HAGGAI 2:7 - PATHIEN LEKHABU THIENGTHO (BSI)

⁷ Namtin te chuh paih tha’ng ka ting, a hauhsakna teu chuh zie tak a hin puok lut in um intin, tichun, zie In hi lopi na’n su dim ing ka, Sepaih hawnte Lalpa chun a tii.

HAGGAI 2:7 ပူးပေါင်းရင်းမြစ်များ

MALAKI 3:1

“Ngaitiem u! ka sawlchak hun sawl ding ka hi a, Ka masangah lampi hun guonggalh ina. Tichun, na hawl uh, Lalpa chuh a Ho-In ah thakhat in hung phut ina. Thuthun Sawlchak na kipahpih u chuh hung in tin, ka thu chuh hung phuong dawk ina,” Bangkim hihthei Lalpa chun a tii.

1 LENGTE 8:11

Khutichun, thiempute chu meipi ziek chun nasem in a ding thei ta puou a, Lalpa In chu Lalpa lopina’n a luoh dim ta ngâl a.

THILSIEMBUL 49:10

Leng mawlh chuh Juda apat chun mang puo’n tin, Vaihawmna mawlh chule a kengkal apat in mang diek puo’n a; Shiloh hung masangsieh chun; chun, namtin in amah thu awi un au.

LUKE 2:46

Chun, tihi ahi a, a ni thum ni chun, Judate sinsak haw laka chu a, a thuu na ngaitha a, dawng humhal in a va muu a.

LUKE 2:27

Chun, Thagau puih in Pathien Ho-In ah a va lut a. Nausen Isu chuh a nu leh a pa’n, dân ngeina guola a chunga hih dinga a hun puih lut lai u chun ana pawm a, Pathien a pakcha a,

EZEKIEL 21:27

Sietna, sietna! (zie tawbang chuh ana tung kha nailo) Ahi, khawpi chuh susie ding ka hi! A neipa diktak a hung masangsieh tundin kit hita puo’n a; zie tieng chuleh amah chuh pie’ng ka,” ti’n.

ISAI 60:7

Kithawihna dingin belamte chuh Kedar leh Nebaioth apat in na kawmah hun kai untin; Lalpa sukkipahna dingin maichâm achun la’n un au. Tichun, Lalpa’n a Ho-In chuh tuma sangin sulopi zaw ta’n a.

THILSIEMBUL 22:18

Ka thu na awih tâk ziekin na suonte achun khawvel a namtin vangsak in um in au tih kei ngêi kipautiem in ka gen tai, Lalpa’n a tii” a vak ti a.

GALATI 3:8

Pathien Lehkhathu’n, “Pathien in Jentel te chuh taksanna ziekin, amah tawh kicham in siem ina,” tih a genlawk sa ahi ngâl a. Khutichun, Pathien Lehkhabu chun Abraham kawma chuh Chanchin Pha chuh gendawk in, “Nangmah achun, namtin vangsak ina,” ti’n a gen ta a.

JOHAN 1:14

Tichun, Thu chuh phehlevo a hung suok a, I laku ah a um ta a, lungsietna leh thutak in a dim hi. Pa Cha chang khat neih, lopi guolin, a lopi zie I muu hi.

LUKE 21:38

Chun, zingkal leh, mipite chuh Pathien Ho-In ah, a thugen ngaitha dingin, a hung khawm sek u a.

LUKE 19:47

Chun, amah chun ni chengin, Pathien Ho-In achun a sinsak sek a. Thiempuliente leh Danthuzikte leh, vantâng lawiupate chun amah thah a nuom u a;

SAM LEHKHABU THE PSALMS 80:1

Aw Israel chingpa, Belam hawn banga Joseph puipa, ana ngaiin; Nang Cherub te chunga chu pa chun hung salhvak in.

2 KHANGTHUBU 5:14

Tichun meipi ziek chun thiempute’n na a sep theih loh lawh hiel u a, Lalpa lopi na’n Pathien in chu a dim suok ta ngâl a.

LUKE 20:1

Chun, tihi a hung hi a, Pathien Ho-In a mihaw a sinsak a, Chanchin Pha a gen lai in, Thiempuliente leh Danthuzikte leh, upahaw chuh a hung phut u a.

THILSIEMBUL 3:15

Chun, nang leh numei hi hun kidosak ing ka ting; nang suonte leh numei suon le kido sak ing ka; amah chun na luchang khên thidup intin nangin a khawtalzum chu thidup in la,” a ti a.

KOLOSSA 2:9

Pathien hihna bukim chuh Krista mihinna achun a um ngâl a.

SAM LEHKHABU THE PSALMS 85:9

A hukdamna chuh amah kihchate kawmah achun a um ngêi ngêi sek hi; Zie lopina chuh ka gam u ahin a um theih na dingin.

ISAI 2:19

Tichun, lei hi nasa taka sulîng dinga a hung kipat tieng chuleh, Lalpa lauh umna lak apat leh, thilhih theihna lopina lak apat chun mite chuh suongpi leh kâwlhâwm haw leh lei hawm haw a chun kisel un au.

ISAI 60:4

Khawdak in la, en kimvel in! Na mite chuh a chiehkhawm u a, na kawmah a hung ui! Na chapate chuh gamla tak apat in hung un tin; Na chanute chuh nau dawnte chun hun pawm un au.

EZEKIEL 31:16

Thing puk git chun namte chule ka sulîng a, Sheol kumsuksa te kawma gawtmun a ka paihthak ni khan; Eden thing chengcheng te, Lebanon a thing phapen leh deihum pên haw, tui ne a hing chengcheng te chuh lei mun nuoinung pên achun thamuon in a um tau hi.

EZEKIEL 38:19

Ka lungnatna kuong dawk in, Zie ni chu leh Israel gam ah nasa takin lei kilîng ina;

EZEKIEL 44:4

Tichun, amah chun mâllam pang kawtkhak achun ei puilut kit a. Ka vak et leh, ngaitie, Lalpa Ho-In chuh Lalpa umna vak lopitak chun a dim ta a. Tichun, bawkkhup in tuol ah ka puk ta a.

HAGGAI 1:8

Tuhin, tângah chieh to unla, thing va lau inla, Ho-In chuh sau in; tichun na chung u ah kipâk ing ka ting, chun, suklopi a um ding ka hi,Lalpa’n a tii.

1 LENGTE 8:10

Chun, hiti hi ahi a, thiempute chu Mun thiengtho apat a a hung pawt phet u chun Lalpa In chu meipi chun a hun luoh dim ta a.