EPHESI 2:5 - PATHIEN LEKHABU THIENGTHO (BSI)

⁵ I sukkhelhna hawu zieka thi I hih nasan un le. Krista tawh thakhat in ei na suhing ta a. hehpihna ziekin hukdam na hi tau hi.

EPHESI 2:5 ပူးပေါင်းရင်းမြစ်များ

ROME 3:24

Himahlele, Pathien thilthawnpiek hehpihna ziekin Krista Isu a um tatna zalin a thawna thiemchan sak in I um tau.

EPHESI 2:8

Taksanna zieka, lungsietna a hukdam na hi tau hi; zie chule nangmau a pawt ahi puoh a, Pathien thilpiek ahi;

ROME 5:10

Melma I hih lai u a bawn, a Chapa thihna vanga Pathien tawh na kichamsa I hih chun, kichama I um tâk nung u hin, a hinna vangin hukdam in um ngêi hitiu.

ROME 5:8

Himahlele, Pathien chun a mi hehpihna chuh pahchak takin ana latsak a, migilo I hih lai u a, Krista I sik u a a thih ziek khan.

NASEPTE 15:11

Amau haw ginchak guol mah hin, eihaw le, Lalpa Isu lungsietna vanga hukdam hi dingin I kigingcha ngâl u a,” a ti a.

EPHESI 2:1

Malai khan nang haw le, na sukkhelh u leh na gitloh ziek u a thi na hih lai u khan, a hun sukhin na hiu hi;

ROME 8:2

Krista Isu a hinna thagau dân chun, gitlohna leh thihna dân apat chuh ei pawtsak ta ngâl a.

TITA 2:11

Mi chengcheng kawma hukdamna a tun theihna dingin, Pathien in a hehpihna chuh a hun phuongdawk ta ngâl a.

EPHESI 5:14

thil khawvak a suklata um ta chuh, vak a hi sek hi. Zieziekchun ahi, “Nang ipmu, hak inla, mithi lak apat tho in; Tichun, Krista chun hun salhvak ina,” ti a gena a um khah.

ROME 4:16

Thutiem chuh ginna a kinga ahi a, zieziekchun, thutiem chuh Abraham leh a suonte dinga thil thawnpiek a ngaih ahi a, Dan thupiek zuite mai hilo in, Abraham guola ginchakna neite chengcheng dingin le a hung hi tai. Abraham chuh I bawn chau a dingin thagau lama I pau ahung hi tai.

2 KORINTH 13:14

Lalpa Isu Krista lungsietna te, Pathien hehpihna te leh, Thagau Thiengtho kivawppihna te chuh na bawn uh a chungah um hen. Amen.

TITA 3:5

ei uh ei hukdam ta a. Zie chuh eimau mawng in thil I hih phat ziekuh hilo in, himahleh, amah mawng hehpihna chun, Thagau Thiengtho a pienthakna leh hinna thak a chuh ei sil in, ei hukdam I hi tau hi.

ROME 5:6

I hât loh lai u khan, a phatcha’n Krista chuh mi gilote sik in a na thi ta ngâl a.

ROME 16:20

Khutichun, chamna Pathien chun, chawmlo kalin, Setan chuh na kêngpêk nuoi u ah hun tawh den sak pai zieng ina. I Lalpau Isu Krista lungsietna chuh na kawm u ah um hen.

JOHAN 6:63

Hinna pietu chuh Thagau ahi a, mihiem thilhih theihna chuh bangmah a kân puoi. Na kawm u a ka thugen hi Thagau ahi a, chun, hinna le ahi.

JOHAN 5:21

Pa’n mi thite a kai tho a, a hih hin sek guolin, Chapa’n le a ut ta poh a hih hing sek.

THUPHUON 22:21

Lalpa Isu lungsietna chuh, mi thiengthote kawmah um hen. Amen!

LUKE 15:24

Zie ka chapa hi a thi a, himahleh a hung hing kit ahi tai; a mang a, I muh kit uh ahi tai,’ a ti a. Tichun, kipâk takin a um pan tau hi.

KOLOSSA 2:13

Khatvei chuh, na gitlohnateu ziek leh, Jentel dân neilote na hih ziek un, thagau lama thi na hiu a. Himahlele, tuhin, Pathien in Krista tawh a hun sukhin khawm na hi tau hi. Pathien in I gitlohnateu chuh. ngaidam in,