HAGGAI 2:9 - PATHIEN LEKHABU THIENGTHO (BSI)

⁹ Zie In lopi nunung zaw hi a masa sang khan lopi zawn tin, zie tak achun chamna leh thamuonna pie’ng ka” Lalpa’n a tii.

HAGGAI 2:9 ပူးပေါင်းရင်းမြစ်များ

1 TIMOTHE 3:16

Chun, I Pathien ngaihsakna thuguk chuh, niel guol loh a lopi ahi ngâl a: “Phehlevo a hung kiphuong a, Thagau a thiem chang a; Vânsâwlchâkte’n le a muh uh, Jentel te laka tângsappih a, Khawvel pumpi a mite ginchak a, Lopina a puih toh takpa chuh.”

JOHAN 14:27

“Lungmuonna ka hun nutsieh na hiu hi; keimah lungmuonna ka hun piek na hiu hi; khawvel in a hun piek guolin ka hun piek na hi puou hi.

JOHAN 1:14

Tichun, Thu chuh phehlevo a hung suok a, I laku ah a um ta a, lungsietna leh thutak in a dim hi. Pa Cha chang khat neih, lopi guolin, a lopi zie I muu hi.

LUKE 2:14

“Chungnung pên ah Pathien lopi takin um hen la, Lei chunga a kipahna mah mah mihiemte kawmah cham thu leng hen!” a tiu a.

JAKOB 2:1

Ka suohpihte haw, I Lalpau Isu Krista, Lopina Lalpa chuh taksang kawmin, mi deihchuom nei kiu in.

NASEPTE 10:36

Amah chun, Lungmuonna Chanchin Pha, Isu Krista kama gen in, Israel suonte kawmah thu a thâk a, (Isu chuh mi chengcheng Lalpa ahi a),

MIKA 5:5

Chun, ziehi I kichamna dinguh hi’n a; Asuria ten I gam uh a hun do u a, I lal In hawu a hung tawh tieng leh amah do dingin belampu sagih leh mi lopi tak tak giet kiteldawk hitiu.

ISAI 60:7

Kithawihna dingin belamte chuh Kedar leh Nebaioth apat in na kawmah hun kai untin; Lalpa sukkipahna dingin maichâm achun la’n un au. Tichun, Lalpa’n a Ho-In chuh tuma sangin sulopi zaw ta’n a.

ISAI 66:12

Lalpa chun hiti hin a ti ngâla, “Ngaitie, chamna chuh luipi bangin luon sak ing ka ting, Jentel te hauhsakna chuh luicha a kuong dim zuoh zuoh bangin luong lut ta’n tin, tichun, zie chuh sen un na tin uh, a nungzang ah naupuok in hun puo’n tin, a pheichung achun kichawm kichawm inla.

HAGGAI 1:8

Tuhin, tângah chieh to unla, thing va lau inla, Ho-In chuh sau in; tichun na chung u ah kipâk ing ka ting, chun, suklopi a um ding ka hi,Lalpa’n a tii.

HAGGAI 2:3

“Zie In hi masanga a lopi lai mu kha na lak u ah kuo a um? Tuhin bangti’n na ngai u? Tuhin chuh na mitmuh un bangmahlo mai bang hi talo ahim?

ZEKARIA 2:5

Tichun, Kei hi a kimvel ah mei kulh hi’ng ka ting, a sung achun lopi taka cheng ding ka hi ngâl a,” Lalpa’n a tii.

EZEKIEL 43:5

Tichun, thagau in ei dawm kâng a, huong sungnung zaw achun ei puilut a; chun, ngaitie! Lalpa lopina chun Ho-In chuh a luoh dim vek ta a.