HOSEA 10:2 - PATHIEN LEKHABU THIENGTHO (BSI)

² A lunggil teu a hung dik ta puoh a, tuhin chuh a gitlohnateu ziekin thuok ding ahiu ui. Lalpa’n a maichâmteu chuh suchim intin, a dawikhuomteu chuh susie ding ahi ngâla.

HOSEA 10:2 ပူးပေါင်းရင်းမြစ်များ

MIKA 5:13

Na lak uh apat in na milim siemkawmteu leh na suongphuhteu chuh sumangthai ka ting, na khutsuok thilte chuh ho ta puo’n la.

1 LENGTE 18:21

Chun, Elijah chun mipi haw chuh a va naih a, “Lung-awpkai a bang chan a na um ding uh? Lalpa chuh Pathien a hih chun zui unla, chun, Baal chu Pathien a hih chun amah chu zui un,” a ti a. Mipite chun kam khat cha’n le a dâwng puou a.

JAKOB 4:4

Nanguh, mi ginumlote haw! Khawvel tawh kiguolchanna hi, Pathien melma hihna ahi tih helo na hiu hi? Zieziekchun, kuole, khawvel guol hih nuom ta chuh, Pathien melma a kisiem sek ahi.

JAKOB 1:8

Lalpa kawmah bangmah muh kinem kiheh.

ZEPHANIA 1:5

A inchung a kaldawk a, nisa te, tha te, aksi hote chuh sumangthai vek ding ka hi. Kei ei ho a, ginum taka um dinga thutiem bawl a, himahlele, zie nunga chuh Milkom min a kihâksielna neite chule sumangthai vek ing ka.

LUKE 16:13

“Suok kuoma’n, pu nih na a sem kawp thei puoi; khat mudah in, khat deihchuom ding ahi ngâl a; a hihloh leh khata dingin ginum intin, khat musit ina. Pathien leh sum na na sem kawp thei puou hi,” a ti a.

MATTHAI 6:24

“Kuoma’n to nih na a sem kawp thei puoi; khat chuh mudah in, khat chuh deihchuom in ahim, a hihloh leh khat chuh limbawl in khat chuh simmawh ding ahi ngâl a. Pathien leh sum na na sem kawp thei puou hi.

ZEKARIA 13:2

Chun, zie ni chuleh milim pathiente chuh gamsung apat chun lamang ka ting; kuoma’n hezing ta puo’n au! Thiemgau ka hi tite leh thagau buok chu nawhmang ka ting, milim ho utnate chu lamang ding ka hi, Lalpa’n a tii.

HOSEA 13:16

Samari chuh ka chunga a kiphin ziekin gawt in um in a. A mite chuh gâla thah in um untin, nausente chuh tuol khetna a mat in um untin; a numei nauvawplaite chuh phil zak in um un au,” ti’n.

HOSEA 7:8

Ephraim chule nam dangte lak ah a kizêp mang a; Ephraim chuh chângthâk kikang lehviel loh ahi.

JEREMIA 43:13

Aigupta gam Beth-shemeh suong milim sang tak tak te chuh suchim intin, Aigupta pathien In haw chuh mei in hâlvam ina,’ a tii, ti’n” a ti a.

ISAI 44:18

Zie tawbang mi chuh mingawl, a thilhih uh bang ahih helote ahiu ui. Thutak lam achun a mit u leh a lungthim teu a sudûk sek ui.

1 SAMUEL 5:4

A zing kit mataka a thawh phet u chun ngaitie, Lalpa bawm ma achun Dagon chuh a maia lei si’n a na puktha kei kit ta a Dagon luchang leh a khut bawm nih tawngtha chu kawtbul tuohtil achun a na um lem lum mai ta a. Dagon taksa mai chu a ngâwng leh khut bawngsa chun a na um ta mai a!

1 JOHAN 2:15

Khawvel hi hehpih kiu inla, khawvel a thil umte hile hehpih diek kiu un. Mi kuo’nle, khawvel a hehpih chun, Pa a hehpihna amah ah a um puoi.

HOSEA 3:4

Zie tawbang chun Israel chate chuh ni tamtak leng neilo leh vaihawmtu beiin um un tin, kithawihna ahim, suong phuh ahim, milim ahim dawikhuom phut lo in, thiempu puonâk Ephod leh Terafim le nei puo’n au.

HOSEA 12:11

Himahleh, Gilead a chun milim ho a hi zing a, a hote chuh thi tei ding ahi ngâl u a. Gilgal achun bâwngchalte a lân u a, himahleh, a maichâmteu chuh gamtalai laka suong sieh vum bang chauh hung hi ding ahi.”

PAWTDAWKNA 23:24

A pathienteu chuh na ho ding uh ahi puoh a, a nau le na sep ding uh ahi puoi, a thilhih hawu bang chu le na hih ding uh ahi puoi; na sukchip suok ding uh ahi a, a suongphuh teu chuh na suknel sak suok ding uh ahi.

THIEMPUDANTE 26:30

Chun, na munsang teu suchim ing ka ting, na nisa limteu, na gimlim hâl nau maichâmte chuh hihchim ing ka, chuleh, na luongteu chuh na milim pathien uh gawpsate chung achun paih ing ka. Ka lungnatna a tâwp khawk a tun tâk ziekin.

THUCHINGTE 11:18

Migilo chun thepna gah a lo sek a; hi mahleh, felna gah tuhte vang chun kipahman diktak mun au.

EZEKIEL 14:5

A lungthim uh ka mat kit theihna dingin, amau chun a milim hawu ziekin ei nusieh ta ngâl u a.