HAGGAI 2:4 - PATHIEN LEKHABU THIENGTHO (BSI)

⁴ Aw Jerubabel, tuhin chuh hangsan takin um in, Lalpa’n a tii. Aw Joshua, nang Jehozadak chapa, thiempu lienpen, nangle hattak in um in. Chun, nang haw zie gama mi cheng cheng te haw, hattak in um unla, sem un, na kawm u ah ka um ngâla, tih hi Sepaihte Lalpa kamsuok ahi.

HAGGAI 2:4 ပူးပေါင်းရင်းမြစ်များ

2 SAMUEL 5:10

Tichun David chu a hung hât deuh deuh ta a, Lalpa sepaihte Pathien chu a kawma a um zel ziekin.

1 KHANGTHUBU 22:13

Tichun, Israel te chungchâng thu a dante leh vaihawmnate, Lalpa’n Mosi a piek kha na zawp chun, lamzang zel inla. Hat takin um in la, hangsan takin um in; lau ki’n la, lung le lungthuoi diek ki’n.

1 KHANGTHUBU 28:20

Leng David chun, a chapa Solomon kawm achun, “Hat tak leh hangsan takin um inla, na chuh sem inla, lau ki’n la, lungkie diek ki’n! Lalpa Pathien, ka Pathien, a na na sep pa hi na kawmah a um hi; Ho-In sak hi na zawh suok kêi ma’n, hun hengilh in hun thahtham puo’n a.

EZRA 10:18

Khutichun, thiempute lak achun le nam dang numei kichên pih muhdawk in a um a, ziete chuh: Jeshua chapate, Jozadak chapate leh a suohpih teu, Maaseiah, Eliezer, Jarib leh Gedalia te ahiu ui.

EZRA 5:2

Khutichun, Sheltiel chapa Zerubabel leh Jozadak chapa Jeshua chun Jerusalem a Pathien In chuh a hun sa pan kit u a; chun, a kawm u ah amau haw panpih in Pathien thiemgaute chuh a um u a.

PAWTDAWKNA 3:12

Chun, Lalpa Pathien chun, “Na kawma um ding ka hi a, tichun keimah hun sawl ngêi na hi tih ziehi nanga dingin melchikna hi’n a; Mipite chuh Aigupta gam apat a na hun puihdawk tak chuleh, zie tâng ngêi ahin Pathien hun ho inlau,” a ti a.

HAGGAI 1:13

Tichun, mite kawma Lalpa mi sawl Haggai chun Lalpa thugen chuh mipite kawmah a gen ta a, “Na kawm u ah ka um hi; Lalpa chun a tii,” ti’n.

ZEKARIA 4:6

Chun, amah chun ka kawmah, zie hi Zerubabel kawma Lalpa thu chuh ahi: “Hatna hilo in, thilhih theihna le hi diek lo in, Ka thagau thilhih theih na zawk in la uo! Bangkim hihthei Lalpa chun a tii.

ZEKARIA 8:9

Chun, Lalpa chun hiti hin a tii: “Temple ngêi chuh sak ahih theih na dinga Lalpa In suongphum phum ahih ni a thiemgaute kama thu pawt, nanguh tu a ngaithate hin na khut hawu suhat un.

MARK 16:20

Tichun, sinsakte chuh a chieh dawk tau a, gamtin ah Chanchin Pha chuh a gen tau a; chun, Lalpa’n amau haw chuh a kithuohpih a, a thilmak hihteu chun a thugen teu chuh a hihdet zel hi. Amen.

NASEPTE 7:9

“Chun, chisep zakte khan Joseph a mitthîp u a, Aigupta gam lam ah a suok in zuok tau a, himahleh, Pathien a kawmah a um a,

1 KORINTH 16:13

Kiveng unla, taksanna achun ding det unla; hangsan takin um unla, hât takin um un.

EPHESI 6:10

A chaihna kêi in, Lalpa leh a thahatna thagui a chun, thilhih theihna nei in a na um un.

DAN NIHNA 31:23

Chun, Nun chapa Joshua chuh a thu a pie a, a kawmah chun, “Hattak leh hangsan takin um in; Israel suonte chuh kihâksiela ka tiem gama chuh puilut ding na hi ngâla; chun, hun umpih zing ding ka hi,” a ti a.

2 TIMOTHE 2:1

Khutichun, nang ka cha, Krista Isu tawh kipumkhatna zâla hehpihna ahin, thilhih theihna nei in um ta’n.

2 TIMOTHE 4:17

Chanchin Pha kei zieka gen kima a um theihna’n leh, Jentel te chengcheng chun a zak theihna dingun, Lalpa chun ei hum a, ei sukhat zawk ahi a, chun, sakeibaknei kama um kha hukdawk in ka hung um zaw ahi tai.

JOSHUA 1:6

Hattak leh hangsan takin um in; a suonteu kawma kipautiema piek ka na tiemna gam kha, ziehaw hi luoh sak ding na hi ngâl a.

JOSHUA 1:9

Thu ka hun pie hilo maw? Hattak leh hangsan takin um in; lau ki’n la, lungkie diek ki’n: Lalpa na Pathien chuh na chiehna tak ah na kawma um zel ding ahi,” ti’n a gen a.

VAIHAWMTE 2:18

Chun, Lalpa’n amau puihuoi ding a siem saka, Lalpa chuh zie a vaihawmte kawm achun a um a, a damsung cheng u chun a melma teu khut apat in a hukdawk zela; hih gimtheih leh suklungkham a a um ziekun Lalpa’n amau chuh a lungsiet ta a.

1 SAMUEL 16:18

Tangvalte laka khat chun a dâwng a, “Ngaitie, Bethlehem mi Jessai chapa khat ka mu kha a, amah chu kingkang tum thiem tak, mi hangsan tak, kido mi, thugen thiem tak, melhawih tak ahi a; chun a kawma le Lalpa a um hi,” a ti a.