gawt ding ka hi, tih hi Lalpa kamsuok ahi.

JEREMIA 18:15

Himahleh, ka mite chun vang ei hengilh tau a, milim pathien haw masangah gimlim a hâl tau a. Ziehaw chun a chieh na lampi hawu achun a kisuih sak a, lampi lui u chuh zui lo in, lampi neu haw achun a chieh tau hi.

ISAI 65:7

A gitlohnau leh a pulepateu gitlohna chuh dinthuk ding ka hi. Milim pathien hona munte achun gimlimte a hâl u a, ka min a gensie sek ngâl uh a. Zieziekchun, a thilhih khelhnau bang zelin gawt ding ka hi!” Lalpa’n a tii.

HOSEA 11:7

Ka mite chun ei kihei mangsan guo zing u a. A chung u a namkawl kibat ziek chun Chungnung pên pa chuh sam untin, mahleh kuoma’n lakthak sak puo’n a.

NASEPTE 7:51

“Mi genhak, lunggil leh bil tan lohte haw! kumkhuo’n Thagau Thiengtho chuh na dodal zing u a; nanguh hun suonte hih guol zel khan na hih sek uh ahi.

JOHAN 3:19

Ziehi mawhna chuh a hii: Vak van nuoi ah a hung a, himahlele, mite’n vak sangin thim a deih zawu, a thilhih hawu a gitloh ziekin.

LUKE 13:34

“Aw Jerusalem, Jerusalem, thiemgau haw that, na kawma thupuo a hun sawlte suong a sep lum! Akpi’n amah note a tha nuoia a awp khum guolin, na chate bang zat vei a awp khum ka guot tâk kha! Himahleh na ut ngâl puou a.

ZEKARIA 7:11

“Himahleh, ka mite chun a ngaitha nuom puou a, a lochal u a a zak theih lohna dingun, a bil uh ahim u a.

JEREMIA 35:13

Sepaihte Lalpa Israel Pathien chun hiti hin a gen hi, “Chieh inla, Juda mite leh Jerusalem a micheng te zak in va gen ah; ka thugen hi ngaitha ding leh ka sinsak na thu ngaihsak a neilo ding na hiu em? ti’n.

NEHEMIA 9:30

Himahleh, kum tamtak amau haw na ngaitha a, na thagau in thiemgaute mang in na hilh seka; himahlele, a nakhang uh a sungawng u a, zieziekchun, a gama mite khut achun amau chuh na pie ta a.

1 LENGTE 18:19

Khutichun, tuhin Israel te chengcheng leh Baal thiemgau zali leh sawmnga leh, Asher thiemgau zali, Jezebel dawhkhâng a ankuong um sek te khah, Karmel tânga hin samkhawm dingin mi sawl in,” a ti a.

1 LENGTE 12:33

Chun, amah deih bang taka a guot tha ngêi, tha gietna, ni sawmlenga ni chun Bethel ah maichâm siem in a va kithawi a; chun, Israel chate dingin kut a guot a, maichâm a gimlim hâl dingin a va chieh a.

VAIHAWMTE 10:6

Chun, Israel chate chun Lalpa mitmuh in thil gilo a hun hih kit tau a, Baal te, Ashtaroth te, Suria pathien te, Zidon pathien te, Moab pathien te, Amon suon pathiente, Philistia pathiente na a sem u a; tichun Lalpa a kiheisan tau a, a na a sem ta puou hi.

VAIHAWMTE 3:7

Chun, Israel chate chun Lalpa mitmuh in thil gilo a na hih tau a. Lalpa a Pathien u chuh a hengilh u a, Baal haw leh Ashtaroth na a sem tau a.

VAIHAWMTE 2:13

Tichun, Lalpa chuh a kiheimang san u a, Baal te leh Ashtaroth te na chuh a sem tau a.

ZEKARIA 1:4

Thiemgau masate’n, na umdan gilo u kha tuhin kiheisan un la, na thil gilo hih hawu kha kilehheisan un, a tii, ti a na pileputeu a hilh sau ale ngaitha lo a, limsak lo bang khan um kiu in, tih hi Lalpa kamsuok ahi.

HOSEA 4:13

Tangsip haw achun a kithawi u a, muol vum a thing sangte leh thing nuoi lim muntin haw achun kithawi in gimlimte a hâl u a, a limte chuh anawp bêk ziekin! “Zieziekchun, na chanuteu chun nawhchizuok a sin u a, na moteu chun le zawl a saih lawh tau hi.

JEREMIA 44:5

Mahleh, a ngaitha diek puou a, a nunsiet nau haihsan a pathien dang te kienga gimlim hâl loh ding chuh a ngaihsak diek puou hi.

HOSEA 4:17

Ephraim chun milimte a kizawppih ta a, a um um in um hen.