EPHESI 2:4 - PATHIEN LEKHABU THIENGTHO (BSI)

⁴ Himahlele. Pathien chun khuotuohna a hau a, a mi hehpihna nasatak ziek khan,

EPHESI 2:4 ပူးပေါင်းရင်းမြစ်များ

1 PETER 1:3

I Lalpau Isu Krista Pathien leh Pa chuh pahchak in um hen. Amah chun a zahngaihna nasatak dungzui zelin, mithi lak apat Isu Krista thawhkitna vangin, kinepna hing mu dingin hinna thak ei pie a.

EPHESI 1:7

Krista thisan ziekin amah achun I kitatnau I nei tau a, a lungsietna hauh dungzuia I sukkhelhnau ngaihdamna chuh.

SAM LEHKHABU THE PSALMS 86:15

Himahlele, Aw Lalpa, nang chuh lainatna a dim Pathien, mi lungsiet thei, Lungnieng, chitna leh thutak a dim na hi.

ROME 5:8

Himahlele, Pathien chun a mi hehpihna chuh pahchak takin ana latsak a, migilo I hih lai u a, Krista I sik u a a thih ziek khan.

EPHESI 2:7

Khutichun, hun hungtung zel dinga le, a hehpihna lopi dân, Krista a ei lungsietna ei uh ei etsak theihna dingin, zie chuh a hih ta ngâla.

SAM LEHKHABU THE PSALMS 145:8

Lalpa chuh mi lungsiet thei lainatna a dim; Lungnem, zahngaihna nasa tak nei ahi.

ROME 10:12

Juda leh Grik mite chuh bangmah chan a lamdang chuom puoh ngâl u a. Lalpa khat chuh abawn u a chunga Lalpa ahi a; amah samte cheng chung achun phatna a hau ngâl sek a.

1 TIMOTHE 1:14

Tichun, I Lalpau chun, a zahngaihna nasatak chuh ka chunga hun sungtha’n, Krista Isu tawh kipumkhatna zieka I neih uh, taksanna leh lungsietna chuh ei pie ta a.

JEREMIA 31:3

Masanga ka kawma hung kilak Lalpa chun hiti hin a tii, A hi, lainatna tâwp lo in ka hun lainat a: zieziekchun, nanga dingin ka ginum zing hi.

SAM LEHKHABU THE PSALMS 86:5

Aw Lalpa nang chuh na pha a, na ngaidam seka, A hun sam tapoh chungah zahngaihna na hau ngâla:

2 TIMOTHE 1:9

Amah chun ei hukdam ta a, amah mipite ngêi hi dingin ei sama, I thilhih teu ziek hilo in, amah guot ngêi leh a hehpihna ziekin a hi zawi. Zie hehpihna chuh leisiet kisiem masang in Krista Isu achun ei piek uh I hiu a,

EPHESI 3:8

Jentel te kawma Krista neihzawhna hawldawk zawh loh haw chanchin gen ding leh,

ROME 9:23

A neihzawhna hauh zie etsak theihna dingin; lungnatna bel, mangthai ding guolte chunga chun, Pathien in a lungnatna leh a thilhih-theihna latsak nuom mah lele a dawh hâmhâm chun, banga khawk ding?

ROME 2:4

A hihloh leh Pathien phatna’n lungheina dingin a hun pui sek hi tih helo in, a phatna hauh zie leh, a mi khuotuoh zie leh, a dawhtheih zie haw chuh na ngaidau ahi maw?

NEHEMIA 9:17

A zui nuom puou a, a chung u a na thilmak hih haw le a he nuom diek ta puou hi. A lunggil uh sukhauh in a kiphin u a; suok a a tânnau a vaikit dingin lawiupa a kisiem tau hi. Himahleh, nang chuh ngaidam dinga kisazo zing Pathien, mi lainat thei leh lungsiet na a dim, lungchuol tak leh nunnem na a dim, amau haw hengilh lo na hi.

2 THESSALONIKA 2:13

Suohpih, Lalpa deihtakte haw, Thagau Thiengtho thilhih theihna zieka, thudik gingcha a, hukdama um dinga, a masapen a Pathien in a hun tel na hih ziekun, na chungchâng thuu ahin, Pathien kawma kipahthu gen zing ding him ka hiu ui.

LUKE 1:78

I Pathien u chuh zahngaihna hau leh nunnem tak ahi ngâl a; Zieziekchun, chunglam apan in hukdamna ni no suok in ei hun tawh ina;

JONA 4:2

Lalpa kawmah a paucham a, “Aw Lalpa, ziehi ka gam u a ka um laia ka gen kha hilo ahim? Zieziek ahih Tarshis lama taimang zieng ka hi kha! Nang hi mi lungsiet thiem leh hehpih thiem Pathien, lungna vak lo; dettaka lungsietna nei zing Pathien, thil phalo apat kisik kit thei Pathien leh mi gawt zieng lo na hi tih ka he a.

DANIEL 9:9

Zaidawhna leh ngaihdamna chuh ka Pathien u chun a nei a; a chungah a na hel ta mahleu hing le,

SAM LEHKHABU THE PSALMS 51:1

Aw Pathien, na nunnem na dungzui in nei hehpih inla: Na lainatna nasat dungzui in ka sukkhelhna haw hi nawt mang in.

PAWTDAWKNA 33:19

Chun, Lalpa chun, “Ka lopina chengcheng chuh na masangah latsak ing ka ting, ka min thiengtho chuh na masangah phuong zel ing ka; tichun ka lungsiet tak chuh lungsiet zel ing ka ting, zah ka ngaihna taphawt achun zahngai ing ka,” a ti a.

ISAI 63:7

Lalpa zahngaihna nasep chuh geldawk ing ka ting; Lalpa zaidawhna thute leh pahchakna thute gen ing ka ting; A lungsietna bang zel leh, a zaidawhna nasat zie bang zela Israel inkuon chunga a phatna nasatak a vuk thu khale gen ing ka.