EPHESI 2:8 - PATHIEN LEKHABU THIENGTHO (BSI)

⁸ Taksanna zieka, lungsietna a hukdam na hi tau hi; zie chule nangmau a pawt ahi puoh a, Pathien thilpiek ahi;

EPHESI 2:8 ပူးပေါင်းရင်းမြစ်များ

EPHESI 2:5

I sukkhelhna hawu zieka thi I hih nasan un le. Krista tawh thakhat in ei na suhing ta a. hehpihna ziekin hukdam na hi tau hi.

ROME 4:16

Thutiem chuh ginna a kinga ahi a, zieziekchun, thutiem chuh Abraham leh a suonte dinga thil thawnpiek a ngaih ahi a, Dan thupiek zuite mai hilo in, Abraham guola ginchakna neite chengcheng dingin le a hung hi tai. Abraham chuh I bawn chau a dingin thagau lama I pau ahung hi tai.

ROME 10:17

Khutichun, ginchakna chuh, zakna vangin a hung um sek a, chun, zakna chuh Krista thu vangin a hung um sek hi.

NASEPTE 16:31

Amau chun, “Lalpa Isu gingcha’n la, tichun, hukdam in um inla, nang leh na inkawte tawh,” a tiu a.

JOHAN 6:37

Pa’n ei piek chengcheng chuh ka kawmah hung vek un au; kuole, ka kawma hung chuh nawhdawk hiel puo’ng ka.

JOHAN 5:24

“Tihtakzet, tihtakzet a ka hilh na hiu hi, kuole, ka thu he a, ei sawlpa gingcha chun, kumkhuo tuonga hinna a nei hi. Thiemmawh changin a um puoh a, himahleh, thihna apat a pawt a, hinna ah a lut zaw tai.

JOHAN 4:10

Isu’n a dâwng a, a kawmah, “Pathien thilpiek leh dâwn ding nei pie’n ti a na kawma ngên pa hi he leh chin, nangin a kawma ngên zaw ding na hi a, tichun, ama’n hin tui hun pie zaw ding hi a,” a ti a.

LUKE 7:50

Himahlele, Isu’n numei kawm achun, “Na taksanna hin a hun hukdam ahi, lungmuong takin chieh ta’n.” a ti. a.

MARK 16:16

A gingcha a baptistma chang chuh hukdam in um intin, a gingcha lo chuh vang mawhchang in um ina.

JOHAN 3:36

Kuole, Cha gingcha chun, kumkhuo a hinna a nei a; kuole Cha gingchalo chun hinna nei puou untin, Pathien lungnatna chuh a chungu ah um zing zaw’na, a ti a.

ROME 4:5

Himahlele, na sem lo a, Pathien limsak lo te nasan thiem chansak pa gingcha zawte, taksanna chuh amah diktatna a san ahi.

EPHESI 2:10

Thilpha hih dinga Krista Isu a siem a um in, amah khutsuok I hi ngâl u a; zie thilpha bawl chuh I umna dinguh a Pathien in a guonggalh khawl ahi.

GALATI 3:22

Himahlele, Pathien Lehkhathu’n, khawvel pumpi chuh, gitloh thilhih theihna thu nuoi ah a um vek tau a; khutichun Isu Krista taksanna zieka thutiem chuh, a gingcha chengte kawma pieka um ahi, a ti ngâl a.

NASEPTE 13:39

kuole, a gingcha ta, bang chengah thiemchan sak in a um ui, ziehaw achun Mosi dân in thiemchan sak in na um thei puou hi.

GALATI 3:14

Krista’n zie chuh, Pathien in Abraham kawma vangsakna a tiem khah Krista zâla Jentel te kawma piek a hih a, taksanna zieka Pathien Thagau tiem chuh I muh theihna dingun a hih ta ngâla.

JOHAN 6:40

Chun, ziehi ka Pa deih bang ahi: kuole, Cha mu a gingcha ta’n kumsawt hinna nei a, chun, ken ni tawp ni leh hinna a ka kaih thawh ding chuh,” a ti a.

JOHAN 6:35

Isu’n a kawm u ah, “Kei hi hinna chângthâk chuh ka hi, kuole, ka kawma hung chuh a gil kiel puo’n a, kuole, ei gingcha chuh, bangtik inle a dangchâk puo’n a.

EPHESI 1:19

amah gingchate chunga a thilhih theihna lopi ziehaw tawh. Zie thilhih theihna, eihaw a sem pên chuh,

NASEPTE 14:27

Tichun, Antiokei khuo a tun nung u chun, Sapchuom mipite chuh a sam khawm u a, Pathien in amau haw manga thil a hih cheng chengte leh, Jentel te dinga taksanna kawt a hawn sak ziehaw chuh a gen u a.

JOHAN 6:65

Amah mah chun, “Zieziekchun ahi, na kawm u a, ‘Pa’n a piek a hih loh chun, kuomah ka kawmah hung thei puo’n au,’ ka tih khah,” a ti a.

KOLOSSA 2:12

Khutichun, baptist a na um un, Krista tawh vuih in na um tau a, zie baptist mah achun, thihna apat a kaithopa, Pathien thilhih theihna taksanna ziek chun, Krista tawh kaihthawh in na um tau hi.

JOHAN 6:44

Pa, ei sawl pa’n a hîp loh chun, kuomah ka kawmah hung thei puo’n au; chun, ken ni tâwp ni chuleh a hung chuh kaitho ing ka.

1 PETER 1:5

Hun nunung a lang ding ginna a hukdamna chuh mu dingin; taksanna ziekin, Pathien thilhih theihna a ven chuh na hiu hi.

PHILIPPI 1:29

Krista dinga nasep theihna ding hun lemchâng piek na hiu a, amah na ginchak mai uh hilo in. amah zieka na thuok uh le phal a hi ngâl a.

ROME 10:14

A hih leh, a ginchak loh u chuh bangti’n a a sap dinguh? A thu a zak loh u chuh bangti’n a a ginchak dinguh? Thugen um lo in bangti’n a a zak dinguh?

MATTHAI 16:17

Chun, Isu’n a kawmah, “Simon Bar Jonah, na hampha ahi; phehlevo leh thisan in a hun hetsak ahi puoh a, ka Pa van a um in a hun hetsak ahi zawi.

NASEPTE 16:14

Chun, a min Ludia, puonsandup zuoknu, Thuatira khuo a um, Pathien ho sek numei khatin ka thugenteu chuh a za a, chun, Paul thugen zawp dingin Lalpa chun a lunggil a hihvak ta a.

2 THESSALONIKA 1:9

Tichun, Lalpa apat leh, a lopina thilhih theihna apat a, khenchuom a um in, kumlekhuo a manthaina gawtna chuh thuok un au.

NASEPTE 15:11

Amau haw ginchak guol mah hin, eihaw le, Lalpa Isu lungsietna vanga hukdam hi dingin I kigingcha ngâl u a,” a ti a.

ROME 9:16

Zieziekchun, mihiemte deih ziek ahi puoh a, a thilhih ziek u le ahi diek puoh a; Pathien hehpihna ziek ahi zawi.

HEBRAI 6:4

Chun, khatvei khawvak changsa haw chun, van thilpiek chuh a tep kha tau a; Thagau Thiengtho chang ahi tau a,

MATTHAI 20:9

Khutichun, changkhat nitâk an huon phat vela a gawih te a hung phet u chun makhai a mu chiet u a.