EPHESI 2:1 - PATHIEN LEKHABU THIENGTHO (BSI)

¹ Malai khan nang haw le, na sukkhelh u leh na gitloh ziek u a thi na hih lai u khan, a hun sukhin na hiu hi;

EPHESI 2:1 ပူးပေါင်းရင်းမြစ်များ

KOLOSSA 2:13

Khatvei chuh, na gitlohnateu ziek leh, Jentel dân neilote na hih ziek un, thagau lama thi na hiu a. Himahlele, tuhin, Pathien in Krista tawh a hun sukhin khawm na hi tau hi. Pathien in I gitlohnateu chuh. ngaidam in,

ROME 8:2

Krista Isu a hinna thagau dân chun, gitlohna leh thihna dân apat chuh ei pawtsak ta ngâl a.

EPHESI 4:18

a lungthimteu chuh a thim ta ngâl a. A ngawl u leh a lungthim uh tâk ziekin, amau haw chun Pathien ei piek hinna ahin chanvo a nei puou hi.

JOHAN 5:21

Pa’n mi thite a kai tho a, a hih hin sek guolin, Chapa’n le a ut ta poh a hih hing sek.

1 JOHAN 3:14

Suohpihte I hehpih ziekun, thihna apat I suokchau a, hinna ah I lut tau hi, tih I heu ie. Kuole, hehpihna nei lo taphawt chuh thihna a um zing nalai ahi.

JOHAN 14:6

Isu’n a kawmah, “Keimah hi lampi leh Thutak leh Hinna ka hii; keimah a chieh lo chuh, kuomah Pa kawm a tung ngei puou.

EPHESI 5:14

thil khawvak a suklata um ta chuh, vak a hi sek hi. Zieziekchun ahi, “Nang ipmu, hak inla, mithi lak apat tho in; Tichun, Krista chun hun salhvak ina,” ti a gena a um khah.

1 TIMOTHE 5:6

Himahlele, meithai, amah nawpchenna lama kipie chuh, a damlai ngêi inle, a thisa ahi.

JOHAN 5:25

Tihtakzet a ka hilh na hiu hi, a hun tung ding ei tai; tuhin le a tung ei tai, zie tieng chu leh, mithi te’n Pathien Chapa aw zau untin, a za tapoh hing un au.

1 KORINTH 15:45

Zieziekchun, Pathien Lehkhabu’n, “Mihing masapen Adam chuh, hinna nei a siem in a um hi,” ti a a gen chuh; Adam nunung zaw chuh hinna piepa thagau chuh ahi.

JOHAN 10:10

Gucha chuh, gu ding leh, that ding leh susie ding ngâllo chun a hung sek puoi. Kei vang, hin na neihna ding u leh, tamtak a na neih na ding u a hung ka hi zawi.

THUPHUON 3:1

“Chun, Sardis khuo a sapchuom haw lawi vânsâwlchâk kawm achun hiti hin zik ah: “Pathien Thagau sagih leh, aksi sagih neipa khan zie thu haw hi a gen a hii: Na thilhih ziete ka hêi, thi zing ngâla, hing min na put hi.

LUKE 15:32

Himahleh, zie na nau hi a thi sa, a hung hing kit ahi a, a mang sa, I muh kit uh ahi ta a, ziezieka chuh, kipâk tak leh lawp taka I um dinguh a puo!’” a ti a.

LUKE 15:24

Zie ka chapa hi a thi a, himahleh a hung hing kit ahi tai; a mang a, I muh kit uh ahi tai,’ a ti a. Tichun, kipâk takin a um pan tau hi.

MATTHAI 8:22

Himahlele Isu’n a kawmah, “Nei zui ah; mithi’n amau mithi kivuih u heh,” a ti a.

2 KORINTH 5:14

Krista hehpihna chun ka chamlo a ei sawl ahi; hiti hin ka heu hi: Mi chengcheng thih sik in mi khat a thi a, ziezieka chuh mi chengcheng thi ahiu hi.

THILSIEMBUL 8:21

Chun, Lalpa’n zie gimlim chuh a he a; Lalpa chun a lunggil in, “Lei hi mihiem ziekin hansie lawh kit ta puo’ng ka, mihiem lunggil ngaihtuohna haw chuh a naupan lai apat in a gilo ngâl a; tu a ka gawt bang hin thilhing tincheng le gawt kit ta puo’ng ka,