EPHESI 4:12 - PATHIEN LEKHABU THIENGTHO (BSI)

¹² Ziehaw chuh, Krista sapum siem bukimna dinga, Pathien mite kiguotkhawlna dinga piek ahi.

EPHESI 4:12 ပူးပေါင်းရင်းမြစ်များ

EPHESI 4:16

Amah thuneihna nuoi achun, taksa bâk tinte chuh suktuoh in a uma, taksa pumpi chuh kizawpmat te chun zawp in a um a, tichun, bâktinte chun a hun sep tieng u leh, taksa pumpi chuh a hung khang lien a, tichun, lungsietna’n, amah leh amah a hung kitung ding sek hi.

1 KORINTH 12:27

Zieziekchun, nang haw hi Krista sapum chuh na hiu a, a ka haw na hi chiet ui.

ROME 15:14

Chun, ka suohpihte, nanguh chung thu achun vang, nangmau mawng phatna’n na dim u a, chitna tin cheng na hau u a; hilh le na kihilhtuoh thei nau hi tih, keimah ngêi inle diktak in ka he nai.

1 KORINTH 14:26

Suohpihte, bangti’n ahi ta die leh? Pathien ho dinga na kikhawp tak u leh, mi khatin la ahim, a dangin sinsakna, a dangin Pathien apat a kilâkna, a dangin pau zatchuom in thugen leh, a dangin thu kigen hilhchetna chuh na nei chiet sek uh a. Thil chengcheng chuh, sapchuom siem phatna dinga hih hi he’n.

ROME 14:19

Zieziekchun, kichamna ding leh, kisukphatchuom tuohna ding thil haw chuh delh hitiu.

1 TIMOTHE 1:12

Nasepna dinga hatna ei piepa, Krista Isu I Lalpau kawm achun kipahthu ka gen hi. Masang in gensie pên leh a sugimthei pên leh, a bawlsie pên a na himahlengle,

1 KORINTH 14:12

Khutichun, nang haw’n le, thagau thilpiek lam na lunggulh mah mah ziekun; thil dang cheng sangin, sapchuom siem phatna dinga mat na guot chiet dinguh ahi.

HEBRAI 13:17

Na chunguh a lawiupate thu’n nung un la, a thu thuu in um un. na chungthuu gen ding a hih ziekun, chawllo in, na thagau uh a hun ven sak uh ahi ngâl a. A thuu na zawp uh chun vang, kipâk kawmin na sem un tin; khutilo a, lungkham tak kawma a gen u chun chuh, nang haw dingin khawk ding ahi ngâla.

HEBRAI 6:1

Khutichun, Krista thubul kihilhna lam chuh dâwn talo in, pitinna lam zuon hitiu; thilhih thisa apat a lungheina leh, Pathien lama taksanna,

2 KORINTH 6:3

Zie zenviela ka pannau ahin, kuoma’n diklo taka ka hih uh a muh lohna dingun, kuomah kipalpaihna ding hih ka guo puoh ngâl u a.

2 KORINTH 5:18

Ziehaw chengcheng chuh Pathien thilhih ahi a, amah chun, melma hihna apat in. Krista zalin amah tawh kicham in ei siem a; mi dangte le amah tawh kichama siemna dinga, zenvielna nasep chuh ei pie tai.

LUKE 22:32

Himahleh Simon, na taksanna a beih lohna dingin ka hun paucham sak zing hi. Khutichun, kei lama na hung kihei kit phat leh, na suohpihte suhat in,” a ti a.

2 TIMOTHE 4:5

Nang vang chuh bangakai ah pilkieu inla, haksa thuok inla, Chanchin Pha gen lam na sem inla; na zenviel nasep kha muolsuoh ah.

KOLOSSA 4:17

Chuleh, Arkippa kawma khan, “Zenvielna, Lalpa kawm apat na muh kha muolsuoh tei in,” a na tiu in.

KOLOSSA 1:28

Mi tin, Krista a chun phabukim a ka din sak theihna dingun, mi tin hilh a, mi tin, chitna tin chenga sinsak in, Krista thu ka gen sek uh ahi.

KOLOSSA 1:24

Tu a, nang u dinga ka thuokna ahin ka kipâk hi, Krista’n a sapum sika a dahum thuok bân chuh, ka sapum ahin ka thuok pih zel zawk ahi; a sapum chuh sapchuom haw hi a hi ngâl a.

EPHESI 1:23

Sapchuomte chuh Krista sapum ahiu a, Pathien bukimna mâwnga amah kisubukimpa ngêi chuh.

2 KORINTH 12:19

Tu sung cheng hin, nangmau haw kawma, keimau kithien-hawnna thu gena nei ngaih uh ka hih tuok u a. Kei hiel puou hi! Krista achun, Pathien maikawk a thugen ka hiu hi. Zieziekchun, deihtakte haw, thil ka hih takphawt u hi, nangmau-haw phatna ding ngên ahi zawi.

2 KORINTH 7:1

Khutichun, deihtakte haw, zie thutiem haw chuh I neih ziekun, phehlevo leh thagau buokna chengcheng lak apat, kisuthieng hitiu, Pathien lau kawm takin, thienthona bukim in um hitiu.

2 KORINTH 4:1

Pathien in a hehpihna zieka zie na hi ka sep dinguh a ei piek ahi a, zieziekchun, ka lungkie puou hi.

2 KORINTH 3:8

Thagau zenvielna chuh bangti pheta nasa’n a hungtung ta dem!

1 KORINTH 14:14

Pau zatchuom a ka paucham chun, ka thagau in a paucham ngêi a, ka hetna vang chuh a behlap diek puoi.

ROME 15:29

Chun, na kawm u a ka hung tieng chu leh, Krista Chanchin Pha a vangsakna bukim puo’n hung ding ka hi tih ka hêi.

ROME 15:2

Eimah invengte sukphatchuomna dingin, a phatna dingun, sukkipak guo chiet hitiu.

ROME 12:7

Sinsakna lam a hih chun, sinsak hiting un; mi hilhna lam a hih chun, mi hilh hitiu.

NASEPTE 20:28

Pathien sapchuom haw, amah thisan a a châwkte chuh vak dingin, nangmau haw leh na belam hawnteu chung achun chingthei un, Thagau Thiengtho in amau haw enkawl dinga a hun siem na hiu hi.

NASEPTE 20:24

Himahlele, kitaihsiekna lampi, ka maban muolsuoh ding leh, Pathien lungsietna Chanchin Pha phuong dinga Lalpa Isu’n nasep ding ei piek chuh sem buting phawt leng, ka hinna le thaklah takin ka ngai puoi.

NASEPTE 11:23

Amah chuh a va tun phet chun, Pathien in a mite a lungsiet zie chuh a mu a, a kipâk mah mah a, Lalpa a dinga ginum tak leh, tupna det taka um zing dingin, a bawn u chun a tîlkhoh ta a.

NASEPTE 9:31

Khutichun, Sapchuomte chuh Judai gam vel ale, Galili gam vel ale, Samari gam vel haw achun a det deuh deuh tau a, muong takin a um tau hi. Lalpa limbawl in, Thagau Thiengtho lungmuon in, a um u a, a hung pung tiltil tau hi.

NASEPTE 1:25

Juda chun amah muna chieh dingin, zie a nasepna leh sawlchak na a haihsan hi, a thasang dingin zie te nih laka hin a kuo zaw hi a na tel, kei uh nei hetsak ah,” a tiu a.

NASEPTE 1:17

Juda chuh I lak u a simtel ahi a, I nasepnau a hin chan le a nei ngâl a.”

2 TIMOTHE 4:11

Tita chuh Dalmatia gam ah a chieh nawn a, Luke mai ka kawmah a um ta a. Mark khah chiel inla, hun pui ah, amah chuh zenvielna lam achun kei dingin a phachuom ngâl a.

EPHESI 4:29

Na kam u ah thu phalo himhim pawt kihe’n, a kûl zie bang zela siem pha dingin thu pha pawt zaw hen, a ngaithate ding a lungsietna a hung hih theihna dingin.

EPHESI 4:4

Kinepna, Pathien in a hun sapna kha, khat mai a hih guolin, taksa pum leh thagau khat mai a um ngâl a.

2 KORINTH 13:9

Kei uh ka zawnkhal lai uh ale nanguh na hât u chun ka kipâk sek uh a puo. chun, na hung phatbukimna ding u le ka ngên sek ui.

1 KORINTH 12:7

Himahlele, mi chengcheng phat guol na dingin, Thagau hetsakna chuh, mi tin kawmah bang lam ahim khat a piek chiet ahi.

ROME 12:5

Khutibang mah chun, ei uh tamtak himahleu hingle, Krista achun sapum khat I hiu a; khat khata kika tuoh chiet I hiu hi.

2 KORINTH 13:11

A tawpna dingin, suohpihte, chibai! ka hun ngetna hi ngaithau unla; Pha bukim in um guou in, kituok takin um unla; thamuong takin um un. Hehpihna leh, chamna Pathien chuh na kawm u a um ding ahi.