EPHESI 1:7 - PATHIEN LEKHABU THIENGTHO (BSI)

⁷ Krista thisan ziekin amah achun I kitatnau I nei tau a, a lungsietna hauh dungzuia I sukkhelhnau ngaihdamna chuh.

EPHESI 1:7 ပူးပေါင်းရင်းမြစ်များ

1 PETER 2:24

Gitloh lama thi a, diktatna lama I hin theihna dingun, Krista mawng chun kross lêk a khan a sapum in I gitlohna hawu a puo a, amah kizêpna kigawlh haw chun sukdam in na um tau hi.

ROME 3:24

Himahlele, Pathien thilthawnpiek hehpihna ziekin Krista Isu a um tatna zalin a thawna thiemchan sak in I um tau.

KOLOSSA 1:14

amah achun I kitatnau I muu a, I gitlohnau ngaihdamna ngêi chuh.

HEBRAI 9:22

Tichun, Dan thu vangin, thil chengcheng chuh thisana sukthien in a um sek a, thisan mang lo in, gitloh ngaihdamna himhim a um puoh ngâl a.

MATTHAI 26:28

Ziehi ka thisana thugawlh thak, mi tamtak gitloh ngaihdamna dinga pawt chuh ahi.

THUPHUON 5:9

Chun, amau haw chun, “Nang, lehkhabu chuh laa, A tiemtehna te phel tâk na hi ie; Thah in na um ta a, Chitin a mite, namtin a mite, Pathien dingin na thisan in na chaw a,

1 JOHAN 2:12

Ka naute, Krista min zieka na gitlohnateu ngaihdam a hih tâk ziekin, na kawmuh a ka hun zik ahi hi.

PHILIPPI 4:19

Chun, ka Pathien chun, Krista Isu achun, na tâksapna tin chenguh hun huksak ding ahi.

EPHESI 2:7

Khutichun, hun hungtung zel dinga le, a hehpihna lopi dân, Krista a ei lungsietna ei uh ei etsak theihna dingin, zie chuh a hih ta ngâla.

1 KORINTH 1:30

Himahlele, nang haw vang chuh, amah zalin Krista tawh pumkhat in a hun siem a, amah chuh Pathien apat ei uh a ding a chitna, diktatna, thienthona leh tatdawkna dinga siem ahi.

SAM LEHKHABU THE PSALMS 130:7

Aw Israel, Lalpa chuh kineppih in; Lalpa kieng ah zahngaihna a um ngâl a, A kieng ah tatna bukim a um hi.

EPHESI 3:16

A Thagau zâla mihiem sungnung lama chuh a thilhih theihna a sukhat a na um theihna dingun ka ngên sek a,

2 KORINTH 8:9

I Lalpau Isu Krista hehpihna chuh, a chatgahna zieka na hung neih zawh theihna dingun, neizo mahlele, nang haw zieka, a hung chatgah tâk khah na he ngâl u a.

ROME 2:4

A hihloh leh Pathien phatna’n lungheina dingin a hun pui sek hi tih helo in, a phatna hauh zie leh, a mi khuotuoh zie leh, a dawhtheih zie haw chuh na ngaidau ahi maw?

MIKA 7:18

Aw Lalpa, nang tawbang Pathien, a goluoh ding a mite, a suokcha sunte gitlohna ngaidam leh a sukkhelhnau subei dang a um puoi. A lungnat na chu kumlekhuo’n a vawp zing puoh a, zahngaihna chuh a kipahpih lam tak ahih ziekin.

1 JOHAN 2:2

Amah chuh I gitlohteu lutchamna a hii; eihaw gitlohna mai hilo in, mi chengcheng gitloh lutchamna le ahi.

TITA 2:14

Amah chuh sukkhelhna chengcheng lak apat ei hukdawk ding leh, amah a mai hi a, a mi thiengthote I hih theihna dingun leh, thilpha hih a phachuom ngai dingin I sik un a hung kipie ta a.

NASEPTE 2:38

Peter chun a kawm u ah, “Na gitloh uh ngaihdam ahih theih na dingin lunghei unla, chun, Isu Krista min in na bawn un baptistma chang chiet un; tichun, Thagau Thiengtho thawna piek hi mu’n lau.

MATTHAI 20:28

Mihiem Chapa hi zen a um dinga hung ahi puoh a, mi zen ding leh, mi tamtak tatna dinga a hinna pie dinga hung a hih guol hin,” a ti a.

DANIEL 9:9

Zaidawhna leh ngaihdamna chuh ka Pathien u chun a nei a; a chungah a na hel ta mahleu hing le,

JOB LEHKHABU THE BOOK OF JOB 33:24

Zie mi chun amah deihsak takin, “Thâna liem lo in hukdam un, Zie hin amah kitatna ding a um hi.

1 JOHAN 4:10

Ziehi ahi hehpihna chuh; eimau in Pathien I hehpih ui ti ka hi puoh a, ama’n ei uh ei hehpih a, I gitloh uh lutchamna hi dingin, a Chapa a hun sawl hi ti ka hi zaw ie.

NASEPTE 20:28

Pathien sapchuom haw, amah thisan a a châwkte chuh vak dingin, nangmau haw leh na belam hawnteu chung achun chingthei un, Thagau Thiengtho in amau haw enkawl dinga a hun siem na hiu hi.

DANIEL 9:19

Aw Lalpa ngaitha tie, Aw Lalpa ngaidam in, Aw Lalpa, ngaitha’n la hih in. Aw ka Pathien nangmah ziek mah mah in na khawpi leh na mite na min vawh a a um ziek un” ti’n.

JEREMIA 31:34

Kuoma’n, amah inveng leh, amah suohpihte chuh Lalpa he dingin hilh ta puou un tin, a neupen apat a lienpen tiengin, a bawn un ei he chiet ta ding ahi ngâl uh a, tih hi Lalpa kamsuok ahi. A manlohnau chuh ngaidam ing ka ting, a gitlohna hawu chuh hezing zing ta puo’ng ka.

SAM LEHKHABU THE PSALMS 86:5

Aw Lalpa nang chuh na pha a, na ngaidam seka, A hun sam tapoh chungah zahngaihna na hau ngâla:

1 PETER 3:18

Pathien kawma ei uh ei puih theihna dingin, Krista chun gilote ziekin khatvei a thuok ta ngâl a, mi diktat chun mi diktatlo sik in a thuok a; a taksa ngêi chuh thaha um in, thagau vang achun sukhin in a um a;

EPHESI 3:8

Jentel te kawma Krista neihzawhna hawldawk zawh loh haw chanchin gen ding leh,

NASEPTE 10:43

Kuole, amah gingcha ta, a min ziekin gitlohnate ngaihdam in um un au tih, thiemgau chengcheng in a chanchin a hetsak sek u khah,” a ti a.

JOHAN 20:23

Kuo gitloh hita leh, na ngaihdam u chuh, ngaihdam hiu un tin; kuo gitloh hita leh, na ngaihdam loh u chuh, ngaihdam loh hi’nau,” a ti a.

MARK 14:24

Chun, a kawm u ah, “Ziehi ka thisana thugawlh thak, mi tamtak a ding a pawt ding, etsakna chuh ahi.

ZEKARIA 13:7

“Aw chemzâm, kipan inla, ka belampu leh ka na seppih pa chuh do ah! Belampu chuh zêp inla, belam hawn chuh dalh u hen. A note chung achun ka khut tha ding ka hi.

ZEKARIA 13:1

“Zie ni chuh a hungtun tieng leh, David suonte leh Jerusalem mite gitlohna leh milim honau apat sukthien na dingin tuikhuk hawn in um ina,

TITA 3:6

Pathien in zie Thagau Thiengtho chuh Isu Krista I Hukdampau zalin, nasa taka let hiela I chunguh a a sunthâk tak khah.

1 TIMOTHE 2:6

Mi chengcheng tatna dinga kipiepa chuh ahi.

KOLOSSA 2:13

Khatvei chuh, na gitlohnateu ziek leh, Jentel dân neilote na hih ziek un, thagau lama thi na hiu a. Himahlele, tuhin, Pathien in Krista tawh a hun sukhin khawm na hi tau hi. Pathien in I gitlohnateu chuh. ngaidam in,

KOLOSSA 2:2

Zie chuh, hansanna a a dim u a, lungsietna a a kikankhawm u a, lungmuonna hauhsakna bukim, hetchetna diktak zieka um chuh a neih theihna dingun ka hih ahi. Khutibang hin Pathien thuguk, Krista ngêi chuh he thei un au.

KOLOSSA 1:27

Pathien thiltup chuh, thuguk hausa tak leh lopi tak, mi cheng chenga dinga a kawih, a mite kawma hetsak chuh ahi. Zie thuguk chuh Krista nangmau a um, Pathien lopina na kikawppih ding u chuh ahi.

EPHESI 2:4

Himahlele. Pathien chun khuotuohna a hau a, a mi hehpihna nasatak ziek khan,

ROME 9:23

A neihzawhna hauh zie etsak theihna dingin; lungnatna bel, mangthai ding guolte chunga chun, Pathien in a lungnatna leh a thilhih-theihna latsak nuom mah lele a dawh hâmhâm chun, banga khawk ding?

NASEPTE 3:19

Khutichun, na gitloh hawu ngaihdam a hih theihna dingin, lunghei unla, hung kihei kit un, khutichun, Lalpa kawm apat halh phat hungtung thei ina.

LUKE 24:47

amah min in, lunghei na thu leh gitloh ngaihdamna thu, Jerusalem khuo a kipatin, namtin kawmah gen in um ina,’ ti’n.

LUKE 1:77

I Pathien uh lunggil a lungsietna vangin, A gitloh nau ngaihdamna’n;

ZEKARIA 9:11

“Nangmah thu a le, na thugawlh thisan ziek chun; kawkhuk tui um lohna apat chun na suongkul tângte chuh hun thahdawk ing ka.

ISAI 43:25

Kei, keimah ngêi hi ka hi ka min zieka na bawhsietna teu hun thaimang sak pa chuh ka hi; Na gitlohna teu chuh hezing ta puo’ng ka.

PAWTDAWKNA 34:7

sang tamtak chunga lungsietna latsak sek, manlohna haw, sukkhelhna haw, gitlohna haw ngaidam sek; himahleh, diklo a mawhchangte bangti ale pawtsak lo; pate manlohna zieka chate, cha sawn te, suon thumna leh suon lina chana gawt sek chuh ka hi,” ti’n a phuong ta a.

THUPHUON 14:4

Ziete haw chuh numei tawh kisubuok lote, nungak thiengtho bang a hi ngâl uh a. Ziete haw chun Belamno chuh a chiehna lam chengah a zui uh a. Ziete haw chuh Pathien a ding leh, Belamno a dinga gah masa hi dinga lei apat a tatdawkte chuh ahiu hi.

EPHESI 1:6

A hehpihna lopitak ziek leh, a Chapa deihtak chuh thilthawnpiek a ei piek tâk ziekin Pathien chuh pakchai tiu.

JONA 4:2

Lalpa kawmah a paucham a, “Aw Lalpa, ziehi ka gam u a ka um laia ka gen kha hilo ahim? Zieziek ahih Tarshis lama taimang zieng ka hi kha! Nang hi mi lungsiet thiem leh hehpih thiem Pathien, lungna vak lo; dettaka lungsietna nei zing Pathien, thil phalo apat kisik kit thei Pathien leh mi gawt zieng lo na hi tih ka he a.

SAM LEHKHABU THE PSALMS 130:4

Himahleh, na kieng ah ngaihdamna a um a, Kihchaka na um theihna dingin.

MATTHAI 6:12

Ka bat uh ei ngaidam in; Kei un le ka thil bateu ka ngaihdam tâk bang un.

ROME 3:25

Pathien thuokhatna zâla malaia a gitlohna teu kihetloh sak a a um ziekin a diktatna etsakna dingin Krista Isu chuh a thisana ginna zieka suol thuphachawih na hiding in Pathien in a guot a.

EPHESI 1:8

Zie hehpihna chun ama’n ching tak leh khânhe takin ei vuk uh ahi; a nawp lam thuguk I kawm uh ah ei hetsak in phat bukimna khawsak tienga a nawp lam (bangakai, van a thil umte, leichung a thil umte le Krista a gawp khawm ding chuh) ama’n hih a guot bang khan, amah mâwng achun ahi.

EPHESI 1:14

Zie Thagau chuh, Pathien in a mite kawma a thutiem chuh pie ngêi ding ahi tihna ahi a; chun, Pathien in amah a te chuh tatdawkna bukim pie ngêi ding ahi tih ei hêtchet sak hi. A lopina chuh pakchai tiu!

EPHESI 1:18

Na lungthim mit hawu sukvaka a hung um a, amah sapna kinepna haw, a mite kawma a tiem, go luoh ding lopi hauh zie haw, leh