EPHESI 2:3 - PATHIEN LEKHABU THIENGTHO (BSI)

³ Zie, awilo chate tawbang mah khan, eihaw le, makhan phehlevo leh lungthim nawpna lam bawl in, I phehlevo utchaknau bangin I um vek uh a. I hihnau mâwnga le lungnatak cha mi dangte tawbang mah in, Pathien lungnatna thuok dinga guotsa him I hiu hi.

EPHESI 2:3 ပူးပေါင်းရင်းမြစ်များ

TITA 3:3

Ei uh le makhan ngawl tak leh thu a nung lo leh, diklo I hiu a. Utchakna leh, nawpna tincheng suok a um I hiu a. I hinkhuou chuh mi muhdahna leh itthikna’n I mang uh a; mi dangte’n ei hawu a, ei un le mi dangte I hawt kit uh ahi.

1 PETER 1:14

Cha thunuomte bangin, na khawhet theih mau a na malai utnau banga um lo in,

EPHESI 4:22

Khutichun, malai a na umdan uh mihiem lui, a milem utna zieka sie deuh deuh kha hâwk dawk unla,

ROME 13:14

Lalpa Isu Krista chun kithuom zawu inla, na phehlevo utnau pitin dingin bangmah hih kiu.

ROME 6:12

Zieziekchun, na sapum utnateu na zawp na dingun, na sapum thi thei hawu achun gitlohna’n vaihawm kihen.

SAM LEHKHABU THE PSALMS 51:5

Ngaitie, gitlohna a hinthak in ka um a; Ka nu’n gitloh na’n nau in ei vawp a.

1 JOHAN 2:16

Khaw- vela thil um chengcheng, taksa utchakna te, mit utna te, chaponate haw hi, Pa a pawt a hi puoh a, khawvel a pawt ahi zaw ngâl a.

EPHESI 2:2

Zie hun lai khan khawvel gitlohna lampite hawh in; vanthamzawl a thuneihna leng, tu a Pathien thu awilo chate chunga vaihawmpa thagau chuh na zawp zawu hi.

JOHAN 8:44

Nang u chuh na pau Diabol chate na hiu a, na pau deih guol zuih na nuom uh ahi. A tunga kipatin tuolthat a hi a, thudik lam ah a pang ngei puoi, thudik amah a a um loh ziekin. Lepchieh thu a gen tieng leh, amah ngeina mawng hih a hi a, amah chuh lepchieh a hi a, lepchieh pa le ahi.

2 KORINTH 7:1

Khutichun, deihtakte haw, zie thutiem haw chuh I neih ziekun, phehlevo leh thagau buokna chengcheng lak apat, kisuthieng hitiu, Pathien lau kawm takin, thienthona bukim in um hitiu.

1 KORINTH 4:7

Mi dangte sanga chungnung zaw a nang hun siem kuo ahi? Na thil neih chengcheng chuh Pathien hun piek hilo ahim? Khuti a hih ziek chun, bangti dana, na neihsa chuh thilpiek hilo guola kisuonpih thei ding na him?

ROME 7:18

Keimah ah, (zie chuh ka phehlevo ah tihna ahi) thilpha him a um puoi tih ka hêi; thilpha hih nawpna chuh keimah ah a um na a, thilpha hihna vang chuh a um diek puoi.

MARK 4:19

Himahlele, khawvel thu ngaihtuohna te, neihzawhna thepna te, leh thil dang utchaknate chuh a hung lut tieng, thu chuh a dêp a, gah lo in a um sek hi.

THILSIEMBUL 6:5

Chun, Lalpa chun, lei ahin mihiem nunsiet dân chuh huoisie tak ahi tih leh, a lunggil u a gitlohna ngaihtuoh zing zing ahiu hi tih a mu a.

ROME 11:30

Ma khan nanguh Jentel te hin Pathien thu na zawp puou a; himahlele, tuhin vang, Judate thu ngaih loh ziekin Pathien hehpihna chuh na chang tau hi.

ROME 9:22

Khuotuohna bel, lopi dinga a na guonggalh khawlte chung achun;

JOHAN 1:13

Ziete haw chuh thisan hin a hi puou a, phehlevo deihlam a hin ahi puou a pasal deihlam a hin le ahi diek puou a, Pathien hin ahi zawu hi.

ISAI 53:6

I bawn un belam guolin I vakmang u a; mitin eimau lampi chiet ah I kihei tau a; himahleh, I gitlohnau chuh Lalpa’n amah chungah a nga a, I thuok sik un a thuok ta a.

JOB LEHKHABU THE BOOK OF JOB 25:4

Pathien masangah bangti’n mi a diktat thei die? Bangti’n ahim numei hinthak himhim a thientho theih ding?

JOB LEHKHABU THE BOOK OF JOB 14:4

Kuo ahi thil thienglo apat a thil thieng ladawk thei? Kuoma’n a ladawk thei puou hi.

THILSIEMBUL 8:21

Chun, Lalpa’n zie gimlim chuh a he a; Lalpa chun a lunggil in, “Lei hi mihiem ziekin hansie lawh kit ta puo’ng ka, mihiem lunggil ngaihtuohna haw chuh a naupan lai apat in a gilo ngâl a; tu a ka gawt bang hin thilhing tincheng le gawt kit ta puo’ng ka,

2 PETER 2:18

Thu manloh leh thanghuoi tak takte chuh gen in, gitloh na lak apat taidawk tungte chuh, taksa utchakna lam achun a zawl lut sek ngâl uh a.

2 PETER 2:14

Mit a zawlsai a dim leh, gitloh haihsan theih loh bang a nei uh a; lung det lote a zawl thau a; awhchâkna nei ding him a sinsak a umte ahiu hi. hansie thuok chate ahiu hi!

1 TIMOTHE 6:9

Amahvang chuh, neihzawh guote chuh thepna a puk in, ngawlna tin cheng leh utna diklo tamtak thâng a chuh âwk in, ziehaw chun sietna leh manthaina achun a puilut sek hi.

GALATI 3:22

Himahlele, Pathien Lehkhathu’n, khawvel pumpi chuh, gitloh thilhih theihna thu nuoi ah a um vek tau a; khutichun Isu Krista taksanna zieka thutiem chuh, a gingcha chengte kawma pieka um ahi, a ti ngâl a.

ROME 1:24

Zieziekchun Pathien in a sapum uh zahhuoi taka kisiem tuoh dingin leh, a lunggil utnau guola thil buok hih uh phal in a nungngat ta a.

1 JOHAN 2:8

Amahvang chuh, thupiek thak hun zik le hita veng ka ti, a ziek chuh, thudik chuh Krista leh nangmau haw a muh a a um tâk ziekin. Thimna chuh a bei ta a, chun, vak tak chuh a hung vak tâk ziekin.

NASEPTE 14:16

Amah chun, malai in, namtin, amau lampi chiet hawh a phalsak seka;

THILSIEMBUL 5:3

Chun, Adam chuh kum za leh sawmthum ahih in amah mel leh amah lim bang pu chapa a nei a; a min dingin Seth a sa a.

ROME 2:14

Dan neilo Jentel te’n a pienpih lungchang u ah Dan thupiekte a bawl u a, dân nei kimahleu, ziete chuh dân in a kineih kawm zel ui.

ROME 5:9

Khutichun, a thisana thiem chansaka I um tâk nung u hin, amah vang chun Pathien lungnatna apat chun hukdam in um ngêi hitiu.

ROME 5:10

Melma I hih lai u a bawn, a Chapa thihna vanga Pathien tawh na kichamsa I hih chun, kichama I um tâk nung u hin, a hinna vangin hukdam in um ngêi hitiu.

KOLOSSA 1:21

Malai khan nang haw le na thil gilo hihteu ziekin, Pathien apat a khenthak a um in, na lungthim u achun a melma na hiu kha.

1 THESSALONIKA 4:13

Himahlele, suohpihte, mi dang kinepna himhim neilote banga na lungkham lohna dingun, ipmute chanchin na het loh uh ka nuom puoi.

1 THESSALONIKA 5:6

Zieziekchun, mi dangte bangin ipmu puoi tiu khai! pilkieu in hak zing zawi tiu.