DANIEL 9:4 - PATHIEN LEKHABU THIENGTHO (BSI)

⁴ Lalpa ka Pathien kawm achun ka paucham a, ka kiphuong a, “Aw Lalpa Pathien, lopi tak leh lauh um tak, nang hun hehpih a, na thupiek zawp sekte kawma thugawlh sudet in lungsietna na latsak sek a.

DANIEL 9:4 ပူးပေါင်းရင်းမြစ်များ

1 LENGTE 8:23

“Aw Lalpa, Israel Pathien, nang tawbanga a ângsung a a lunggil chengchenga tawiviel zing a suokte dinga a thugawlh guitun saka lungsietna nei zing thei, chunglam van a leh nuoi lam lei ahin Pathien dang mawngmawng a um puoi.

2 KHANGTHUBU 7:14

Ka minpu ka mite chuh, kingainiema a paucham uh a, ka mel a hawl uh a, a umdan giloteu kisik a a haihsan u chun, van apat in a na ngaitha’ng ka ting, a gitloh nau ngaidam ing ka ting, a gam uh sudam kiting ka.

EZRA 10:1

Chun, Ezra chuh Pathien In lam zuon in bawkkhup a kap kawm in a paucham a, ti a chuh thupha chawia a paucham lai chun Israel chate chuh a mei-apa, a si a sen in a kawma chun a hung kikhawm u a, tichun, mipite chuh ngeih tak in a kap tau a.

NEHEMIA 1:5

“Aw Lalpa van Pathien, Pathien lopi leh lauh-um, Amah hehpih a a thupiek zawp te chunga thugawlh hezing a zahngaihna sulang sek pa;

NEHEMIA 9:32

“Zieziekchun, ka Pathien uh lopi, bangkim hihthei leh lauh um, a thugawlh hezing leh zahngaihna a dim chun ka chung u leh ka leng teu leh ka milien teu, ka thiemputeu, ka thiemgau teu leh ka pileputeu leh, na mite chengcheng chunga Asuria lengte vaihawm lai apat a tuni tienga gimtheihna hung tung haw hi thil neu thêm in ngai ki’n.

SAM LEHKHABU THE PSALMS 32:5

Ka gitlohna chuh na kieng ah ka phuong a, Ka thulimlohna ka îm puoh a; Ka sukkhelhna chuh Lalpa kawmah thupha chawi ta’ng ka, ka ti a; Khutichun ka gitlohna-gitlohnate chuh na ngaidam ta kha. Selah

PAWTDAWKNA 20:6

ei hehpih a ka thupiek haw zawpte chuh suon sang tamtak chana le lungsietna latsak sek ka hi hi.

JEREMIA 3:13

Lalpa na Pathien chunga na kiphin nate, thingbawk nuoi tin chenga gamdang mite a dinga na kiphal nate leh ka kamsuok na zawp loh na haw chuh thupha chawiin Lalpa’n a tii.

JEREMIA 32:23

A hunglut u a a luoh tau a; himahleh, na kamsuok a nit puou a, na dân le a zui diek puou a, hih dinga na thupiek haw le a hih puou a, zieziekchun, zie thil phalo haw cheng hi a chung u a na tunsak ahi hi.

DANIEL 6:10

Khapna lehkha achun leng Darius chun a min a zik tai tih a Daniel in a het phet chun In ah a lut a. (A pindan tukvan chuh Jerusalem lam nga a kihawng ahi a) A hihdan ngeina guolin, khupdin in, ni khatin thum vei a paucham a. Pathien kawmah kipahthu a gen a.

DANIEL 9:3

Tichun, an ngawlin, kawlladip puon silh in, vut laka kibuol in, Lalpa Pathien kawm achun phachuomngai takin ka paucham ta a.

LUKE 1:72

Amah chun ei suonteu kawm akhan, lungsietna latsak ka ting, ka thugawlh thiengtho chuh hezing ing ka, a ti him a.

ROME 8:28

Chun, Pathien hehpihte, amah guot guola a sapte ding chun, a phatna dingun bang chengah a sepsak sek hi tih I heu a;

DAN NIHNA 5:10

Himahleh, ei hehpih a ka thupiek haw pawmte sang tamtak te chunga lungsietna latsak sek ka hi hi.

DAN NIHNA 7:12

“Chun, hiti hi hi’n tin, zie thutanna haw hi na ngaihsak u a, na zuih u a, na hih u chun na pileputeu kawma Lalpa na Pathien un kihâksiel a a thuthun leh lungsietna chuh na chungu ah nga’n tin;

DAN NIHNA 7:21

Amau chuh na lauh dinguh ahi puoi; Lalpa na Pathien uh, Pathien lauh-um tak leh thupi tak chuh na laku ah a um ngâla.

DAN NIHNA 7:9

Zieziekchun, Lalpa na Pathien u maicha hi Pathien chuh ahi tih heu in; Pathien ginum, amah hehpih a, a thu zuite chunga khang sang chana thuthun leh lungsietna sulang zing seka,

JAKOB 1:12

Thepna thuok hâm hâmte chuh a kipâk ui, patepa a um nung leh, hinna lallukhuk, Lalpa’n amah hehpihte kawma a tiem chuh mu ding ahi.

JAKOB 2:5

Ka suohpih deihtakte, ngaitiem u, Pathien in zie khawvel thila chagahte hi, taksanna lama neizo ding leh, amah hehpihte kawma a gam tiem chuh luoh dinga a tel hilo a hi?