HAGGAI 2:23 - PATHIEN LEKHABU THIENGTHO (BSI)

²³ Zie ni chu leh aw Zerubabel, ka suokpa, Shealtiel chapa khut in hun panpih ing ka ting, min namna zungbuh guolin hun siem ing ka, Lalpa chun a tii. Nang hi ka hun tel ta ngâla, Lalpa chun a tii,” ti’n.

HAGGAI 2:23 ပူးပေါင်းရင်းမြစ်များ

ISAI 43:10

Nang u haw hi Kei ei hetpihte na hiu a, ka suokte hi dinga ka hun tel na hiu a, Khutia chuh nei hetuh a, nei ginchak uh a, Kei mai hi Pathien ka hi tih na hêtchet theihna dingun, Lalpa’n a tii. Kei tih loh pathien dang himhim a um puoh a, um le um ngei puo’n tin, hung um kit diek puo’n a.

ISAI 42:1

“Ka suokpa, ka tundawk, hattak a ka siem a, ka teldawkpa, a chunga ka kipahna mah mah pa a um hi! Amah chuh ka thagau in ka hihdim a, namtin chungah vai hun hawm ding ahi.

JEREMIA 22:24

“Ka hin zing bang in, tih hi Lalpa kamsuok ahi. Juda leng Konia, Jehoiakim chapa chuh ka khut changlama namna zungbuh himahleh chin, zie apat chun hun bawt dawk tei ding ka hi.

SOLOMON LA 8:6

Na lunggil leh na banah tiemtehna bangin ei kawih in, hehpihna hi thihna bangin a hât ngâla, utna hile Sheol tawbang hiel in a hât a, mei guolin a kuong dawka, gamka guolin nasa takin a kuong zak hi.

1 PETER 2:4

Lalpa, Suong Hing, mihiemte’n thil manloh banga a nawlh uh, Pathien ngaih a vang chuh ten dawk leh lul tak kawm achun hung un.

2 TIMOTHE 2:19

Himahlele, Pathien suongphum dettak chuh suk tawih ding guol ahi puoh a; a chung achun zie thu haw hi zik ahi: “Lalpa chun amah a haw chuh a he a,” tih leh, “Lalpa min lo taphawtte chun gitloh taihsan hen,” tih hi.

JOHAN 6:27

An khadang a mang mai ding delh in phe phe kiu in, himahleh kumkhuo a hin chana um ding an, Mihiem Chapa’n a hun piek ding chuh delh in phe zawu un: Pa Pathien chun amah chuh a melchik ta ngâl a,” a ti a.

MATTHAI 12:18

“Entie, keimah tel ngêi ka suok, Ka deih tak, a chunga ka lungkimna mah mah hi; A chungah ka thagau kawih ing ka ting, Tichun, Jentel te kawmah vaihawmna dik phuong ina.

ISAI 49:16

Jerusalem, hun hengilh puo’ng ka, na min chuh ka khutpêk chunga zik ahi ngâl a.

SAM LEHKHABU THE PSALMS 65:5

Aw ei hukdampa Pathien, Thil tizat um te’n kitûp takin ei dâwng un na tin; Nang kâwlmawng a mi cheng cheng leh, Tuipi chunga gamla taka umte kineppih na hi.