HAGGAI 1:2 - PATHIEN LEKHABU THIENGTHO (BSI)

² Sepaihte Lalpa chun hiti hin a tii, “Zie mipite hin tuhi Ho-In sak hun ahi nai puoi,” a tiu hi ti’n.

HAGGAI 1:2 ပူးပေါင်းရင်းမြစ်များ

EZRA 4:23

Khutichun, leng Artazerzias lehkha chuh Rehum leh lehkhazik thiem Shimsai leh a lawiteu masanga a sim zawh u chun, kin takin Jerusalem a Judate kawmah a chieh u a, thagum leh thuneihna mang in a nasep u chuh a chawlhsak tau hi.

NEHEMIA 4:10

Chun, zielai chun Juda mipite chun, “Nasem te tha a chau zo ta a, ninpa lah a tam mah mah nalai ngâla, kulh chuh ka sa zawm thei ta puou hi,” a hung tiu a.

THUGENPA 11:4

Huih nun haih leh khawphat thieng kei na ngak chun thai chîng puo’n na tin, ât le ât diek puo’n la.

THUGENPA 9:10

Na khut in sep ding a neih taphawt chuh theihtawp in sem in; na chiehna ding than achun nasep ding ahim, ngaihtuoh ding ahim hetna ahim, pilna ahim um talo ding ahi ngâl a.

KISIMNA 13:31

Himahleh Kaleb kitawnpihte chun, “Va zo thei zieng puoi tiu, amau haw chuh eihaw sangin a hât zaw ngâl u a,” a tiu a.

THUCHINGTE 29:25

Mihingte lauhna hi thâng tawbang ahi a, himahleh, Lalpa a ginna ngate vang chuh bit in au.

THUCHINGTE 22:13

Mi thadah chun, “Lampi ah sakeibaknei a um a! Ka vak dawk chun ei that ding ahi,” a ti sek hi.

HAGGAI 1:1

Persia leng Darius lal kum nihna, tha gupna, zie tha ni masapen achun Shealtiel chapa Zerubabel, Juda gam vaihawmpa leh, Jehozadak chapa thiempu lienpen Joshua kawmah thiemgau Haggai mang in Lalpa thu a hungtung a.

HAGGAI 1:3

Chun, thiemgau Haggai apat in Lalpa thu chuh a hungtung a:

2 LENGTE 12:7

Ziephet chun, leng Joash chun thiempu Jehoiada leh thiempu dangte chuh a sama, a kawm u ah, “Bangati a, Ho-In sietna haw chuh siempha lo na hiu hi? Tu a pat hin na dangka muh teu kha kawihheh ta kiu inla, Ho-In siemphatna dingin pie dawk zaw tau in,” a ti a.

THUGENPA 3:3

Suklup hun a um a, sukdam hun a um, phiet hun a um a, sakkit hun a um a,