EZRA 4:2 - PATHIEN LEKHABU THIENGTHO (BSI)

² Jerubabel leh inkuon lawiupate kieng ah a hung u a, a kawm u ah, “Hun sak pih ung kau, kei un le nang haw bangin na Pathien u chuh ka hawl ngâl u a; Asuria lengpa Esar-haddon vaihawm laia kipat khan a kieng ah ka kithawi sek u a, ama’n ei pui tung tai,” a tiu a.

EZRA 4:2 ပူးပေါင်းရင်းမြစ်များ

2 LENGTE 19:37

Chun, a pathien Nisrok In a amah a ho lai chun, a chapate nih, Adrammelek leh Sharezer te chun a chemzâm un a that u a: tichun, Armanea gam achun a tai lut tau a. Chun, a chapa Esarhaddon chun a thasang in vai a hawm tai.

2 LENGTE 17:24

Chun, Asuria leng in, Babulon khuo a mite, Kuthah mite, Ava mite, Hamath mite, Sepharvaim mite a puidawk a, Samari gam khuo haw a, Israel chate umna mun haw chu a luoh sak a, tichun, Samari gam chu a luoh u a, a khuo haw achun a um tau a.

2 TIMOTHE 3:8

Janne leh Jambre te’n, Mosi a dodal bang u khan, ziete chun le thutak a dodal sek uh a; lungthim siesa, taksanna lam achun Pathien deih loh lam mi ahiu hi.

GALATI 2:4

Mi khenkhat in pawngbawl a tan sak vang a nuom nau hi. Zie tawbang mite chuh, suohpih lêm, Krista Isu tawh I kipumkhatna zal u a, I zalennau hih entha dinga, I lak uh a a gûka hung kithawlh lutte chuh ahiu hi. Ziete chun, suok a mat ei nuom zing u a,

HOSEA 14:3

Asuria te chun ei hukdam thei ta puou a, kidona sakawlte chun le ei hukbit thei diek puoi. Ka khutsuok teu kawm achun, ‘Ka pathien uh na hiu,’ ti kit ngêi ta puo’ng kau. Nauchagahte chun nang ah zahngaihna a mu sek ngâl u a,” ti’n.

ISAI 37:37

Khutichun, Asuria leng Senacherib chuh a pawt a, a In lam ah a vaikit ta a, Ninevi khuo achun a um zing ta a.

SAM LEHKHABU THE PSALMS 73:8

A nuihsan u a, gilo tak in nuoisiehna thu a gen u a: Kiletsak takin a pau sek u a.

EZRA 3:12

Thiempu leh Levi chite leh inkuon lawiupa tamtak, Ho-In masa a na mu teksie te chuh, zie suongphum chuh a muh un ngeih tak in a kiko u a.

EZRA 3:2

Khutichun, Jozadak chapa Jeshua leh a suohpih thiempute leh Shealtiel chapa Zerubabel leh a suohpih te chuh a kipan u a, Mosi dân guol takin Pathien a dingin hâlmang kithawih na maichâm a siem u a.

EZRA 2:2

Ziehaw hi Jerubabel, Jeshua, Nehemia, Seraiah, Reelai, Mordekai, Bilsan, Mispar, Bigvai, Rehum, Baanah te tawh vaikit haw chuh ahiu hi; Israel mite laka piting tam dân chuh:

EZRA 1:5

Khutichun, Juda leh Benjamin inkuon a papen leh thiempute, Levi te leh Pathien Thagau in a lungthim uh a chawhtho chengcheng chuh a kipan u a; Jerusalem a Lalpa In sa dingin a kipan tau a.

2 LENGTE 17:41

Khutichun, zie mite chun Lalpa a ho u a, amau haw milim pathiente le a ho kawp zing u a, tuni chan gei hin, a suonteu chun, zie guol chun a hih zing tau hi.

THILSIEMBUL 10:11

Zie gam apat chun a pawt a, Asuria gam ah a lut a, Ninevi, Rehoboth-Ir leh Kalah khuo te chuh a siem a,

NEHEMIA 9:32

“Zieziekchun, ka Pathien uh lopi, bangkim hihthei leh lauh um, a thugawlh hezing leh zahngaihna a dim chun ka chung u leh ka leng teu leh ka milien teu, ka thiemputeu, ka thiemgau teu leh ka pileputeu leh, na mite chengcheng chunga Asuria lengte vaihawm lai apat a tuni tienga gimtheihna hung tung haw hi thil neu thêm in ngai ki’n.

ISAI 37:38

Chun, a pathien, Nisrok a ho lai chun, a chapa Adramalek leh Sharezer te chun chemzâm in a sat lum u a, tichun, Ararat gam achun a taimang tau a. Tichun, a chapa, Esar-haddon chun, a thasang in vai a hawm ta a.