HAGGAI 1:1 - PATHIEN LEKHABU THIENGTHO (BSI)

¹ Persia leng Darius lal kum nihna, tha gupna, zie tha ni masapen achun Shealtiel chapa Zerubabel, Juda gam vaihawmpa leh, Jehozadak chapa thiempu lienpen Joshua kawmah thiemgau Haggai mang in Lalpa thu a hungtung a.

HAGGAI 1:1 ပူးပေါင်းရင်းမြစ်များ

EZRA 2:2

Ziehaw hi Jerubabel, Jeshua, Nehemia, Seraiah, Reelai, Mordekai, Bilsan, Mispar, Bigvai, Rehum, Baanah te tawh vaikit haw chuh ahiu hi; Israel mite laka piting tam dân chuh:

EZRA 3:8

Chun, Jerusalem a Pathien Ho-In a tun kit nung uh, kum nih na, tha nih na a chun Shealtiel chapa Zerubabel leh Jozadak chapa Jeshua leh a suohpih thiempu leh Levi chi dangte leh Saltâng vaikit Jerusalem a hung tung chengcheng te chuh tawh a kipan u a; Levi chite kum sawmnih apat a chunglam chuh Lalpa in sakna a hotu dingin a guot u a.

EZRA 3:2

Khutichun, Jozadak chapa Jeshua leh a suohpih thiempute leh Shealtiel chapa Zerubabel leh a suohpih te chuh a kipan u a, Mosi dân guol takin Pathien a dingin hâlmang kithawih na maichâm a siem u a.

HAGGAI 2:10

Chuleh Darius lal kum nihna, tha kuona, ni sawmnih leh ni lina chun Lalpa thu chuh thiemgau Haggai kawmah a hung tunga.

HAGGAI 1:12

Tichun, Shealtiel chapa Zerubabel leh Jehozadak chapa thiempu lien Joshua leh Babulon apat a saltâng hung vaikit te chun Lalpa a Pathien u chuh a lau u a, Lalpa sawlchak Haggai in hih dinga thu a hilh bang chun a hih u a, a thugen chuh a zawp tau a.

NEHEMIA 7:7

Zeruba-bel, Jeshua, Nehemia, Azaria, Raamia, Nahamani, Mordekai, Bilsha, Mispereth, Bigvai, Nahum leh Baanah lawi a hung kitawn haw chuh; zie Israel mipite tam dân chuh hitibang hi ahi.

HAGGAI 1:14

Lalpa chun Shealtiel chapa, Juda gam pawpa Jerubabel lunggil leh Jehozadak chapa, thiempu lienpen Joshua leh mi, saltâng hung vaikitte lunggil chuh a chawktho a; tichun a hung u a, Sepaihte Lalpa a Pathien uh In a chun na a sem tau a;

EZRA 6:14

Chun, thiemgau Haggai leh Iddo chapa Zekaria thugen ziekin Juda upate chun In chuh lamzang tak in a sau a; Israel Pathien thupiek bangin Kura leh Daria leh Artazerzias Persia lengte thupiek dungzui in In chuh a sau a, tichun, a sazo tau a.

HAGGAI 2:20

Lalpa thu chuh zie tha ni sawmnih leh ni li ni mah chun, Haggai kawmah a hungtung kit a;

HAGGAI 2:4

Aw Jerubabel, tuhin chuh hangsan takin um in, Lalpa’n a tii. Aw Joshua, nang Jehozadak chapa, thiempu lienpen, nangle hattak in um in. Chun, nang haw zie gama mi cheng cheng te haw, hattak in um unla, sem un, na kawm u ah ka um ngâla, tih hi Sepaihte Lalpa kamsuok ahi.

NEHEMIA 12:10

Chun, Jeshua’n Jehoiakim a hinga, Joiakim in Eliashib a hinga, Eliashib in Joiada a hing a.

NEHEMIA 12:1

Chun, ziehaw hi Shealtiel chapa Zerubabel leh thiempu lien Jeshua lawi a saltâng vaikit thiempu leh Levi chite ahiu hi. Seraiah, Jeremia leh Ezra tawh

NEHEMIA 8:9

Khutichun, mipite chun dân thu chuh a zak phet un a lungthim uh a khawih mah mah a, tichun a kap tau a. Ziephet chun gam awptu Nehemia leh thiempute leh lehkhazikpa Ezra leh mipi sinsak Levi chite chun mipite kawm achun, “Tuni hi Lalpa na Pathien u a ding a ni thiengtho ahi a, kap kiu inla, thasie takin um kiu in,” a tiu a.

NEHEMIA 5:14

Zielo chule Juda gama amau haw chunga vaihawm dinga guot ka hih apat in, leng Artazerzia’n kum sawmnih vai a hawm kum apat a kum sawmthum leh kum nih vai a hawm tiengin, kum sawm le nih sung hin kei leh ka suohpih te hin gamsung vaihawmpa chanvo chângthâk himhim ka ne kha puou hi.

EZRA 4:24

Khutichun, Jerusalem a Pathien in a sak u chuh a chawlhsak tau a; Persia leng Daria vaihawm kum nih na tiengin nasep chuh a châwl tai.

EZRA 4:2

Jerubabel leh inkuon lawiupate kieng ah a hung u a, a kawm u ah, “Hun sak pih ung kau, kei un le nang haw bangin na Pathien u chuh ka hawl ngâl u a; Asuria lengpa Esar-haddon vaihawm laia kipat khan a kieng ah ka kithawi sek u a, ama’n ei pui tung tai,” a tiu a.

EZRA 2:63

Chun, Tarshath chun a kawm u ah, “Urim leh Thumim kibelh a thiempu a hung dindawk masang sieh thil thiengtho chuh ne thei puo’n lau,” a ti a.

EZRA 1:8

Ziehaw nasan chuh Persia leng Kura chun sumkawlpa Mithredath a lâkdawk saka, Juda leng Shesbazar âng a chun a sim a.

1 KHANGTHUBU 3:19

Pedai chapa chapate chu, Zerubabel leh Shimei ahiu a, Zerubabel chapate chu Meshullam leh Hanania ahiu a; chanu Shelomith a nei hi.

1 KHANGTHUBU 3:17

Babulon sala puih a um, leng Jehoiakin chapa sagihte chu: Shealtiel te,

2 LENGTE 14:25

Israel gam chengcheng, mâllam panga Hamath lutna apat a, simlam pang, Tuipi Thi tiengin a la kit vek a. Zie chu Lalpa, Israel Pathien in, a suokpa, Amittai chapa thiemgau Jona, Gath-hepher mi manga a thutiem kha ahi.

1 LENGTE 14:18

Chun, Lalpa’n a suok thiemgau Ahijah manga a na gen tâk sa mah bang khan Israel te chengcheng chun a vui u a, a sun tau a.

LUKE 3:27

Zie pa chuh Joanan cha ahi a, zie pa chuh Rhesa cha ahi a, zie pa chuh Zerubabel cha ahi a; zie pa Shealtiel cha ahi a, zie pa chuh Neri cha ahi.

PAWTDAWKNA 4:13

Himahleh Mosi chun, “Hilo e, Lalpa, mi dang sawl zaw dingin ka hun ngên hi,” a ti a.

1 LENGTE 10:15

Zie ban achun sumkawlvei mite, gimlima sumkawlveite leh Arabia gama leng haw chengcheng leh gam vaihawm tute a nei hi.

EZRA 5:1

Zie hun lai chun thiemgau Haggai leh Iddo chapa Zekaria chun Juda gam leh Jerusalem a um Judate kawmah Israel Pathien min in thu a gen u a.

EZRA 5:3

Ziephet chun, Luigal langkhat a vaihawm Tatenai leh Shetharbozenai leh a lawiteu chuh a kawm u ah a chieh u a; a kawm u ah hiti hin a gen u a, “Zie In sakit ding leh zie kulh sazo ding hin kuo a thu hun pie?” a tiu a.

EZRA 10:18

Khutichun, thiempute lak achun le nam dang numei kichên pih muhdawk in a um a, ziete chuh: Jeshua chapate, Jozadak chapate leh a suohpih teu, Maaseiah, Eliezer, Jarib leh Gedalia te ahiu ui.

HAGGAI 1:2

Sepaihte Lalpa chun hiti hin a tii, “Zie mipite hin tuhi Ho-In sak hun ahi nai puoi,” a tiu hi ti’n.

HAGGAI 1:3

Chun, thiemgau Haggai apat in Lalpa thu chuh a hungtung a:

HAGGAI 2:21

Juda chunga vaihawmpa Zerubabel kawma chun hiti bang hin gen ah: “Lei leh van sulîng ding ka hi a; lalgam te, lalchutphahte chuh paih tha’ng ka ting, namte thilhih theihna chuh sumangthai ding ka hi.

MALAKI 1:8

Kithawihna dinga gancha mitdûk ahim, a damlo ahim, a kêngbâi ahim na hun lat u hi a diklo hilo maw? Na gam vaipawpau le pie tiem u a hun kipahpih in nanguh a hun na deihchuom na dem?” Bangkim hihthei Lalpa chun a tii.

HAGGAI 1:15

Zie chuh leng Darius vaihawm kum nihna, a tha gupna, zie tha ni sawmnih leh ni lina chuh ahi.

ZEKARIA 1:1

Leng Daria vaihawm, kum nihna, tha gietna achun Iddo chapa Berekiah chapa thiemgau Zekaria kawm achun Lalpa’n zie thu hi a pie a:

ZEKARIA 3:1

Chun, thiempu lien Joshua, Lalpa vânsâwlchâk maa ding leh, amah hêk dinga Setan, a changlam panga ding chuh ei etsak a.