EPHESI 5:2 - PATHIEN LEKHABU THIENGTHO (BSI)

² Chun, Krista’n, a hun hehpih a, gimlim a dingin, Pathien kawma thillat leh kithawihna a I sik uh a a kipiek guol khan, hehpihna ah um un.

EPHESI 5:2 ပူးပေါင်းရင်းမြစ်များ

JOHAN 13:34

“Thutiem Thak ka nun piek na hiu hi, kihehpih unla; ken nanguh ka hun hehpih guol hin, nang haw le kihehpih tuoh chiet un.

GALATI 2:20

Krista kawmah khetdên in ka um ta a, himahlele, ka hing hi, himahleh, keimah vang ka hi ta puoh a; Krista chuh keimah ah a hing zaw tai. Zie hinna, tu a ka hinna mawng hi, Pathien Chapa, ei lungsiet a keia dinga A hinna piepa taksanna mah achun ka hing ta ngâla.

KOLOSSA 3:14

Chun, ziehaw chengcheng chung achun hehpihna behlap un, zie chuh thil chengcheng kankhawmna bukim chuh a hi ngâla.

2 KORINTH 2:15

Hukdam a um laite ding chun, Pathien kawma Krista gimlim lat tawbang I hiu a, mangthai a um te ding chun, thihna gu gim I na hiu a.

TITA 2:14

Amah chuh sukkhelhna chengcheng lak apat ei hukdawk ding leh, amah a mai hi a, a mi thiengthote I hih theihna dingun leh, thilpha hih a phachuom ngai dingin I sik un a hung kipie ta a.

1 KORINTH 16:14

Na hih takphawt u chuh, lungsietna zieka hih hi zel hen.

MATTHAI 20:28

Mihiem Chapa hi zen a um dinga hung ahi puoh a, mi zen ding leh, mi tamtak tatna dinga a hinna pie dinga hung a hih guol hin,” a ti a.

1 PETER 4:8

Bang cheng sangin, gunchuh takin kihehpih tuoh chiet unla, hehpihna’n gitloh tamtak a melhkhuh thei ngâl a.

2 KORINTH 8:9

I Lalpau Isu Krista hehpihna chuh, a chatgahna zieka na hung neih zawh theihna dingun, neizo mahlele, nang haw zieka, a hung chatgah tâk khah na he ngâl u a.

1 JOHAN 3:16

Zie ahin hehpihna chuh bang a hih I heu hi; Krista chun ei uh dinga a hinna a piek tâk ziekin: ei un le suohpihte dingin I hinnau I piek thuk dinguh ahi.

THILSIEMBUL 8:21

Chun, Lalpa’n zie gimlim chuh a he a; Lalpa chun a lunggil in, “Lei hi mihiem ziekin hansie lawh kit ta puo’ng ka, mihiem lunggil ngaihtuohna haw chuh a naupan lai apat in a gilo ngâl a; tu a ka gawt bang hin thilhing tincheng le gawt kit ta puo’ng ka,

THUPHUON 1:5

Isu Krista, thu hetpih taksanum tak, mithi lak apat a kaihthawh a um masapen ding pa leh, leia lengte vaihawmpa kawm apan chun A lungsietna leh chamna na kawm u ah um hen. Ama’n ei hehpih a, a thisan in I gitlohnau apat ei tandawk a,

HEBRAI 9:26

Khuti hi kileh, khawvel kisiem a thak, vel tamtak a thuok ding ziekin. Himahlele, tulai hun tâwp ahin, gitloh lâkmangna dingin amah mawng kithawihna dinga hung kipie’n, khatvei a hung kilak a hi tai.

HEBRAI 9:14

Krista, kumsawt a Thagau zâla melhemlo a Pathien kawma kithawihna thisan chun, Pathien hing zenviel dingin, na sielephahetnau chuh thilhih thite lak achun a hah hihthien na mai zên ding e!

1 TIMOTHE 2:6

Mi chengcheng tatna dinga kipiepa chuh ahi.

EPHESI 4:15

hehpih a thudik tak gen in, bangakai ah amah ah khanglien thei zawi tiu, amah chuh luchang ahi ngâl a, Krista ngêi chuh.

1 JOHAN 3:23

Chun, a thupiek chuh ziehi ahi, a Chapa Isu Krista ginchak a, Krista thu ei piek banga kihehpih tuoh hih.

1 TIMOTHE 4:12

Na chapanna kuoma’n ngaidau kihen, thugen lama le, tawihzie lama le, hehpihna lama le, thagau lam ale, taksanna lama le, thienthona lama le a gingchate tatmuh hi zaw’n.

1 THESSALONIKA 4:9

Taksanna lama na unauteu hehpihna lam thu chuh na kawm u a hun zik a ngai puoi; kihehpih tuoh dingin, nangmau haw mawng, Pathien sinsak in na um ta ngâl u a.

EPHESI 4:2

Kingainiem tak leh, nunnem tak leh, thuokhat takin um zingun. Na kilungsietnau chuh, dawhtheih na’n etsak un.

EPHESI 3:17

chun, Krista chuh taksanna zieka na lunggil u a a chen theihna dingin le, ka ngên sek hi. Chun, hehpihna a zung khawh leh bul nei a um a,

GALATI 1:4

Krista chun, Pathien leh Pa deih lam taka thu zawp in, zie tulai vannuoi gilo lak apat eihaw ei hukdam dingin, amah mawng chuh I gitloh man un a kipie ta a.

THIEMPUDANTE 1:17

Chun, a tha haw chuh bawttawng intin, a sa vang chuh luoi kek lo in chun, thiempu chun maichâm a mei chunga thing achun a hâl ding ahi. Hâlmang thilpiek ahi a, mei a thilpiek Lalpa a dinga gimlim ahi.

THIEMPUDANTE 1:13

chun, a sung leh a kênghaw chuh tui in sawp intin, chun, thiempu chun sa chuh a pum in la’n intin, maichâm ah hâl intin meikhu’n zam mang ina; hâlmang thilpiek ahi a, Lalpa a dinga mei a thilpiek gimlim ahi.

THUPHUON 5:9

Chun, amau haw chun, “Nang, lehkhabu chuh laa, A tiemtehna te phel tâk na hi ie; Thah in na um ta a, Chitin a mite, namtin a mite, Pathien dingin na thisan in na chaw a,

HEBRAI 9:23

Khutibang chun, van a thil um haw tawbang mawng chun, zie tawbanga chuh sukthiena um ding him a hii. Himahleh, van thil tak takte chun vang, ziehaw sanga kithawihna phazaw a sukthien chuh a mamawh hi.

EPHESI 3:19

Ahi, a bukima het zawh sen hilo mahleh, a lungsietna na hung chan u a, Pathien lunglam bang pua na hung dim theihna dingun ka tih ahi.

ROME 8:3

Phehlevo zieka Dan chuh a hatloh a, a hih theih guol loh chuh, Pathien in amah Chapa ngêi, phehlevo gitloh bang pu’n, gitloh thawihna dingin a hun sawl a, phehlevo a gitlohna um chuh mawh a hun chansak ta a:

AMOS 5:21

Na kut hawu chuh ka kihdak a, guntak a na kikhawppi na hawu a chun le kipahna ka nei diek puoi!

THIEMPUDANTE 1:9

a sunghaw leh a kênghaw vang chuh tui in sawp untin, thiempu chun, Lalpa dinga gimlim tak, mei thillat hâlmang kithawihna dinga maichâm chunga a hâltum vek ding ahi. Zie thillat gim chuh Lalpa a dinga gimlim ahi.

EPHESI 5:25

Pasalte haw, na ziteu hehpih un, Krista’n sapchuom haw a hehpih a, a sik uh a amah a kipiek bang khan.

1 KORINTH 5:7

Na hung thientho suok kêi theihna dingun, gitlohna chawl lui chengcheng chuh ladawk vek un. Khutichun, chawl tello na hih guol mah un, chângthâk lawm thak hung hi thei un lau. I Chiehkân Kut na ding u chuh a that ta ngâl u a; Krista ngêi chuh.

ROME 4:25

Isu chuh I gitloh ziekun thah in a um a, thiem I channa dingun kaihthawh in a um ta ngâl a.

JOHAN 6:51

Kei hi, van apana chângthâk hing hung suk chuh ka hi, kuo’n le zie chângthâk hi a nek chun, kumsawt in hing zing in a, khawvel hinna dinga chângthâk ka piek ding chuh, ka phehlevo hih ahi.” a ti a.

ROME 8:37

Khen lo e! ziehaw chengcheng achun, ei hehpihpa vang chun, lopi taka zote I hiu hi.

THIEMPUDANTE 3:16

Zie chuh, thiempu’n maichâm achun hâl intin, zie chuh Lalpa dinga gimlim mei thillat chuh ahi; a thau chengcheng chuh Lalpa chanvo ahi.

PAWTDAWKNA 29:18

Chun, belamchal chuh a pum in maichâm achun an thilpiek banga na hâl ding ahi. Lalpa a ding a mei a thillat gimlim chuh ahi.

PAWTDAWKNA 29:25

Chun, zie chuh a khut u apat la’n na tin, Lalpa dinga gimlim dingin maichâm a hâlmang thillat behlapna a na hâl ding ahi; zie chuh Lalpa dinga mei a thillat ahi.

ROME 15:16

Nanguh hun hetsak kitna dingin, thu khenkhat khat chuh hangsan taka ka hun zik ahi. Jentel te chuh Pathien kawma sukthientho, Thagau thiengtho zâla amah a kipumpiek mi a hih theihna dingun, thiempu nasep guolin, Pathien Chanchin Pha chuh a kawm u ah ka gen ahi.

2 KORINTH 2:14

Himahlele, Krista gâl zawhna a ei uh ei pui zing pa leh, eimau haw manga. mun tina amah hetna gimlim hetsakpa Pathien kawm achun kipahthu um hen.

EPHESI 1:4

Hehpihna leh thiengtho leh nuolna beia amah masanga I um theihna dingun, leisiet kisiem ma pek a Krista a ei na telsa him I hi ngâl u a.

EPHESI 5:15

Khutichun, mi chinglote banga um lo in, miching te banga um zaw’n, na umdan u ah chun chingthei un.

PHILIPPI 4:18

Himahleh, thil bangkim ka nei a, ka nei tai, nei hun thilpiekteu gimlim, kithawihna deihum, Pathien pawm tâk leh kipahlam tak chuh, Epaphrodita khut apat in ka na mu ta a, ka kiningting tai.

HEBRAI 8:3

Thiempu Lien ta cheng chuh thilpiek leh kithawihna gante Pathien kawma lân dinga guot ahiu a, khutichun, ei uh Thiempu Lienpen hin le, bang ahim lat ding a ngai hi.

KISIMNA 7:21

Hâlmang thillat dingin bâwngchal tuoi khat, belamchal khat, belamno achal kum khata upa khat,

DAN NIHNA 27:6

Lalpa na Pathien u maichâm chuh suong sek loh a na siem dinguh ahi; zie chun Lalpa na Pathien dingun hâltum thilpiek haw pie’n na tin un;