EPHESI 5:3 - PATHIEN LEKHABU THIENGTHO (BSI)

³ Himahlele, nanguh Pathien mipite na hi tau a, zieziekchun, kideihchak leh buokna chengcheng, huoihamna tawh, na laku ah gen le kigen puok kihe’n.

EPHESI 5:3 ပူးပေါင်းရင်းမြစ်များ

KOLOSSA 3:5

Khutichun, na sapum kahawu, leia um haw hi sulum un: kideihchakna haw buokna haw, hûkna haw, gitloh lungveina haw, huoihamna haw, (huoihamna chuh milim hona ahi ngâl a);

EPHESI 5:5

Mi deihchak nuom leh, buok leh huoiham himhim chun, (mi huoiham chuh milim ho mi ahi tihna ahi) Krista leh Pathien gam achun chan neilo ahiu hi tih na he ngâl u a.

1 THESSALONIKA 4:3

Pathien deihlam, na thienthona dinguh chuh ziehi ahi: kideihchakna haihsan un la;

1 KORINTH 6:18

Hûk a kideihchaknate hi haihsan un. Mihiem in gitlohna dang a hihte chuh a taksa pawlam ahi; himahleh, mi deihchakna nuomte vang chun amah sapum chungah thil gilo a hih ahi.

1 THESSALONIKA 4:7

Pathien in a buok dingin ei sam puoh a, thiengtho taka hing dingin ei sam zaw ahi.

1 KORINTH 6:13

Nek ding haw chuh gilpi a ding ahi a, gilpi chuh nek ding haw a ahi kit hi; himahlele, Pathien in sumang gêl gêl ding ahi. Sapum hi kipawl thanghuoina a mat ding ahi puoh a, Lalpa nasepna dinga mat ding ahi zawi; taksa a ding chule Lalpa piek ahi ngâl a.

EPHESI 5:12

(A gûka a thilhih sekteu chuh a gen le zahchâk a um sek ngâla a.)

MATTHAI 15:19

Lunggil a hin ngaihtuoh na gilo haw, tuolthahna haw, zawlsaihna haw, kideihchakna haw, gukchakna haw, kiheksietna haw, kigensietnahaw a hung pawt sek ngâl a.

THUPHUON 2:21

Chun, lungheina dingin a kawmah hun ka tiem sak a. himahlele, a mi deihchak nawp chuh a haihsan nuom diek puoi.

1 KORINTH 10:8

A lak uh a khenkhat te’n, nungak a deihchau a, ni khata sing nih leh sang thum in a thih lawh guol u khan, kideihcha puoi tiu.

THUPHUON 22:15

Himahlele, khawpi pawlam achun, uichate, dawithiemte, kideihchak nuomte, tuolthatte, milim hote leh, a thu leh a thilhih uh a lepchiehte um un au.

THUPHUON 21:8

Himahlele, mi dawilawkte, gingchalote, kihdakumte, tuolthat te, mideihchak nuomte dawithiem te, milim hote, leh lepchieh chengcheng te chan ding chuh, mei leh kât a kâng dîl achun um ina; zie chuh thih nihna chuh ahi,” a ti a.

THUPHUON 2:14

Himahlele, neukhat demna ka hun nei hi, na lak uh a Balaam sinsakna zui, mi khenkhat na umpih ziekun, amau chun, Israel chate chuh milim hona sa a nekna dingun leh, kideihchakna thanghuoia gilo dinga a puih theihna dingin, Balak chuh a sinsak sek uh a.

1 KORINTH 5:1

Na laku ah, kipawlthanghuoina a um hi tih a kithang vengvung a; khutibang kipawlna chuh Jentel te laka le um khalo, na lak uh a mi khatin a pa zi a kuolpih khah.

EZEKIEL 33:31

Chun, ahawn in na kawmah hung intin un, ka mite bang mai in na ma ah chu’n tin un, na thu chuh ngaitha’n tin un, ahihziekin hih taktak diek puo’n au: a kam un hehpihna nasatak nei guolin kilang intin un, ahihziekin, a lunggil un amau lawkna ding chauh delh zaw chiet in au.

PAWTDAWKNA 20:17

“Na vengte In na awhchâk ding ahi puoh a, na vengte zi na awhchâk ding ahi puoi, a suokpa ahim, a suoknu ahim, a bâwngchal ahim, a sabiltung ahim, na vengte a himhim chuh na awhchâk ding ahi puoi,” ti’n.

THUPHUON 9:21

A tuolthah uh leh, a dawi mat uh leh, a kideihchak uh leh a gukchaknateu chule a haihsan diek puou hi.

2 PETER 2:3

Chun, sumduh ziekin, lepchieh thu’n sumkawlveina’n hun mang un tin; himahlele, masang apat a a chungthuu tanna ding chuh guot zawhsa ahi ta a, amau haw hihsie ding pa chu le a ipmu diek puoi!

HEBRAI 12:16

Chun, na lak uh ah, hûka kideihchakna ahim, Esau banga lunggil thanghuoi leh, Pathien zahlo a, a cha upa hihna an khatvei nêk a khawng tawbang hin um hiel kiu in.

2 KORINTH 12:21

Na kawm u a ka hungkit phat leh, ka Pathien in, na laku a, ei hih muolpho in, tuma sanga thil hihkhielte laka thil buok, kideihchak leh hûkna te leh kipawlna thanghuoi taka gilo a kisiklote ziek chun, kap gêt kha’ng ka tih ka lau hi.

TITA 2:3

Nupite’n le Pathien thu chuh gensieta a um lohna’n, numei thiengtho taka hingte guola um dingin tîl ah. Mi hêk hat leh, uain hehte hilo ding ahiu.

2 TIMOTHE 3:2

Mi, amah kihehpihte, dangkasum ngailulte, mi kilekte, mi kiletsakte, Pathien gensiete, nulepa thu ngailote, kipahna zie helote, Pathien ngaihsak lote,

NASEPTE 15:20

Milim hona, thil buok nek bang, kideihchak bang, sa heklup nek bang, sa thisan nek bang haihna dingin, a kawm u a lehkha thâk zaw leuhing ka tih ahi.

PAWTDAWKNA 18:21

Zie mai chuh hilo in, mipi laka mi mattâk deuh deuh Pathien kihcha mi haw, mi thudik haw, lawkna diklo deihlo mihaw teldawk inla: khutibang mihaw chuh sangkhat chunga lawiupa ding, sawmnga chunga lawiupa ding, sawm chunga lawiupa ding guot in.

2 PETER 2:14

Mit a zawlsai a dim leh, gitloh haihsan theih loh bang a nei uh a; lung det lote a zawl thau a; awhchâkna nei ding him a sinsak a umte ahiu hi. hansie thuok chate ahiu hi!

2 PETER 2:10

Taksa lama utchakna thanghuoi hihte leh, vaihawm sakna musitte vang chuh, Vaihawm Ni a dingin gawt kawma sit dân a he zawsem hi. Zie tawbang sinsaktu diklote chuh, ngawl hân leh amah kiletsakte ahiu a, chunglam lopina changte nasan le zahchâk lo in, a gensie zaw sek ui.

1 PETER 5:2

Na lak uh a Pathien belam hawn um chuh enkawl un; hih ding mawng a hih ziek hilo in, Pathien phasak lam dungzuia ut kawm zaw’n, lepna diklo deih ziek le hi diek lo in, sep utna lunggil nei kawm takin,

TITA 1:11

Ziehaw kam chuh hup sak ding ahi, lepna diklo deih ziekin, thu sinsak loh ding pi sinsak in, mi a inkuon kuon un a chawk chavai sek ngâl u a.

TITA 1:7

Sapchuom lamkai chuh Pathien nasep enkawl pên a hih ziekin dem umlo a hih ding ahi. Amah kithusak, lungna vak, zungawlvei nuom, mivelh nuom, lepna diklo a huoiham mi hi lo ding ahi.

1 TIMOTHE 3:3

zungawl vei lo, thagumsuoh chîng lo, mi nunnem leh kinakpih ding hawl lo; dangka sum ngailul lo;

1 TIMOTHE 2:10

Numei Pathien khawksak kitite chuh, nasep phatin kizêm leu ka nuom hi.

PHILIPPI 1:27

Bang hilele, na nunlekhan u chuh Krista Chanchin Pha tawh kimeh sak phawt un, khutichun, nangmau haw hung veh in na kawm u ah um kimahlengle, thagau munkhata ding det in lungthim munkhata Chanchin Pha taksanna lama pangkhawm in ei dote bang lam hileh lau lo in na um ui tih na chanchin uh he thei ing ka.

ROME 16:2

Pathien mite hih ding bang taka, amahnu hi Lalpa min a na pawm ding leh, panpih a ngaihna chenga le na panpih dingin tawh; a ziek chuh, amahnu hi, mi tamtak dingin leh keimah a ding ngêi ale guolpha ahih ziekin.

ROME 6:13

Na sapum bâkkaiteu le diktatlohna hiem mata dingin gitlohna kawmah pie phal diek kiu in. Zieziekchun, mithi lak apat a hing kit guolin, Pathien kawmah kipieu inla, na sapum bâkkaiteu chule diktatna hiem mat dingin Pathien kawmah pie phal zawu in.

ROME 1:29

Khutichun, diktatlohna chengcheng te, gitlohna chengcheng te, huoihamna chengcheng te leh hâmdâwkna chengcheng te bangin a hung dim tau a; kimitthipna te, tuolthahna te,

NASEPTE 20:33

Kuomah dangka le, sana le, silhlechen le ka awtcha ngei puoh kha.

LUKE 16:14

Chun, Pharisaite’n zie thu haw chuh a zak phet un, dangka ngailul a hih ziekun, Isu a nuihsan u a.

MIKA 2:2

Mi lo haw a awtchau a, a lâksak u a: In haw a awtchau a, a la mang zieng u a, mi leh a In teu leh, a go luoh ding teu natieng in a sugimthei uh ahi.

JEREMIA 22:17

Himahlele, na huoihamna te, mi dik thisan suohna dingin leh bawl sietna leh pawngbawlna ding mai in, na mit leh na lunggil na mang zo ahi.

JEREMIA 8:10

Zieziekchun, a ziteu chuh midang kawmah pie’ng ka ting, a lo hawu chule a hun luoh zo dingte khuta pie ding ka hi. A lienpen apat a a neupen tiengin mitin chuh awhchâk na’n a dim u a, thiemgaute leh thiempute tieng in mitin in lepchieh in na a sem ui.

JEREMIA 6:13

A neupen apat a lienpen tieng in mitin chuh lawkna diklo in a huoiham u a; thiemgaute leh thiempute nasan chule, mitin in diklo takin a hih tau hi.

THUCHINGTE 28:16

Vaihawmpa hetna tasam chuh mi sugimthei gilo tak a hi a, diktat lohna haw mi vang chuh damsawt in a.

SAM LEHKHABU THE PSALMS 119:36

Na thu hetsak lama chun ka lunggil hi thet sak inla; Zie achun ka kipâk ngâl a.

SAM LEHKHABU THE PSALMS 10:3

Migilosalo chun a lungthim deihlam u chuh a kisuonpih u a, Mi duh-âm chun hansie kilawh ding chauh in Lalpa chuh a paih tha a, a musit sek.

1 SAMUEL 8:3

Himahlele a chapate’n vang a umdan a la puou a, sumlepai lam a delh u a, gawlhgukna haw a lau a, diklo takin vai a hâwm u a.

JOSHUA 7:21

Gâllâk laka van Babulon gam puon phatak leh, dangka sekel zanih leh, sana tang sekel sawmnga bûk ka mu a, ka deih bêka ka na la ta mai hi; ngaitie, ka puon-In sunga lei a selguk ahi a, a nuoi ah dangka chuh a um hi,” a ti a.

KISIMNA 25:1

Israel te Shittim a a umsung u chun Moab haw chanute chuh a kuolpih tau a:

PAWTDAWKNA 23:13

“Tichun na kawm u a ka gen chengcheng hi khawksau inla; pathien danghaw min himhim suoh kiu inla, na kam u apat in zak le kiza kihen la, a kawm u ale na paucham loh ding uh ahi.

1 TIMOTHE 6:10

Dangka sum ngaihnat hi gitloh tincheng bul ahi ngâl a; ziehaw chuh a bangin a awtchau a, taksanna chuh a kiheimangsan u a, amau leh amau lungkhamna tamtakin a kisun khum zaw sek ui.

LUKE 12:15

Chun, a bawn u a kawm achun, “Chingthei unla, awhchâkna himhim laka chun kivengphau un; sum hauh hi mihiemte hin lawh pên ahi puoh ngâl a,” a ti a.

THIEMPUDANTE 15:18

Numei a kuolpih lele, a nih u a, a kisil dinguh ahi a, nitâk lam tienga thiengloa um ding ahiu.