EPHESI 4:2 - PATHIEN LEKHABU THIENGTHO (BSI)

² Kingainiem tak leh, nunnem tak leh, thuokhat takin um zingun. Na kilungsietnau chuh, dawhtheih na’n etsak un.

EPHESI 4:2 ပူးပေါင်းရင်းမြစ်များ

1 KORINTH 13:7

Bangakai a thuok hâm hâm sek a, bangakaia gingcha a, bangakai a kinema, bangakai a thuokmuolsuoh sek.

ROME 15:1

Khutichun, ei uh hatlaite hin, eimau mai kisulungkim lo in, taksanna a zawngkhalte chuh I thuokpih zawk dinguh ahi.

MATTHAI 11:29

Ka namkawl puou unla, ka kawmah sin un; lungchuol leh lunggil a kingainiem tak ka hi hi; tichun na thagau u a dingin chawlhna mu’n lau.

1 TIMOTHE 6:11

Himahlele, nang, Pathien mi, zie thil haw chuh taihsan inla, diktatna le, Pathien khawksakna le, taksanna le, hehpihna le, thuokhatna le, kingaihniemnate haw hi delh zel ah.

THUCHINGTE 3:34

Muhsit chîngte chuh a musit sek a, himahleh, kingainiemte chuh zahngaihna a pie sek hi.

KISIMNA 12:3

Mosi chuh lei chunga mihing cheng lak a mi kingainiem pên ahi a.

SAM LEHKHABU THE PSALMS 138:6

Lalpa chuh chungnung tak ahi na a, mineute le a limsak zel sek a: Himahleh, mi kisathei haw chuh gamla taka kipan in a muchien sek hi.

1 PETER 3:15

Himahlele, na lunggil u ah Krista chuh zah tak leh Lalpa banga limbawl zingin um un. Nangmau a um, na kinepnau thu hun dawp ta chuh dâwng dingin kisazosa’n um zingun,

2 TIMOTHE 2:25

Pathien thutak a het na ding u a kisikna hun lemchâng a piek khâk leh ti a amah dodilte chuh thunuoigawlh taka a hilh ding ahi.

GALATI 6:2

Na puokgik hawu chuh kidawntuoh un, khutichun, Krista Dan thu chuh zawp hi’n lau.

EPHESI 1:4

Hehpihna leh thiengtho leh nuolna beia amah masanga I um theihna dingun, leisiet kisiem ma pek a Krista a ei na telsa him I hi ngâl u a.

ZEPHANIA 2:3

Nang haw, leia mi kingainiem chengcheng, a thupiek zuite haw, Lalpa chuh hawl un! Diktatna hawl un la, a masanga chun kingainiem un Tichun, Lalpa lungnatna ni achun na suokcha kha mawh ding u!

NASEPTE 20:19

Judate’n ei phiel ziek u a, ka chunga thil dahum hungtungte thuok kawm a, kingainiem tak leh, mitthitui tamtak luong kawma, Lalpa na ka sep dante khah.

THUCHINGTE 16:19

Mi chapote tawh gâllâk sum kihawp sang chun, mi chagahte tawh lungthima kingainiem taka um chuh a phazawi.

MARK 9:19

Ziephet chun, Isu’n a kawm u ah, “Aw khangthak taksanna nei lote haw, bang chana na kawm u a ka um a, bang chana ka hun hungaih theih ding? amah chuh ka kawmah hun pui un,” a ti a.

ZEKARIA 9:9

Aw Zion chanute haw! lawp un, lawp un nang haw, Jerusalem chanute lâwpin kiko dawk un! En un, na leng chuh na kawmah a hung hi! Amah chuh guolzo leh guol chungchuong in! Kingainiem takin sabiltung chungah a chu a, sabiltungno chung ngêi achun.

ISAI 57:15

“Chungnung pên Pathien lopi, chawihsân a um, kumlekhuo a hing zing Amin Thiengtho kiti chun hiti hin a gen hi: ‘Mun sang leh Mun Thiengtho achun ka chênga, kingainiemte leh lunggil kisik vulvul te hihhalh ding leh lungthim thasie te chuh suhalh dingin.’

SAM LEHKHABU THE PSALMS 45:4

Thutak leh thunuoigawlh na leh diktat na ziekin, Na kilawmna’n kivan in lamzang tak in sakawl chunga chun chieh zel inla: Tichun na khut changlam chun thil huoisie takte hun sinsak ding ahi.

JAKOB 1:21

Zieziekchun, thienlohna thil chîn chengcheng leh, gitlohna thilhihte chuh kawih mang un la, Pathien kawma kitulut in, a thu, nang haw hun hukdam thei, na lunggil uh a tuh chuh, kingainiem takin pawm un.

THUGENPA 7:8

Thil kipatna sangin a tawpna chuh a phazaw a; Lungthima thuokhatna chuh chapona sangin a phazawi.

KOLOSSA 1:11

Chun, a lopina thilhih theihna apat a hatna tin chenga sukhat a um in, thil bang cheng chung achun thuokhat takin um thei un lau.

1 PETER 3:8

A chaihna kêi in, na bawn un lungthim munkhat in um unla, kilainat tuoh unla, suohpih bangin kihehpih unla, kilungsiet tuoh unla, nuoilut chuh in um un.