EPHESI 3:7 - PATHIEN LEKHABU THIENGTHO (BSI)

⁷ Chanchin Pha zenviela ka panna hi, Pathien thilpiek chuom ahi a, zie chuh a thilhih theihna nasep bang zela ei piek ahi.

EPHESI 3:7 ပူးပေါင်းရင်းမြစ်များ

EPHESI 1:19

amah gingchate chunga a thilhih theihna lopi ziehaw tawh. Zie thilhih theihna, eihaw a sem pên chuh,

EPHESI 3:20

Chun, I ngetnau leh ngaihtuohnau sanga thilhih-theihna tawh eihaw laka nasem thei:

EPHESI 3:2

Nang haw phatna dingin, Pathien in a lungsietna ziekin zie nasep hi ei piek ahi tih na he tau a.

2 KORINTH 3:6

Amah mah chun thugawlh thak zenviel dingin ei butin sak a; dân lehkhathu mai hi zenviel ding hilo in, thagau lam zenviel dingin le ahi zawi. Lehkhathu mai chun a that sek a, thagau chun vang a suhing sek hi.

HEBRAI 13:21

Isu Krista zâla a mitmuh a a deihlam taphawt hih dingin thilpha tin chengah nanguh hun subukim hen. Amah kawm achun kumkhawtuong in lopina um hen. Amen.

1 THESSALONIKA 2:13

Chun, zieziek hin Pathien kawmah kipahthu ka gen zing sek uh ahi: keihaw apat a Pathien thu na zak uh, na pawm lai u khan, mihiem thu pawm in na pawm puou a, Pathien thu pawm a na pawm zawk ziekun; zie chuh a dik him ngâl a. Nanguh, a gingchate chunga sempa chuh Pathien ahi.

KOLOSSA 1:29

Zie chuh hih zo dingin, keimah a sem sek, Krista’n hatna lopitak ei piek chuh mang in ka sem hâm hâm sek a hii.

1 KORINTH 15:10

Himahlele, Pathien lungsietna vangin, ka hih hih ka hi tai; chun, a lungsietna ei piek chuh, a thawn in a um puoi. Khutih malak in, sawlchak dangte cheng sangin ka sep gim zawk bawn ahi, himahleh, keima’n ka sem puoh a, Pathien lungsietna chun keimah a a sep zawk ahi.

1 KORINTH 3:5

Apollos chuh kuo ahi leh? Paul chule kuo a hi? Nang haw, ginna lama hun pui dinga Pathien suokte ka hi chauh uh a puo! Zie chule, Lalpa’n keimau kawm chieta ei piek guol zelin ka sep uh ahi nalai hi.

ROME 15:16

Nanguh hun hetsak kitna dingin, thu khenkhat khat chuh hangsan taka ka hun zik ahi. Jentel te chuh Pathien kawma sukthientho, Thagau thiengtho zâla amah a kipumpiek mi a hih theihna dingun, thiempu nasep guolin, Pathien Chanchin Pha chuh a kawm u ah ka gen ahi.

ROME 1:5

Khutichun, namtin in a ginchak u a, thu zawp a a um theihna dingun, Pathien in Krista ziekin sawlchak hihna ei pie ahi.

EPHESI 4:16

Amah thuneihna nuoi achun, taksa bâk tinte chuh suktuoh in a uma, taksa pumpi chuh kizawpmat te chun zawp in a um a, tichun, bâktinte chun a hun sep tieng u leh, taksa pumpi chuh a hung khang lien a, tichun, lungsietna’n, amah leh amah a hung kitung ding sek hi.

EPHESI 3:8

Jentel te kawma Krista neihzawhna hawldawk zawh loh haw chanchin gen ding leh,

GALATI 2:8

Peter chuh, zektante laka Chanchin Pha gen dinga Pathien thilhih theihna a guota a um guol mah khan keile zektan lohte kawma Chanchin Pha gen dinga guota um ka hi ngâla.

2 KORINTH 4:1

Pathien in a hehpihna zieka zie na hi ka sep dinguh a ei piek ahi a, zieziekchun, ka lungkie puou hi.

ISAI 43:13

Kei hi Pathien ka hi a, nisa um a kipat khan kei hi Amah chuh ka hizing hi; Ka khut apat in kuomah a tai dawk thei puou a, kuoma’n ka thilhihte le a sang thei diek puou hi,” ti’n.

NASEPTE 9:15

Himahlele, Lalpa chun a kawmah, “Chieh mai ah, Jentel te, lengte, Israel suonte kawma ka min puok lutna dinga ka bel guot ahi a puo!

ROME 12:3

Pathien in ei piek lungsietna vang hin, na bawn u a kawmah ka gen ahi: Na lak u a kuomah, na kingaihlul ding val u a kingailul lo in, Pathien in mitin kawma taksanna kilawm a piek guol zelin, chil taka ngaihtuoh zaw dingin ka tih chiet na hiu hi.