HOSEA 1:7 - PATHIEN LEKHABU THIENGTHO (BSI)

⁷ Himahleh, Juda inkawte chuh vang lungsiet ka ting, thalpi ahim chemzâm ahim, kidona ahim, sakawl ahim sakawl chung chuong mi ahim a amau haw hukdawk lo in, kei Lalpa a Pathien u hin hukdawk ing ka,” a ti a.

HOSEA 1:7 ပူးပေါင်းရင်းမြစ်များ

ZEKARIA 4:6

Chun, amah chun ka kawmah, zie hi Zerubabel kawma Lalpa thu chuh ahi: “Hatna hilo in, thilhih theihna le hi diek lo in, Ka thagau thilhih theih na zawk in la uo! Bangkim hihthei Lalpa chun a tii.

ISAI 12:2

Ngaitie, Pathien chuh ka hukdamna ahi a, Amah taksang ing ka ting, lau puo’ng ka. Jehovah chuh ka hatna leh ka thilhih theihna ahi a, amah chuh ka hukdamna ahung hi tai, ti’n ahi.

2 LENGTE 19:35

Tichun, zie zan chun, Lalpa vânsâwlchâk chu Asuria te giehmun achun a va chieh a, sepaih nuoi khat leh singgiet leh sangnga a that a. A zing, zingkal mataka a va thawh u chun, ngaitie, mi thi luong ngen cha ahi mai ta a!

HOSEA 11:12

Lalpa chun, “Israel chate chuh lepchieh leh thepna’n a ûmkimvel a; Juda mipite chuh Kei, Pathien ginum leh thiengtho do in a kiphin zing uh ahi.

ISAI 7:14

Zieziekchun, Lalpa ngêi chun melchikna hun pie’n tin, ngaitiem u, nungak thiengtho chuh gai intin chapa hing intin, a min dingin Immanuel sa’n au.

ISAI 49:6

Lalpa’n ka kawmah, “Jakob namte tundin na ding leh Israel chate laka bitna a um kitna dinga suok a ka hun siem hi thil neucha ahi; Jentel te salhvak dingin le hun guot ing ka ting; khutia chuh ka hukdamna hih kâwlmawng tieng ale atun theih na dingin” a ti a.

SAM LEHKHABU THE PSALMS 33:16

Leng chuh a sepaih tam ziek in a bit puoh a: Mi hangsan hi a hât mah mah ziekin humbit ahi diek puou:

1 SAMUEL 17:47

Chun, zie tak a hungkhawmte cheng hin Lalpa chun chemzâm leh tiengcha’n a hukdam puoi tih hethei in au; kidona hi Lalpa a ahi ngâla, chun, amah chun ka khut uh a nang ei pie ding ahi,” a ti a.

2 LENGTE 19:29

Chun, Isai chun Hezekia kawmah, “Ziehi thil hungtung ding melchikna hi’n a, tu kum in, buhsang sen un na tin uh, kum kit lele a sang mah: chun, a kum thumna achun, buhte tuh thei ta’n na tin uh, ât un na tin uh, grep huonte bawl in a gahte le ne ta’n lau.

ISAI 30:18

Himahleh, Lalpa’n hun lungsiet in, hun ngak intin, nang haw hun lungsiet dingin a kisazo zing a, thil dik a hih sek ziekin; Lalpa chun diktaka vai a hawm sek ziekin amah ngakte cheng chuh mi hampha ahiu hi.

JEREMIA 25:5

Zie thiemgaute chun, mi tin, amah gitlohna apat in hung vaikit u hen la, Lalpa’n na kawm u leh, nanguh hun suonte kawma malai apat a kumlekhuo a dinga a piek gam ahin cheng tau in;

JEREMIA 25:6

pathien dangte zui kiu inla, a nau sem ding leh. chibai bûk ding leh, na khut nasepteu a ka lung suna dingin chieh kiu in; tichun. hun gawt puo’ng ka.” a ti sek a.

JEREMIA 33:26

Jakob suonte leh ka suok David suon te chuh paih tha’ng ka, Abraham te, Isak te, Jakob suonte chunga vaihawm dingin a suon la mang ing ka: a saltannau apat vaihkit sak ing ka ting, a chunguh ah lungsietna nei ding ka hi ngâla.”

HOSEA 1:8

Chun, Loruhamah chuh nawichep a haihsak a, tichun nau a vawp kit a, chapa a hing kit a.

PAWTDAWKNA 14:13

Ziephet chun Mosi’n mipite kawm achun, “Lau kiu in, um hiet hiet mai un, Lalpa hukdamna tuni a a hun hih sak ding hih en mai un, tuni a Aigupta mi na muh teu hih kumkhuo’n mu kit ta puo’n lau.

PAWTDAWKNA 14:30

Khutibang chun Lalpa’n Israel chate chuh zie ni chun Aigupta mite khut apat chun a hukdawk hi; chun, Israel te chun Aigupta mithi haw chuh tuipi pang achun a muu a.

2 LENGTE 6:18

Tichun, Suria te’n amau lam a hun zawt suk u chun, Elisha chu Lalpa kawmah a paucham a, “Ziete haw hi a mit uh hun sukdûk sak in,” a ti a. Chun, Elisha thu bang chun a mit uh a hun hih dûk sak ta a.

2 LENGTE 19:34

Keimah ziekin leh, ka suok David ziekin, zie khawpi hi humbit dingin, veng ding ka hi,’ Lalpa’n a tii,” ti’n, mi a sawl a.

SAM LEHKHABU THE PSALMS 44:7

Ei dote lak achun nangin nei hukdam zaw ta ngâla, Ei mu nuom lo haw chuh na sumuolpho zaw ta ngâla.