DANIEL 9:9 - PATHIEN LEKHABU THIENGTHO (BSI)

⁹ Zaidawhna leh ngaihdamna chuh ka Pathien u chun a nei a; a chungah a na hel ta mahleu hing le,

DANIEL 9:9 ပူးပေါင်းရင်းမြစ်များ

DANIEL 9:7

Aw Lalpa, diktatna chuh nanga ahi a, kei hawn vang keimauhaw chung ngêi ah zahchâkna ka kitut tau ahi. Zie chuh Juda mite leh Jerusalem a chêngte leh Israel na nawhzakte, gamla leh naia umte chunga le a dik hi.

DANIEL 9:5

“Na thupiek leh vaihawmte apat chieh pet in ka na gilo tau a, diklo tak leh nunsie takin thil ka na hih u a; ka na hel tau a,

SAM LEHKHABU THE PSALMS 86:15

Himahlele, Aw Lalpa, nang chuh lainatna a dim Pathien, mi lungsiet thei, Lungnieng, chitna leh thutak a dim na hi.

SAM LEHKHABU THE PSALMS 130:7

Aw Israel, Lalpa chuh kineppih in; Lalpa kieng ah zahngaihna a um ngâl a, A kieng ah tatna bukim a um hi.

JEREMIA 14:7

Ka manlohnau chun ei phawlchil mahleh, na min ziekin Aw Lalpa, hung sem in; ka nungchawnnau a tam ta ngâl a; na chung ngêi ah thil ka hihkhiel ui, a tiu a.

SAM LEHKHABU THE PSALMS 130:4

Himahleh, na kieng ah ngaihdamna a um a, Kihchaka na um theihna dingin.

SAM LEHKHABU THE PSALMS 62:12

Aw Lalpa, zahngaihna hile nanga mah ahi: Mitin a thilhih dungzui chiet in na din sek ngâl a.

JONA 4:2

Lalpa kawmah a paucham a, “Aw Lalpa, ziehi ka gam u a ka um laia ka gen kha hilo ahim? Zieziek ahih Tarshis lama taimang zieng ka hi kha! Nang hi mi lungsiet thiem leh hehpih thiem Pathien, lungna vak lo; dettaka lungsietna nei zing Pathien, thil phalo apat kisik kit thei Pathien leh mi gawt zieng lo na hi tih ka he a.

ISAI 63:7

Lalpa zahngaihna nasep chuh geldawk ing ka ting; Lalpa zaidawhna thute leh pahchakna thute gen ing ka ting; A lungsietna bang zel leh, a zaidawhna nasat zie bang zela Israel inkuon chunga a phatna nasatak a vuk thu khale gen ing ka.

ISAI 55:7

Migilo chun a umdan chuh haihsan hen la, mi diktatlo inle a ngaihtuohna chuh haihsan henla; Lalpa I Pathien kawm uh ah vaikit hen, tichun, amah chun lungsiet intin; a na ngaidam mah mah ding ahi ngâla.

EZEKIEL 20:13

Himahleh, Israel insung mite chuh thalek a khan ka chungah a hel u a, ka dân siem haw chuh a zui puou a, ka thutanna haw, min a zuih a a hinlawh ding hawu chuh a musit u a, Sabbath haw le nasa takin a bawhsieu a; khutichun, thalek achun amau hih mangthai dingin ka lungnatna chuh a chung u ah ka sungtha mai die aw, ka ti a.

SAM LEHKHABU THE PSALMS 86:5

Aw Lalpa nang chuh na pha a, na ngaidam seka, A hun sam tapoh chungah zahngaihna na hau ngâla:

NEHEMIA 9:31

Himahlele, na zahngaihna lien tak chun a tâwp na ding uh na tunsak puoh a, thah le na thahtham puoh a, Pathien mi lungsiet thei leh lainatna a dim na hih ziekin.

1 LENGTE 8:30

Chun, na suok leh na mi Israel te hin zie mun lam hi ngaa a paucham tieng u leh a ngetna hawu a na ngaihthak sak sek in; na umna mun van apat in a na ngaitha’n la, ngaidam in.

DANIEL 9:6

Na suok thiemgaute’n, ka lengteu leh ka lawiupateu kawm leh nam mipite kawma na min a a thugenteu chu ka na ngaitha ta puou a.

DANIEL 9:8

Aw Lalpa, na chunga ka na gitloh tâk ziekun, keihaw leh ka lengteu, ka milienteu leh ka pateu chun zahchâk um takin thil a na hih tau hi.

2 SAMUEL 24:14

Chun, David chun Gad kawmah, “Dinmun tizat-um tak mah ah ka ding a, ka lung a zing mah mah zieng a; Lalpa khut ah puklut phawt mai leng; a zahngaihna chu a nasa mah mah mai ngâla. Mihing khut achun vang ei puklut sak dah tei tei in,” a ti a.