EPHESI 2:10 - PATHIEN LEKHABU THIENGTHO (BSI)

¹⁰ Thilpha hih dinga Krista Isu a siem a um in, amah khutsuok I hi ngâl u a; zie thilpha bawl chuh I umna dinguh a Pathien in a guonggalh khawl ahi.

EPHESI 2:10 ပူးပေါင်းရင်းမြစ်များ

PHILIPPI 2:13

Amah kipahlam hih ut ding leh thu zawp dinga nangmau a sem pên chuh Pathien a hi ngâl a.

KOLOSSA 1:10

Khutichun, Lalpa deihlam in hing thei un na tin uh, chun, amah kipahlam hih zing thei un lau. Tichun, na hinnau chun nasep phat tin chenga gahsuoh in, na Pathien hetna lam uh achun hung khangto thei unlau.

HEBRAI 13:21

Isu Krista zâla a mitmuh a a deihlam taphawt hih dingin thilpha tin chengah nanguh hun subukim hen. Amah kawm achun kumkhawtuong in lopina um hen. Amen.

2 KORINTH 5:17

Zieziekchun, kuole. Krista a um chuh, a kisiemthak a hung hi ta a, thil lui chengcheng chuh a mang ta a, ngaitiem u; a hung thak kit tai!

2 KORINTH 9:8

Chun, Pathien in, nangmau haw sinmawh sanga tamzaw a hun pie thei a; chun, na sinmawh tin chenguh na nei thei u a; khutichun, thilpha bawlna dinga le kiting takin nei thei ding na hiu hi.

EPHESI 4:24

mihiem thak, thutak diktatna leh thienthona, Pathien tawbanga siem khan kivan un.

PHILIPPI 1:6

Zieziekchun, Pathien, zie nasep pha nangmau a sem pan pa chun, Krista Isu Ni a a pitit tiengin sem zawm zel ina tih ka hechien ngâl a. Ka lunggil ah na um zing u a! Zieziekchun, tu a nang haw ka hun gel banga hun gel hi thil dik a hi him hi.

2 TIMOTHE 3:17

Diktatna kisinsakna lama le a mattak hi; khutia chuh, Pathien nasem mi chuh bukim taka um a, nasep pha tin chenga dinga chuh thuom a a um theihna dingin.

EPHESI 4:1

Khutichun, kei, Lalpa nasep zieka suongkul lut pa hin ka hun nget na hiu hi: Pathien in a hun sap laia, na hindan dinguh, a tih haw kha tawh kituok in hing un.

2 TIMOTHE 2:21

Zieziekchun, mi zie thil haw laka chuh a kisukthien chun, ûmlebel thieng, Lalpa mat theih, nasep pha tin chenga dinga kiguosa, lat thiengtho chuh hi’n a.

SAM LEHKHABU THE PSALMS 100:3

Lalpa chuh Pathien ahi tih heu un: Ei siempa chuh amah chuh ahi a, amah a I hiu hi; A mite leh a gantatna muna belam haw chuh I hiu hi.

TITA 2:14

Amah chuh sukkhelhna chengcheng lak apat ei hukdawk ding leh, amah a mai hi a, a mi thiengthote I hih theihna dingun leh, thilpha hih a phachuom ngai dingin I sik un a hung kipie ta a.

ISAI 43:21

Gamgaw a chuh tui haw ka um sak ziek leh lui haw ka luon sak ziekin, gamsa haw chun le ei zah untin, si-alhaw, vangawngsau ten le ei limbawl tan au.

EPHESI 1:4

Hehpihna leh thiengtho leh nuolna beia amah masanga I um theihna dingun, leisiet kisiem ma pek a Krista a ei na telsa him I hi ngâl u a.

1 TIMOTHE 6:18

Thilpha hih a, thilpha hih lama hausa ding leh, thil phal a, mi dangte kêp zaw dingin thu pie zaw’n.

TITA 3:14

Ka miteu chun le, thil tâksap tak tak haw âwng a huk theihna dingun, a hun teu chuh thilpha hihna a mat dân ding sin u hen la; hindan mantheihlo takin hing dah u hen.

HEBRAI 10:24

Chun, hehpih leh thilpha bawla kichawktho dingin kingaihtuoh pih chiet hitiu;

TITA 3:8

“Pathien gingcha sate chun thilpha hih ding ngaihtuoh zel hen” tih hi taksanum ahi. Zie thu haw chuh hâng taka na gen ka nawp ahi. Zie thu haw chuh mihiemte dingin a pha’n, a sawt hi.

KOLOSSA 3:10

Mihiem thak chun na kivan ta ngâl u a. Zie mihiem thak chuh hetna bukim nei dingin, a siempa mah banga siem thak a um a hii.

TITA 2:7

Langkhat a pang te laka mi’n I chunguh a thu phalo himhim gen ding a neih loh ziekuh a a zahchâk theihna dingun,

1 KORINTH 3:9

Kei u chuh, Pathien naseppihte ka hiu a, nang haw Pathien lo ma chuh na hiu ui. Chun, Pathien insakte le na hiu hi.

1 PETER 2:12

Jentel te, laka na tawihzieu chuh kilawm tak hi hen, khutichun, thil gilo hihte guola a hun gensiet sek nau achun, na thilhih phat uh a muh hawu ziekin, veh a a um tieng u leh Pathien sulopi thei un au.

TITA 3:1

Vaihawmtute leh thuneitu te nuoia kitulut ding leh, a thuu zawp ding leh, thilpha bawlna lam chenga kisazo ding leh,

1 JOHAN 2:6

“Pathien tawh pumkhat in ka um hi,” ti pên chuh, Krista um bang bangin a um ding ahi.

SAM LEHKHABU THE PSALMS 138:8

Lalpa chun ka chung a ahih ding chu guitun sak in a: Aw Lalpa, na zahngaihna chuh kumlekhuo’n um in a; Na khut suok te hi hengilh ki’n.

ISAI 29:23

Ka khutsuok, a chateu chuh a lak uh a a muh tieng u leh, ka min chuh limbawl tau untin; maksa takin ka masangah dingun tin, Jakob Pathien hi kihcha ta’n au.

MATTHAI 5:16

Zie tawbang chun na vak u chuh mi mitmuh in vak hen; khutichun, na nasep phat teu chuh muu untin, na Pau van a um chuh pakcha thei un au.

JOHAN 3:21

Amahvang chuh, kuole, thil dik hih ta chun, a thilhih teu chuh Pathien thu zawp zieka hih a hih uh kilatna dingin, vak ah a hung sek ui, a ti a.

SAM LEHKHABU THE PSALMS 51:10

Aw Pathien keimah ahin lunggil thiengtho tak siem inla Ka sung ahin thagau thak leh diktak siem thak kit in.

2 THESSALONIKA 2:17

hun tîlkhoh in, thilhih leh thugen phat tin cheng ah hun suhat ta hen.

ROME 8:29

Pathien in a telte chuh amah Chapa bang taka um dingin a guotlawk a, a Chapa chuh suohpih tamtak te laka Cha masapen a hung hih theihna dingin.

NASEPTE 9:31

Khutichun, Sapchuomte chuh Judai gam vel ale, Galili gam vel ale, Samari gam vel haw achun a det deuh deuh tau a, muong takin a um tau hi. Lalpa limbawl in, Thagau Thiengtho lungmuon in, a um u a, a hung pung tiltil tau hi.

JEREMIA 31:33

Chun, ziehaw zawh nunga Israel inkawte tawh thugawlh thak ka siem ding chuh ziehi ahi, Lalpa’n a tii: A lunggil u ah ka thupiek kawih ing ka ting, a lunggil uh a le zik ing ka. Kei hi a Pathien uh hi’ng ka ting, amau haw chuh ka mite hita’n au.

ISAI 60:21

Na mipite le a bawn un mi diktat hiu intin; kumlekhuo’n gam hi luoh un au. Mitin kawma ka lopina sulang dingin Amau haw chuh ka phut a, ka siem ahi ngâl uh a.

2 KORINTH 5:5

Chun, khutia sukdanglam a um dinga ei guonggalhpa chuh Pathien ahi a; amah chun, eihaw dinga ei kawihkhawl sak ahi tih melchikna dingin, a Thagau chuh ei pie ahi ngâl a.

ISAI 44:21

“Aw Jakob te haw, zie thil haw chuh hezing un; ka suokte na hiu a; ken ka hun siem na hiu a, ka suokte na hiu a, Aw Israel, hun hengilh ngeilo ding ka hi.

1 TIMOTHE 5:25

Khutibang mah chun, thilhih phat kilang thei diek a um a, khutibanga kilang lo haw chule selguk theih a hi diek puoi.

1 TIMOTHE 2:10

Numei Pathien khawksak kitite chuh, nasep phatin kizêm leu ka nuom hi.

DAN NIHNA 5:33

Na valuoh dinguh gama chuh na um u a, na hung lamzan u a, na dam sawt theihna dingun, Lalpa na Pathien un thu a hun piek chengcheng chuh na zuih suok kêi dinguh ahi.

1 TIMOTHE 5:10

thilpha hih lama mi pahchak a um; numei, a chate phataka dâwn tei a, malzinte a In a na lawp thiem a, mi thiengthote keng a na sil sak a, mi lunggimte na khuotuoh a; amah mawng thilpha hihna lama kipumpiek mi hi ding ahi.

1 JOHAN 1:7

Himahlele, amah chuh vaka a um banga, ei uh le vaka um I hih uh chun chuh, amah tawh kivawp khawm I hiu a; chun. a Chapa Isu thisan in I gitloh cheng chenguh ei tauh ngim sak ahi.

NASEPTE 9:36

Chun, Joppa khuo a chun a min Tabitha kiti, sinsak khat a um a, (Tabitha umzie chuh Grik pau in Dorkas ahi a, zie chuh sazuknu tihna ahi); zie nu chun thilhih phat leh thilpiek dawk a hau ten a.

ISAI 61:3

Zion a lusûnte chuh vut thasanga pakchavui, lungkhamna sanga kipahna sathaute, nguoina thagau hilo a pahchakna silhlechen te a kawm u a pie ding leh, amau haw chuh diktatna thing Lalpa phuh ngêi, a thil dik hih teu zieka Pathien chuh a lopi theihna dinga sawl ka hi.

ISAI 19:25

Sepaihte Lalpa chun, “Ka mi, Aigupta te haw leh, ka khutsuok Asuria te haw leh ka gochan Israel te haw chuh vangsak in um u hen,” ti’n a vangsak ta ngâla.

SAM LEHKHABU THE PSALMS 119:3

Ahi, amau chun diktatlohna himhim ahih puou a; A lampi achun a chieh sek u a.

SAM LEHKHABU THE PSALMS 81:13

Aw, ka mite hin ka thu ngaithau henla, Israel hi ka lampi ah chieh maizen le chu aw!

GALATI 6:15

Siemthak kitna lo chuh, zektan hi bangmah ahi puoh a, zektan loh le bangmah ahi chuom diek puoi.

ROME 8:1

Khutichun, tuhin vang Krista Isu a umte ding chun, mawh chansakna himhim a um ta puoi.

DAN NIHNA 32:6

Aw, mingawl leh chinglote haw, khutichun maw Lalpa chuh na ditthuk dinguh? Ahun hing na pa hilo maw, a hun siem, Nam khata hun siema, hun phutdet chuh?

EPHESI 2:2

Zie hun lai khan khawvel gitlohna lampite hawh in; vanthamzawl a thuneihna leng, tu a Pathien thu awilo chate chunga vaihawmpa thagau chuh na zawp zawu hi.

ISAI 43:7

Ka minpu mimal tin te chuh, ka lopina dinga umlo apat ka um sak leh ka guonggalh leh ka siem na hiu, hun ti ding ka hi.”

EPHESI 1:1

Paul, Pathien deihlam a Krista Isu sawlchak chun; Krista Isu a mi taksanum, mi thiengtho Ephesi khuo a umte kawmah:

EPHESI 2:6

Krista Isu achun ziek u chun, amah tawh thakhat a ei kaitho khawm in, van mun haw a khun, a kawmah ei chut khawm sak ta a.

EPHESI 2:13

Himahlele, tuhin, Krista Isu achun, nanguh gamla taka umte khah, Krista thisan chun hih naih in na hung um tau hi.

EPHESI 2:15

Judate Dana Thupiek leh dante chuh sumang in, lawinih te chuh mihiem thak pumkhata siem in, kichamna a siem ta a.