DANIEL 9:3 - PATHIEN LEKHABU THIENGTHO (BSI)

³ Tichun, an ngawlin, kawlladip puon silh in, vut laka kibuol in, Lalpa Pathien kawm achun phachuomngai takin ka paucham ta a.

DANIEL 9:3 ပူးပေါင်းရင်းမြစ်များ

2 SAMUEL 12:16

Khutichun David in zie naupang ding chun Pathien kawmah a ngên a; chun David chun an te ngâwl a, a luta, zankhuo’n tuol ah a kuol ta a.

EZRA 10:6

Khutichun, Ezra chuh Pathien inmai a kipat chuh a kipan dawka, Eliashib chapa Jehohanan pindan a zuona, tichun, zie chun zan khuo’n saltâng vaikit te thilhihkhelh zieka lungkham in bangmah a ne’n a dâwn puoi.

EZRA 8:21

Khutichun, ka Pathien uh masang a kingaihniem ding thu ka phuong a, kei u leh ka chateu leh ka thuomphuo teu tawh lamzang taka ka chieh theih na dingun, Ahava lui a chun anngawlh ding thu ka phuong ta a.

EZRA 9:5

Chun, nitâk lam kithawih hun chun ka lungkham na apat chun ka puonâk leh ka puonsilh sie chuh silh kawm in ka kipan dawka; chun, khupdin a Lalpa Pathien lam nga’n ka bân ka zak a.

NEHEMIA 9:1

Khutichun, zie tha mah, ni sawmnih leh ni li ni chun Israel chate chun an a ngawl u a, kawlladip silh in a luzâng u a leivui kibuok in a kikhawm u a.

ESTHER 4:16

“Chieh inla, Judate chengcheng chuh Susan achun samkhawm in; an ngawl unla, kei a dingin paucham unla, Ni thum leh zan thum chuh an ne kiu inla, tui le dâwn diek kiu in. Kei leh ka suok nungakte hin le tawbang chun hih ung kau. Dan lo guolin leng kawmah lut ing ka ting, chun, ka thih leh ka thih himai ina,” a ti a.

JOB LEHKHABU THE BOOK OF JOB 42:6

Zieziek tak chun kei leh kei ka kikihdak a, Vut leh leivui laka chun ka kisik hi,” ti’n.

SAM LEHKHABU THE PSALMS 35:13

Kei vang chun, a damloh pêt un kawlladip ka silh a; Ka hinna hi anngawl in ka sugimthei ngâla; ka pauchamna chuh keimah angsung ngêi ah a hung vaikit a.

ISAI 22:12

Zie ni chun, Lalpa Sepaihte Lalpa chun kap ding leh âwm kichup ding leh, sam met muih a saidippuon silh dingin a hun sama.

JEREMIA 33:3

“Ei sam in la, hun dâwng ing ka, thil lopi leh thil kisel na hêtkhâk loh chuh hun hetsak ing ka.

EZEKIEL 36:37

Chun, Lalpa Pathien chun hiti hin a tii: “Zie hi le amau dinga hih dingin Israel inkuon chuh Kei kidawtsak ing ka; belam hawn bang hiela amau chuh supung dingin.

DANIEL 6:10

Khapna lehkha achun leng Darius chun a min a zik tai tih a Daniel in a het phet chun In ah a lut a. (A pindan tukvan chuh Jerusalem lam nga a kihawng ahi a) A hihdan ngeina guolin, khupdin in, ni khatin thum vei a paucham a. Pathien kawmah kipahthu a gen a.

DANIEL 9:2

A vaihawm kum khatna achun, lehkhabu thiengtho chuh ka sim a, Lalpa’n thiemgau Jeremia kawma Jerusalem sietna ding tiem hunsung kum zah chuh ka na hethiem ta a, kum sawmsagih chuh!

DANIEL 9:20

Chun, keimah gitlohna leh ka mipite gitlohna thupha chawi kawm leh, a Ho-In thiengtho hun tungding kit dinga Lalpa ka Pathien kawma ngên a paucham in ka um zing a.

DANIEL 9:4

Lalpa ka Pathien kawm achun ka paucham a, ka kiphuong a, “Aw Lalpa Pathien, lopi tak leh lauh um tak, nang hun hehpih a, na thupiek zawp sekte kawma thugawlh sudet in lungsietna na latsak sek a.

JOEL 1:13

Nang haw thiempute haw, kawlladip puon cheng unla kap un! Pathien Ho-In achun chieh unla, zan khuo vakin sûn un; Na Pathien u In apat chun changbuong lat leh dâwn ding lat chuh khap ahi ta ngâla!

JOEL 2:12

Lalpa chun, “Khutichun, tuhin na lunggil chengcheng u a lungkham in, anngawl in, kap unla kei lam hung ngau in.

JONA 3:5

Ziephetchun, Ninevi khuo a mipite chun Pathien thu chuh a gingchau a. Khutichun, an ngawlh ding thu a phuong u a, a lienpen apat a neupen tiengin a kisik nau suklat na dingin kawlladip puon a silh tau a.

MATTHAI 17:21

“Tihtakzet a ka hilh na hiu hi, ankam mu chang khat tieh taksanna na neih u chun, zie tâng kawma hin, ‘Zie tak apat hih zie khun va kichawn ah,’ tiu in na tin uh, kichawn zieng ina; tichun, nang u dingin hihtheihloh bangmah um puo’n a,” a ti a.

LUKE 2:37

Amah chun Pathien Ho-In taihsan lo hiel in, asûn-azan in anngawl banga paucham in Pathien a ho seka.

NASEPTE 10:30

Chun, Kornelias chun, “Ni li ahi ta a, tu phat ding vel hin, vaimim huon phat paucham huna, ka In a ka paucham lai in, ngaitie! mi khat, puon tesepsup silh ka ma ah a hung ding a,