HAGGAI 1:9 - PATHIEN LEKHABU THIENGTHO (BSI)

⁹ “Tamtak ât dawk na kinem u a, himahleh, tawmcha a hung hi tai. Na buhteu chuh ina na hun tut tieng u leh ka na mût mang sek ahi. Bang zieka zie chuh hungtung ahim tih hi Sepaihte Lalpa thugen ahi. Nang haw, nangmau intum chietah na buoi u a, ka Ho-In chuh sie taka a um zing ziek ahi.

HAGGAI 1:9 ပူးပေါင်းရင်းမြစ်များ

HAGGAI 1:4

“Ka mipite haw, Ka Ho-In sie taka um zing ngâla bang zieka nang haw In hawih tak taka cheng zing na hiu hi?

THUPHUON 3:19

Ka hehpih tak cheng chuh ka hilhgaih a, ka thunun sek hi. Khutichun. gunchuh inla, lunghei ah.

MALAKI 2:2

Ka min sulopi dinga na ngaihthak loh u a, lunggil a na vawp loh u chun, na chungu ah hansie hun tunsak ing ka. Na vangsakna dawnteu chuh hansie buok ing ka. Ahi, na laku ah, lunggil taktak a ka thupiekte vawp na um loh ziekun hansie ka lawh ta him ahi.

HAGGAI 1:6

Buh tampi na chîng u a, himahleh tawmcha na ât tau a. Na neu a la, na tai diek puou a; na dâwn u a, na khawp diek puou a; na silh u a la, lum na sa diek puou a, sum lawhte chun le dip tawvang a kawih ding mai a a lawh uh ahi.

ISAI 40:7

Lalpa hu chun a mût tieng leh, hampa chuh a vuoi a, a pak chuh a pulh sek a: mihing te chuh hampa tawbang chuh ahi him ui.

THUPHUON 2:4

Himahlele, demna ka hun nei hi, na hehpihna masapen na haih tâk ziekin.

JOB LEHKHABU THE BOOK OF JOB 10:2

Pathien kawmah hiti hin gen ing ka: Ei thiemmawh ki’n, nei deihlohna ei hilh zaw’n.

2 LENGTE 19:7

Ngaitie, a sung ah thagau um sak ing ka ting, thuthang za’n tin; amah gam ah chieh kit ina; tichun, amah gam ngêi ah chemzâm a satlup in um sak ing ka, a tii, ti’n” a ti a.

2 SAMUEL 22:16

Ziephet chun Lalpa hilhgaihna zieka a nak u a hu pawt in hah mût a a mût ziek chun lei kingakna haw chu suklat in a um ta a; chun, Tuisuohgiet lituong chu a kang a, Leisiet kingaknahaw chu suklatin a um ta a.

2 SAMUEL 21:1

Chun, David dam lai in a kum kizawm in kum thum kiel a kie a; chun, David chun Lalpa chu a dawng a. Chun, Lalpa chun, “Saul ziek leh a inkawte, thisan suohte ziekin leh Gibeon mite a thah ziek kha ahi,” a ti a.

THUCHINGTE 27:20

Sheol leh sietna’n dim tik a nei kha himhim puoh a, zie tawbang chun, mihingte mit le a lung-awi ngei himhim puoi.

THUGENPA 1:8

Thil chengcheng hi sepgim na’n a dim a, mihing in a gen theih puoi; mit chuh a thil muh ah a lungkim puoh a, bil inle a thil zak a khawp diek puoi.

EZEKIEL 21:31

Na chungah ka hachangthakna sungtha’ng ka ting, ka lungnatna meia hun mût ding ka hi; mi huham, mi sukmangthai thiem haw kawma chuh hun pie dawk ding ka hi.

THIEMPUDANTE 19:25

Chun, a kum ngana achun nanguh a ding a apun zel theih na dingin theigah chuh na nek dinguh ahi; kei hi Lalpa na Pathien u chuh ka hi.

DAN NIHNA 28:38

“Lo ah buhchi tamtak tuh in na tin un, ahih ziekin, tawmcha chauh ât un lau, khaupe’n ne zo ding ahih ziekin.

THUCHINGTE 11:24

Phal taka pie a, pung deuh deuh a um a, a hawp zak ding banga hawmzaklote chun chatgahna tuok un au.

ISAI 5:10

Grep huon tîn sawm mun ah bath khat chauh hung pieng intin, buhchi homer khat tuhin ephah khat chauh ladawk ding ahi ngâl a,” ti’n.

JEREMIA 12:13

Buh a tuh u a, himahleh, ling a ât u a; a lawkna um sam lo in, a kisuchawl dik dek u a; Lalpa lungnatna lauh-um tak ziek chun, a thawhgah teu chuh zahchâkpih un au.