EPHESI 1:4 - PATHIEN LEKHABU THIENGTHO (BSI)

⁴ Hehpihna leh thiengtho leh nuolna beia amah masanga I um theihna dingun, leisiet kisiem ma pek a Krista a ei na telsa him I hi ngâl u a.

EPHESI 1:4 ပူးပေါင်းရင်းမြစ်များ

2 TIMOTHE 1:9

Amah chun ei hukdam ta a, amah mipite ngêi hi dingin ei sama, I thilhih teu ziek hilo in, amah guot ngêi leh a hehpihna ziekin a hi zawi. Zie hehpihna chuh leisiet kisiem masang in Krista Isu achun ei piek uh I hiu a,

EPHESI 2:10

Thilpha hih dinga Krista Isu a siem a um in, amah khutsuok I hi ngâl u a; zie thilpha bawl chuh I umna dinguh a Pathien in a guonggalh khawl ahi.

MATTHAI 25:34

Zie phat chu leh Lalpen chun a changlama mite kawm achun, ‘Ka pa vangsakte haw, hung un la, khawvel kisiem tûng apat nang u dinga guotsa chuh luoh un.

JAKOB 2:5

Ka suohpih deihtakte, ngaitiem u, Pathien in zie khawvel thila chagahte hi, taksanna lama neizo ding leh, amah hehpihte kawma a gam tiem chuh luoh dinga a tel hilo a hi?

1 PETER 2:9

Himahlele, khawthim apat a pawt a, a vak maktak a lut dinga hun sampa phatna chuh na etsak theihna dingun, nanguh vang nam ten, leng thiempute, nam thiengtho, Pathien mite ngêi; na hung hi tau hi.

THUPHUON 13:8

Tichun, lei chunga um chengcheng, lei kisiem tunga thahsa Belamno Hinna Lehkhabu a min zik loh taphawtte chun, Pathien ho tawbang in ho un au.

JOHAN 15:16

Nangun nei tel puou a, ken ka hun tel zawk na hiu ui; chieh a, sawttak a um zing dinga tamtak a va gah dingin ka hun guot na hi ngâl u a. Khutichun, ka min a Pa kawma na nget tak uh hun pie zel ina.

1 PETER 1:2

Isu Krista thisan theh khum zâla thu zawp ding leh Thagau Thiengtho a sukthientho, Pa Pathien hetlawk dungzuia teldawkte kawmah, Hehpihna leh thamuonna na kawm u ah sukpun in um hen.

1 PETER 1:20

Amah chuh, leisiet kisiem masang pek a, Pathien in a na guotsa a hi ta a, himahlele, tuhun nu nunglamhaw ahin, nang haw ziekin a hung kiphuong dawk a hi tai.

KOLOSSA 3:12

Khutichun, Pathien mi tel, mi thiengtho leh deih takte bangin, kilungsietna lunggil haw, zahngaihna haw, kingaihniemna haw, lungchuolna haw, thuokhatna haw chun kivan un.

KOLOSSA 1:22

Himahlele, tuhin, a Chapa sapum thihna ngêi chun, thiengtho tak leh, nuolna bei leh, paulap beia a hun siemna dingin, Pathien in amah tawh ahun kicham sak ta a.

EPHESI 5:27

Chun, amah kawm mawng a chuh sapchuomte chuh, thiengtho tak, hawihtak leh demkailo buok beklo a leh, tinlahna dang him nei lo a a kipiek theihna dingun zie chuh a hih ahi.

THUPHUON 17:8

Sahang na muh khah khatvei khah a hing a, himahleh, a hing zawm ta puoi. chun, thampikuo-âwng apat in hung pawtdawk intin, manthaina ah chieh ina. Leia mihingte, khawvel kisiem tung apat Hinna Lehkhabu a min kizik lote chun. sahang chuh a muh tiengu leh maksa’n dim un au. Khatvei khah a hing a; tu’n a hing kit ta puoh a; himahleh hung kilang kit ding ahi ngâl a.

NASEPTE 13:48

Chun, Jentel te chun zie thu haw chuh a zak un, a kipâk u a, Pathien thu a limbawl u a, tichun, kumkhuo a hing dinga tel a um cheng chuh, gingtu a hung hi tau hi.

ISAI 42:1

“Ka suokpa, ka tundawk, hattak a ka siem a, ka teldawkpa, a chunga ka kipahna mah mah pa a um hi! Amah chuh ka thagau in ka hihdim a, namtin chungah vai hun hawm ding ahi.

JOHAN 17:24

“Hepa! nangin kei nei piekte hi, ka umna a ka kawma um dingin ka deih hi; nangin nei piek, ka lopina khah a muhna dingun, lei kisiem masang apat in nei hehpih ta ngâl a.

1 THESSALONIKA 4:7

Pathien in a buok dingin ei sam puoh a, thiengtho taka hing dingin ei sam zaw ahi.

PHILIPPI 2:15

thil bang cheng chuh phunchiek lo leh nielkalh lo in hih un. Amau haw kawma hinna thu na piek sawn lai u chun.

2 TIMOTHE 2:19

Himahlele, Pathien suongphum dettak chuh suk tawih ding guol ahi puoh a; a chung achun zie thu haw hi zik ahi: “Lalpa chun amah a haw chuh a he a,” tih leh, “Lalpa min lo taphawtte chun gitloh taihsan hen,” tih hi.

NASEPTE 18:10

kei na kawmah ka um a puo, nang hun suna dingin kuoma’n na chungah khut tha puo’n au; zie khuo ahin mi tamtak ka nei ngâl a,” a ti a.

SAM LEHKHABU THE PSALMS 135:4

Lalpa chun Jakob chuh amah dingin a tel ngâl a, Israel hi a go ding chuom in a tel a,

2 TIMOTHE 2:10

Krista Isu zâla hukdamna chuh, kumlekhuo a lopina tawh a muh theihna dingun, Pathien mi telte ziekin thil bang cheng chuh ka thuok muolsuok sek hi.

EPHESI 4:2

Kingainiem tak leh, nunnem tak leh, thuokhat takin um zingun. Na kilungsietnau chuh, dawhtheih na’n etsak un.

1 KORINTH 1:8

Amah chun, I Lalpau Isu Krista Ni a chuh, demkailo a na um theihna dingun, a tâwp chanin hun vengbit zing ina.

MATTHAI 24:31

Pêngkun gi nasatak tawh, chun, a van sawlchakte chuh lei ning li achun sawldawk in tin, tichun, a mi telte chuh kâwlmawng apat kâwlmawng tâwp tiengin lakhawm un au.

EPHESI 5:2

Chun, Krista’n, a hun hehpih a, gimlim a dingin, Pathien kawma thillat leh kithawihna a I sik uh a a kipiek guol khan, hehpihna ah um un.

JOHAN 10:16

Chun, zie belam huong a um tih loh hi, belam dang le ka nei hi; amau chule hun pui ding ka hi; ka aw le he’nau; khutichun, lawikhat in um un tin, a chingpa khat tawh.

1 THESSALONIKA 3:12

Chun, nangmau haw lama hehpihna ka hauh bangun, nangmau haw lama kihehpih tuohna leh, mi chengcheng lama hehpihna chuh, Lalpa’n hun hihpun sak in, hun gahsuoh sak ta hen!

EPHESI 3:17

chun, Krista chuh taksanna zieka na lunggil u a a chen theihna dingin le, ka ngên sek hi. Chun, hehpihna a zung khawh leh bul nei a um a,

GALATI 5:13

Suohpihte, nang haw suok hilo dinga sap na hi ngâl u a; himahlele, na suok hihloh nau chuh, phehlevo dingin awnthawlna’n mang kiu inla, hehpihna’n kizen tuoh chiet zawu in.

ROME 8:33

Pathien mi telte chuh kuo a hêk ding? Thiemchan sakpa chuh Pathien ahi ngâl a.

MATTHAI 24:24

Krista lêmte leh thiemgau lêmte hung pawt ding ahi ngâl uh a. Ziete chun melchikna nasatak leh, thilmak lopitak hun etsak un au, a hihtheih diek chun, telte nasan le hun dawha bawl ding ahiu hi.

MATTHAI 24:22

Zie nihaw chuh Pathien in a hih chawm ta a, hih chawm lo hileh, mihiem himhim dam in suokcha puo’n au, himahlele, a mi telte ziekin a hih chawm ta a.

1 JOHAN 4:16

Pathien in hehpihna eihaw a dinga a neih chuh I heu a, gin le I ginchak uh ahi. Pathien chuh hehpihna ahi a, hehpihna a um zing chuh, Pathien ah a um zing a, Pathien le amah a um zing ahi.

2 PETER 3:14

Zieziekchun, deihtakte haw, khutibang Ni khuo chuh kinem na hih ziekun, buok beklo leh paulap beia, lungmuong taka na um uh a hun muh theihna dingin, thatnawp suoh un.

KOLOSSA 2:2

Zie chuh, hansanna a a dim u a, lungsietna a a kikankhawm u a, lungmuonna hauhsakna bukim, hetchetna diktak zieka um chuh a neih theihna dingun ka hih ahi. Khutibang hin Pathien thuguk, Krista ngêi chuh he thei un au.

GALATI 5:22

Himahlele, thagau gah vang chuh: hehpihna haw, lawpna haw, kichamna haw, thuokhatna haw, nunnemna haw, phatna haw; taksanumna haw,

GALATI 5:6

Krista Isu achun, zektan bangmah a phachuom puoh a, zektan loh le bangmah a phachuom diek puoi; taksanna a, hehpihna nasep vang chuh a phachuom ahi.

NASEPTE 15:18

Sawta kipan ta, ziehaw chengcheng hetsak sek pa Lalpa chun a tii,” tih zik ahi.

THIEMPUDANTE 19:2

“Israel mipi, kikhawmkhawmte chuh hopih inla, a kawm u ah, ‘Na thientho dinguh ahi; Kei Lalpa na Pathien u hi ka thiengtho ngâl a.

THIEMPUDANTE 20:7

Zieziekchun, kihihthiengtho unla, thiengtho in um un, Kei Lalpa na Pathien u chuh ka hi ngâl a.

2 SAMUEL 22:24

A masang achun diktakin ka um ngâl a, Ka dukdak lohna apat in keimah leh keimah ka kihedawk ta ngâla.