EPHESI 2:2 - PATHIEN LEKHABU THIENGTHO (BSI)

² Zie hun lai khan khawvel gitlohna lampite hawh in; vanthamzawl a thuneihna leng, tu a Pathien thu awilo chate chunga vaihawmpa thagau chuh na zawp zawu hi.

EPHESI 2:2 ပူးပေါင်းရင်းမြစ်များ

EPHESI 6:12

I kibuonpih hawu hih sapum leh thisan a hi puoh a; lalna haw leh, thuneihna haw, leh zie khawthim chunga vannuoi vaihawm haw leh, van mun haw a thagau phalo um haw ahi zawu hi.

1 JOHAN 5:19

Khawvel pumpi hi zie Migilo vaihawmna nuoi a chuh um hi himahleh, Pathien a I hiu hi tih I he ngâl uh a.

EPHESI 2:3

Zie, awilo chate tawbang mah khan, eihaw le, makhan phehlevo leh lungthim nawpna lam bawl in, I phehlevo utchaknau bangin I um vek uh a. I hihnau mâwnga le lungnatak cha mi dangte tawbang mah in, Pathien lungnatna thuok dinga guotsa him I hiu hi.

JOHAN 12:31

Tu’n zie khawvel hi a chung thu ngaihtuoh hun a hi ta a; zie khawvel vaihawmtu hi paihthak a um ding ahi.

EPHESI 5:6

Kuoma’n, thumanloh mai in hun thêm kiu heh. Zie thil haw ziek chun Pathien lungnatna chuh, awilo chate chungah a hungtung sek ngâl a.

JOHAN 8:44

Nang u chuh na pau Diabol chate na hiu a, na pau deih guol zuih na nuom uh ahi. A tunga kipatin tuolthat a hi a, thudik lam ah a pang ngei puoi, thudik amah a a um loh ziekin. Lepchieh thu a gen tieng leh, amah ngeina mawng hih a hi a, amah chuh lepchieh a hi a, lepchieh pa le ahi.

EPHESI 4:22

Khutichun, malai a na umdan uh mihiem lui, a milem utna zieka sie deuh deuh kha hâwk dawk unla,

1 KORINTH 6:11

Na laku a khenkhat chuh khutibang mi na hi sek u kha. Himahlele, gitlohna apat a sukthien na hi tau a; Pathien kawma lat na hiu a; Lalpa Isu Krista leh, Pathien Thagau zâla chuh, Pathien tawh kichama siem na hi tau hi.

2 KORINTH 4:4

Zie khawvel pathien hin a lungthim teu a sukdûk ziekin, a gingcha puou hi. Krista lopina, Pathien batpih ngêi, Chanchin Pha eng chun amau haw a salh theih lohna dingin a siem sek hi.

1 JOHAN 5:4

Pathien chate taphawt chun, khawvel a zo zel ngâl a, ziehi ahi, khawvel zawh a muolsuohna chuh, I taksannau hih.

1 JOHAN 3:10

Zie ahin Pathien chate leh Diabol chate a kihechien thei hi; kuole. diktatna hih lo chuh Pathien a pawt ei puoi; a suohpih hehpih lo pa chule Pathien a pawt ei diek puoi.

1 PETER 1:14

Cha thunuomte bangin, na khawhet theih mau a na malai utnau banga um lo in,

THUPHUON 20:2

Chun, dragon, gulpi têk, (zie chuh Diabol ahim, Setan ahim a hii) chuh a man a, a kân a.

1 JOHAN 4:4

Naute, Pathien a na hiu a, ziehaw chuh na zo tau hi, nangmau a Thagau um chuh, khawvel a thagau um sanga chuh a hatzawk ziekin.

1 PETER 4:3

Na hunteu chuh Jentel te nawp lam hihna’n leh, hûkna haw a le, sapum utna haw a le, uain hehna haw a le, zu mun lawpna a le, zu nekkhawmna a le, milim hona, muhdahum taka umna’n tuma cheng khah a hun tai!

KOLOSSA 1:21

Malai khan nang haw le na thil gilo hihteu ziekin, Pathien apat a khenthak a um in, na lungthim u achun a melma na hiu kha.

GALATI 1:4

Krista chun, Pathien leh Pa deih lam taka thu zawp in, zie tulai vannuoi gilo lak apat eihaw ei hukdam dingin, amah mawng chuh I gitloh man un a kipie ta a.

ROME 12:2

Zie vannuoi dân guol hin um kiu unla, Pathien deihlam, a pha leh, pawm tâk leh, phat bukim chuh na hetchil theihna dingun, na lungthim uh a thak a um in, lamdang zaw tau u.n.

JAKOB 4:4

Nanguh, mi ginumlote haw! Khawvel tawh kiguolchanna hi, Pathien melma hihna ahi tih helo na hiu hi? Zieziekchun, kuole, khawvel guol hih nuom ta chuh, Pathien melma a kisiem sek ahi.

1 KORINTH 5:10

Zie khawvel a kideihchak nuomte ahim, huoiham leh lepgute ahim, milim hote ahim, kivawppih loh hiel ding ti ka hi puoi; khuti hileh, khawvel apat na pawt dawk uh kiphamawh ding ahi ngâl a.

NASEPTE 5:3

Himahlele, Peter in, “Ananias. Thagau Thiengtho thêm ding leh, lei man abang îm dingin, bangati a Setan in na lunggil a sukdim a?

JOHAN 15:19

Nang haw khawvel mi hi leu chin, khawvel in amah mite a hehpih ding a hii; khawvel a mi na hi ngâl puou a, khawvel a um, ka teldawk na hih zawk ziekun, khawvel in a hun hawt na hiu hi.

JOHAN 14:30

Na kawm u ah thu gen kit man ta puo’ng ka, zie khawvel vaihawmpa hi hung ding ahi ta ngâl a; amah chun ka chungah bangmah hih theih him a nei puoi,

ISAI 30:1

Lalpa chun, “Cha, helchîngte chung chuh a gik hi! Ziete chun mi thu a dawng u a, kei chu vang ei dawng puou a; a gitlohna chung u a gitlohna behlapna dingin khuhna’n a khuh u a, ka thagau thu’n vang a khuh puoh ngâl u a.

JOB LEHKHABU THE BOOK OF JOB 1:7

Tichun Lalpa chun Setan kawm achun, “Khawilam a kipata hung na hi?” a ti a. Chun, Setan chun Lalpa chuh a dâwng a, a kawmah, “Leia ka vakvielna apat leh ka chieh suk ka chieh toh na apat in,” a ti a.

2 PETER 2:14

Mit a zawlsai a dim leh, gitloh haihsan theih loh bang a nei uh a; lung det lote a zawl thau a; awhchâkna nei ding him a sinsak a umte ahiu hi. hansie thuok chate ahiu hi!

JOHAN 16:11

Pathien thutanna ale thiemmawh changin um un au, zie khawvel vaihawmpa chuh thiemmawh changa thutan khum a hih tâk ziekin.

JOHAN 13:27

Khutichun, Juda’n chângthâk a lak lak chun, Setan chuh a sung ah a lut ngâl ta a. Ziephet chun, Isu’n a kawmah, “Na hih ding ding chuh hih meng ah,” a ti a.

JOHAN 13:2

Isu leh a sinsakte’n nitâk Ankuong a um u a. Diabol in Simon chapa, Iskariot Juda lungthim achun, Isu matsakna dingin na a na sem zo kêi ta ngâl a.

JOHAN 8:23

Isu’n a dâwng a, “Nang haw zie khawvel a mi hi na hiu a, Kei vang chunglam apat a hung ka hi. Nanguh zie khawvel a pawt na hiu a, Kei vang, zie khawvel a pawt hi kei puoi.

JOHAN 7:7

Khawvel in nanguh a hun haw thei puou hi, kei vang chuh ei haw sek ui, a thilhih hawu a gilo ahi tih ka hilhchet sek ziekin.

MATTHAI 13:38

lo chuh khawvel hi ahi a, chi pha haw chuh gam chate ahiu a; buh lêm haw chuh migilo chate ahiu a.

THUPHUON 13:8

Tichun, lei chunga um chengcheng, lei kisiem tunga thahsa Belamno Hinna Lehkhabu a min zik loh taphawtte chun, Pathien ho tawbang in ho un au.

1 JOHAN 3:8

Kuole, thilhih gilo zingzing chuh Diabol a pawt ahi: Diabol chun atûng apat thil a sukhiel ngâl a. Pathien Chapa hung kiphuon lawh pên chuh, Diabol nasep a sukmangthai theihna ding ahi.

JAKOB 1:7

Khutibang mi, lungthim bulbâl neilo, a thilhih cheng chenga detlo mi chun,

2 TIMOTHE 4:10

Dema’n tulai khawvel thilte hi a ngaihlul ziekin ei taihsan ta a, Thessalonika khuo ah a chieh ta a; Kresken chuh Galati gam ah a chieh ta a;

NASEPTE 19:35

A tâwp chun, khawpi lehkhazikpa chun mipite chuh a suthip zo hâm ta a. “Ephesi khuo a mite haw, Diana lopitak ho-in leh, van apat a milim kie khah, Ephesi khuo a mite hi a veng na hiu hi tih kuo a helo um?

LUKE 22:31

“Simon, Simon! ngaitie, nang haw chengcheng hi Setan in buh ngelh guola a hun ngelh theihna dingin, nanguh lawi hi ahun ngên a puo.

LUKE 16:8

Khutia a hihna apat chun, a pu chun sum vawppa diktatlo chuh a lemhet ziek chun a pakcha ta a; khawvak chate sangin, zie khawvel leisiet chate hi, a tulai khang u ahin a chingzawu hi,” a ti a.

MATTHAI 11:19

Mihiem Chapa a hung a, a ne’n a dâwn a, ‘En tiem u, an nek hât, uain heh pa; siehdawlte leh mi gilote guolpa khuh!’ a ti ngâl u a. Bang hilele, Chitna chuh a gah in a dik hi tih a sulang nai,” a ti a.

JEREMIA 23:10

Gam chuh zawlsaite’n a dim ta a, hansie ziekin zie gam chun a sûn a. Gamthip gam hingte chuh a gaw zo ta a! A lampiu chuh a pha puoh a, a hetnateu chule a dik puoi.

ISAI 57:4

Kuo a tawtbawlna a na mat sek uh? Kuo a kam lien tak tak ka a, lei na thâk dawk khum sek uh? Nang haw hi thil sukhielte cha, lepchieh gente suon hilo na hiu hi?

SAM LEHKHABU THE PSALMS 17:14

Aw Lalpa, na khut in mihiemte lak ah, Khawvel mihiemte lak ahin, humbit inla; Amau chanvo chuh tu damsunga a neih u hi a hi a, A gilpiu chuh na go in na sukdim sak sek a: Cha lungkim na kham set a nei u a, A sum mat val u chuh a chasen teu a taihsan sek ui.

JOB LEHKHABU THE BOOK OF JOB 31:7

Lampi hilo a petmang ka hih a, Ka mita ka muh bang mai a lunggil pu ka hih chun, Ka khuthaw hin thil buok himhim a khawih chun;

THUPHUON 16:17

Chun, vânsâwlchâk sagihna chun a belhbu chuh vanthamzawl ah a sung tha a. tichun, Pathien Ho-In a lalchutphah apat chun, “A kichai tai!” ti’n aw ngeih tak a hung pawt a.

THUPHUON 13:14

Sahang masa mitmuh a melchikna hih dinga phalsak a a umna kha mang in, mi chengcheng a thêm sek a. Sahang, chemzâma liemsa, hung dam kit pa limbawlna ding chun, amah lim a siem dinguh a hii, ti’n a hilh sek a.

THUPHUON 12:9

Chun, Dragon lien tak, gulpi têk, Diabol leh Setan a tih uh, khawvel pumpi thempa chuh a paih tha tau a. Tichun, amah leh a sawlchakte chuh leia paihthâk khawm in a um tau hi.

HOSEA 10:9

Lalpa chun, “Israel chate hin, gitlohna Gibeah a a hih guol u khan, ka chunga a gitlohnau hi a haihsan diek puou ui. Zieziekchun, Gibeah a chun kidona’n tun khum ding ahi.

JOB LEHKHABU THE BOOK OF JOB 1:19

gamthip a kipatin huihpi nasa tak a hung nung a, In ning li ah a hun nam a, amût pûk a, nungak-tangvalte chuh In chun a delh khum a, a thi suok kêi u a, keimah mai hi nang hung hilh dinga suokcha ka hi,” a ti a.

JOB LEHKHABU THE BOOK OF JOB 1:16

Zie thu a gen lai chun mi dang a hung tai kit a, “Van apat in Pathien mei a hung kie a, belamte leh suokte chuh a katum a, a sumang suok a, keimah mai hi nang hung hilh dinga suokcha ka hi,” a ti a.

MATTHAI 13:22

Hamlingnei laka kitheh chuh ziehi ahi: thu chuh he a, himahlele khawvel thil ngaihtuohna leh kithepna chun thu chuh a dep a, gah lo in a um sek hi.

MARK 4:19

Himahlele, khawvel thu ngaihtuohna te, neihzawhna thepna te, leh thil dang utchaknate chuh a hung lut tieng, thu chuh a dêp a, gah lo in a um sek hi.

EPHESI 1:21

Krista chun, van muna vaihawmte, thuneihna chengcheng te, hatna te, lalna chengcheng leh min chengcheng chungah, tuhun mai hilo in, hun hungtung kit ding ale, vai a hawm ngâl a.

EPHESI 2:11

Zieziekchun, nanguh, pienphunga Jentel te, phehlevo a zek tan a, amau leh amau Zektan, kiti Judate’n, “Zektan loh” a hun tih teu haw, na malai umdan teu kha hezing un.

EPHESI 2:13

Himahlele, tuhin, Krista Isu achun, nanguh gamla taka umte khah, Krista thisan chun hih naih in na hung um tau hi.

EPHESI 4:17

Khutichun, Lalpa min in ka hun vauhilh na hiu hi: Jentel te chuh lungthim manloh pua a um bangun um ta kiu inla,

EPHESI 5:8

Ma khan khawthim na hiu a, tuhin vang chuh Lalpa achun khawvak na hung hi tau hi. Khutichun, khawvak chate banga na um dinguh ahi;

JAKOB 1:27

I Pathien uh leh, Pa mitmuha sakhuo ho dân thieng leh kisubuoklo chuh ziehi ahi: nauchagah leh meithai a liengvaih lai uh a veh a, amah ngêi zie khawvel sietna lak apat a kisubuok lo a kikiengkawih hi ahi.

THIEMPUDANTE 11:16

Vakengsang, Vangawngsau, Tuiva,