EPHESI 4:9 - PATHIEN LEKHABU THIENGTHO (BSI)

⁹ Tichun, “A va kal” kiti hi bang tihna ahi leh? Zie umzie chuh, a lei mun niem pên ah a hung kum suk a.

EPHESI 4:9 ပူးပေါင်းရင်းမြစ်များ

JOHAN 3:13

Van apana hung suk Mihiem Chapa ngâllo kuomah van ah a kal ngei puou hi,” a ti a.

MATTHAI 12:40

Jona chuh ni thum leh zan thum ngapi gil sunga a um guol khan, Mihiem Chapa hi ni thum leh zan thum leilung sung ah um ding ahi.

JOHAN 6:33

Pathien chângthâk piek chuh, van apana hung suk, vannuoi leisiet kawma hinna piepa hi ahi,” a ti a.

THUCHINGTE 30:4

Kuo a van a kal a hung kum kit chuh? Kuo a khutpêk a huih simkhawm thei chuh? Kuo a puo’n a tui chu’n thei? Kuo a lei ning li gamgi phutdet? Amah chuh kuo ahi? A chapa min na he kha?

SAM LEHKHABU THE PSALMS 63:9

Ka hinna sukmang guo a hawlte haw vang chu Lei mun nuoinung haw a chun lut un au.

HEBRAI 2:9

Himahlele, Isu chuh, Pathien hehpihna zieka mitin a dinga thi a hih theihna dingin, chawmkhat sung maia dingin vânsâwlchâkte sanga nuoinung zaw deuha siem in I muu hi. Tuhin vang chuh, thihna thuokna zieka lopina leh limbawlna lallukhuk chuh khuk saka um in I mu zaw tau ahi.

JOHAN 20:17

Isu’n a kawmah, “Ei tu kih, tu tieng hin le ka Pa kawma kal to nailo ka hi. Himahlele, ka suohpihte kawmah va chieh inla, a kawm u ah, ‘Ka Pa, na Pau, ka Pathien leh na Pathien uh kawma kal to ding ka hi,’ a tii, va tih,” a ti a.

SAM LEHKHABU THE PSALMS 8:5

Amah chuh Pathien sanga nuoi deuh phetin na siem a, Lopina leh chawih-atna na khuksak a.

THILSIEMBUL 11:5

Chun, Lalpa chuh mihiem chate’n khawpi leh insang a sak u chuh en dingin a hungsuk a,

HEBRAI 2:7

Amah chuh vânsâwlchâkte sanga neukhata nuoinung in na siem a; Lopina leh limbawlna lallukhuk na khuk sak a, Na khutsuok chunghaw achun lawiupa’n na siem kit a;

JOHAN 8:14

Isu’n a kawm u ah, “Keimah thu hetsak hi leng le, ka thu hetsak a dik ahi; ken ka hung kipatna leh, ka chiehna ding chin le ka hêi. Nang haw vangin, ka hung kipatna leh, khawia chieh ding ka hih na he ngâl puou a.

JOHAN 6:62

Mihiem Chapa hi, tuma a a umna ngeia kal to na muh u chun bang na lawh ta ding u leh?

JOHAN 6:58

Ziehi van apana chângthâk hung suk chuh ahi, na puteu na pateu in chângthâk a nek u a, a thih sek guol u khah ei puoi; kuole, zie chângthâk ne hi chuh kumkhuo’n hing zing ina,” a ti a.

JOHAN 6:51

Kei hi, van apana chângthâk hing hung suk chuh ka hi, kuo’n le zie chângthâk hi a nek chun, kumsawt in hing zing in a, khawvel hinna dinga chângthâk ka piek ding chuh, ka phehlevo hih ahi.” a ti a.

JOHAN 6:41

Chun, “Van apat a chângthâk hung suk chuh ka hi,” a tih ziekin, Judate chuh a chungah a phunchiek u a.

JOHAN 6:38

Kei deih bang hih dinga van apat a hung suk ka hi puoh a, ei sawl pa deih bang hih dinga hung suk ka hi zawi.

ISAI 44:23

Aw vante haw, kipâk takin la sau in, Lalpa’n zie chuh a hih ta ngâl a, Lei mun niem pente haw hung kiko dawk un, tângte leh gammâng thingte haw, la sa dawk un: Lalpa chun Jakob te a tandawk ta a, Israel te haw achun kisulopi ding ahi ngâl a!

SAM LEHKHABU THE PSALMS 139:15

A gûka siem a ka um a, Lei mun nuoinung pena kilawm taka siem a ka um lai khan, Ka guh le chângte hi nang apat in sel in a um puoi.

PAWTDAWKNA 19:20

Tichun Lalpa chuh Sinai tâng, tângsip achun a hungsuk a; chun, Lalpa chun Mosi chuh tângsip achun a sam to a; tichun Mosi chuh a va chieh to a.

EZEKIEL 31:14

Tuia vak thing himhim, a san ziek u a, a ki-uon takloh u a, a zikuh thing tin chunga leng lo a, tui dawna hing thing himhim in zie chan chan chuh a phâk tâk lohna dingin: lei mun nuoinung pên a, Sheol a kum suk mihing chate laka chieh dinga, a bawn u a thi dinga guot ahi vek ngâl u a.