EPHESI 1:5 - PATHIEN LEKHABU THIENGTHO (BSI)

⁵ A hehpihna ziekin, Pathien in, Krista zâla a cha hi dinga ei na guotsa him ahi a, zie chuh amah kipahlam leh, a thiltup mâwng ahi.

EPHESI 1:5 ပူးပေါင်းရင်းမြစ်များ

EPHESI 1:11

Thil chengcheng hi Pathien guonggalh bang leh tih banga um ahi a; Pathien in, atûng apat a a na guotsa pansan in, Krista tawh kipumkhatna zâla amah mite hi dingin ei na tel ta ngâl a.

1 JOHAN 3:1

Ngaitiem u, Pa’n ei hehpihna a nasa na e! “Pathien chate,” ti a, ei minvawh tak uh hi; khutibang chuh I hi him ui. Zieziek hin khawvel in ei uh ei het loh uh ahi, amah chuh a het loh ziekun.

JOHAN 1:12

Himahlele, amah lawp ta chuh, a kawm u ah Pathien chate hih theihna ding thu a piei, a min gingchate chuh.

ROME 8:23

Zie mai chuh ei puoi, eihaw ngêi le, Pathien thilpiek masa Thagau neite hin le, I sapum tatnau chuh ngak in, ei u nasan le I lungthim un I tau uh ahi.

GALATI 3:26

Krista Isu tawh pumkhata um in, taksanna ziekin Pathien chate na hi vek ngâl u a.

2 KORINTH 6:18

Nanguh dingin Pa hi’ng ka ting. Nanguh le, kei dingin chanu, chapa hi’n lau,” Lalpa, Bangakai hihtheipa chun a tii.

THUPHUON 21:7

A zo ta chengin zie chuh ka kawm apat muu un tin; Kei a Pathien u hi’ng ka ting, amau chuh ka chate hi’n au.

HOSEA 1:10

Himahlele, Israel chate chuh tuisuohgiet pîlnel banga tamin simsenloh leh teh theih loh a tam hung hin au. Tichun, Pathien in a kawm u ah, “Ka mite na hi puou hi,” a tihna mun ngêi a chun “Pathien hing chate na hiu ui tih ni hungtung in a,” ti’n.

EPHESI 1:9

Krista a sukbukim a um ding thuguk chuh eihaw ei hetsak ta a.

JOHAN 11:52

Amau haw a ding mai a hi puoh a, Pathien mite, van nuoia dalh zakte cheng cheng, sapum khata a puih khawm theihna dingin le ahi.

JEREMIA 3:19

Ken vang nam tamtak laka goluoh ding phapen, gam nuom tak mai hun pieka; cha le naute laka hun kawih ka nawp zie mai chuh! Hepa ti a nei sap a, nei zuih na a petmang lo dingin ka hun gingcha a.

2 THESSALONIKA 1:11

Zieziekchun ahi, nang haw ka hun pauchampih zing sek uh. A hun sapna mu taka na hin theihna dingun, I Pathien uh kawm achun ka ngên sek u a. A thilhih theihna chun, phatna na deih chengcheng u leh, taksanna zieka na nasep cheng chenguh chuh hun sukbukim sak ta he’n.

LUKE 10:21

Zielai tak chun, Isu chuh Thagau a kipahna’n a hih dim a, “Aw hepa, lei leh van Lalpa, nangin mi ching leh bilpilte kawmah zie thu hi na îm a, mingawngte kawma na phuon ziekin ka hun pakchâi. Ahi, hepa, nangin zie chuh na kipahna lam ahi ngâla.

1 KORINTH 1:21

Pathien in a chitna chun, mihiemte’n chitna manga amah a het theih loh nung un thugen ngawlhuoi manga gingchate hukdam chuh, Pathien in pha a sa ta a.

JOHAN 20:17

Isu’n a kawmah, “Ei tu kih, tu tieng hin le ka Pa kawma kal to nailo ka hi. Himahlele, ka suohpihte kawmah va chieh inla, a kawm u ah, ‘Ka Pa, na Pau, ka Pathien leh na Pathien uh kawma kal to ding ka hi,’ a tii, va tih,” a ti a.

DANIEL 4:35

Chun, leichung luoh cheng chengte hi bangmahlo a ngaih ahiu a; Vana vânsâwlchâkte leh lei chunga mi chengcheng hi, a thuneihna nuoia um vek ahi ngâl a. A thilhihte kuoma’n a nang thei puoh a, bangmah a gen thei diek puou hi.

MATTHAI 11:26

A hi, hepa, zie tawbang hih chuh nang ngaih in a phai.

LUKE 11:32

Thutanna ni leh Ninevi khuo mite chuh tulai khangthakte tawh hung tho un ding un tin, mawh hun chan sak unau; Jona thugen ziekin a lung uh a hêi ngâl u a; ka hun hilh na hiu hi, Jona sanga lopi zaw taka hin a um a puo!

PHILIPPI 2:13

Amah kipahlam hih ut ding leh thu zawp dinga nangmau a sem pên chuh Pathien a hi ngâl a.

1 KORINTH 1:1

Paul, Pathien deihlam a Krista Isu sawlchak dinga sap leh, I suohpihpau Sosthena chun:

MATTHAI 1:25

Himahleh, chapa a hin ma cheng chuh a kuolpih puoi; tichun Joseph chun a min dingin ISU a sa ta a.

JEREMIA 3:4

‘Ka pa, ka khangdawng laia ei pui pa na hi,’ ti a ei sam zo pancha hilo na him?

LUKE 12:32

“Lawi tawmte haw, lau kiu in, nang haw kawma gam piek ding hi na Pau kipahlam tak a hi ngâl a.

NASEPTE 13:48

Chun, Jentel te chun zie thu haw chuh a zak un, a kipâk u a, Pathien thu a limbawl u a, tichun, kumkhuo a hing dinga tel a um cheng chuh, gingtu a hung hi tau hi.

KOLOSSA 1:19

Pa lung hihna mawng chun, chapa chun amah achun Pathien batna bukim chuh a nei a.

HEBRAI 2:4

Chun, Pathien ngêi inle, melchikna leh thilmak tamtak te hihin, amah deih dungzuia Thagau Thiengtho thilpiek tawh amau haw chuh a hetpih a.