HAGGAI 1:6 - PATHIEN LEKHABU THIENGTHO (BSI)

⁶ Buh tampi na chîng u a, himahleh tawmcha na ât tau a. Na neu a la, na tai diek puou a; na dâwn u a, na khawp diek puou a; na silh u a la, lum na sa diek puou a, sum lawhte chun le dip tawvang a kawih ding mai a a lawh uh ahi.

HAGGAI 1:6 ပူးပေါင်းရင်းမြစ်များ

HAGGAI 1:9

“Tamtak ât dawk na kinem u a, himahleh, tawmcha a hung hi tai. Na buhteu chuh ina na hun tut tieng u leh ka na mût mang sek ahi. Bang zieka zie chuh hungtung ahim tih hi Sepaihte Lalpa thugen ahi. Nang haw, nangmau intum chietah na buoi u a, ka Ho-In chuh sie taka a um zing ziek ahi.

HOSEA 4:10

Ne mahleu le, a tai dek puou a, Nawhchizuok chîng mahleu le pung diek puo’n au, Lalpa khawksakna na neih loh ziekun,” ti’n.

HAGGAI 2:16

Buh dân sawmnih ting dinga na kinep u kha dân sawm chauh ahi ta a. Uain thawkna muna bûk sawmnga thaldawk na kinep u kha bûk sawmnih chauh a pha sek hi.

HOSEA 8:7

Huih a chîng uh a, chinpei ât ding a hi ngâl uh a. Lo a buh ding laite chun vui suoh puo’n tin, nek ding sepdawk diek puo’n a. A gah sepdawk mahlele, gamdang mite’n ne zo tho un au.

MALAKI 2:2

Ka min sulopi dinga na ngaihthak loh u a, lunggil a na vawp loh u chun, na chungu ah hansie hun tunsak ing ka. Na vangsakna dawnteu chuh hansie buok ing ka. Ahi, na laku ah, lunggil taktak a ka thupiekte vawp na um loh ziekun hansie ka lawh ta him ahi.

ISAI 5:10

Grep huon tîn sawm mun ah bath khat chauh hung pieng intin, buhchi homer khat tuhin ephah khat chauh ladawk ding ahi ngâl a,” ti’n.

ZEKARIA 8:10

Tu masang khan mipite a dingin kilawhna ding a um puoh a, gancha gawih na ding le a um diek puoi, melmate ziekin a lut leh pawtte dingin muonna a um diek puoh a; mi cheng cheng chu ka kido tuoh sak chiet ngâla.

ZEKARIA 5:4

Sawl dawk ing ka ting, guchate leh ka min a lepchieh a kipautiem te In achun lut in tin, chun um zing intin, a sidar thingte leh a suongte pum in sumang vek ina,” tih hi bangkim hihthei Lalpa kamsuok ahi.

JEREMIA 44:18

Van lengnu kawma thillat leh dâwn ding thilpiek sun dawk ka haihsan u apat in bangkim ka tasam zawu a, chemzâm leh kiel haw a hih mangthai in ka um tau hi,” a tiu a.

JEREMIA 14:4

Lei chuh a khi zo ta a, leichung a guoh zuk loh ziek in, leilet te chuh a lungdawng u a, a mai uh a sel u a.

SAM LEHKHABU THE PSALMS 107:34

A gamsung a chêngte nunsiet ziekin gam gahsuoh chu gamgaw, chi gam a suok sak sek hi.

JOB LEHKHABU THE BOOK OF JOB 20:28

A In a a neihlelam chun amah taihsan intin, Pathien lungnat ni chun a thuomphuo haw chuh tawl mang in a.

JOB LEHKHABU THE BOOK OF JOB 20:22

Akibutit lai tak u chuh a lungzîn lai tak uh hung hi’n tin, Lungkhamna chitin in hun delh khum in a.

1 LENGTE 17:12

Chun, amahnu chun, “Lalpa na Pathien hinna sâlin ka gen hi, Chângthâk vang ka nei puoh a, bel ah changbuong khut dim khat phet leh um a sathau tawmcha mai ka nei; chun, ngaitie, thing nih ahim phet ka chawm a, chieh ing ka ting, kei a ding leh ka chapa a dingin siem ka ting, zie chuh ne’ng ka tingun, thi mai ding ka hi tau hi,” a ti a.

2 SAMUEL 21:1

Chun, David dam lai in a kum kizawm in kum thum kiel a kie a; chun, David chun Lalpa chu a dawng a. Chun, Lalpa chun, “Saul ziek leh a inkawte, thisan suohte ziekin leh Gibeon mite a thah ziek kha ahi,” a ti a.

THIEMPUDANTE 26:26

Na nek muh na lampiu hun suktan sak ing ka ting, zie tieng chuleh, numei sawm in thuk khat ah chângthâk kang untin, na chângthâk u chuh teh det det in hun pie kit untin, neu in na tin un vah diek puo’n lau.

THIEMPUDANTE 26:20

Chun, na sep gimnau chuh phatchuomna bei hi’n tin, gam laka thing nasan inle gahsuoh diek ta puo’n au.

NEHEMIA 5:2

“Kei uh leh ka chapateu leh ka chanuteu tawh tamtak ka hiua, zieziekchun ka hin theih na dingun buh ka na la mai ui,” ti a gen pawl a um u a.

JEREMIA 12:13

Buh a tuh u a, himahleh, ling a ât u a; a lawkna um sam lo in, a kisuchawl dik dek u a; Lalpa lungnatna lauh-um tak ziek chun, a thawhgah teu chuh zahchâkpih un au.

HAGGAI 1:5

Tuhin chu vang Sepaihte Lalpa chun hiti hin a tii. Na lampi teu chuh guntak in ngaihtuoh un?

HAGGAI 1:7

Sepaihte Lalpa chun hiti hin a tii: Na lampi teu chuh guntak in ngaihtuoh un.

HAGGAI 1:10

Zieziekchun, van in dâitui kie ding a hun khak sak a, lei chun le a gah a hun hen sak na hiu hi.

HAGGAI 2:17

Nasep dawk cheng chenguh susie dingin khawkhalte, muotnate, chun gielte ka hun sawl a, himahlele, kei lam na hung nga diek puou hi, Lalpa’n a tii.

DAN NIHNA 28:17

“Na sêng u leh na chângthâk mêkna haw cheng u le gausap changin um in au.

THUCHINGTE 11:24

Phal taka pie a, pung deuh deuh a um a, a hawp zak ding banga hawmzaklote chun chatgahna tuok un au.